Winali 12:5 - Wunta Mempori

⁵ Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 12:5 ပူးပေါင်းရင်းမြစ်များ

1 Mokole 12:27

Tewala tongku atuu melako mpopesombaako pesomba sinumbele i raha-Do i Ue i Yeruale, manasa aroado tongku andio ta mepokule mbo'u ndi uedo, i Rehabea, mokoledo to Yehuda. Ira mpepate aku ka dompepokule ndi Rehabea mokoledo to Yehuda.”

1 Mokole 14:21

Onaemo i Rehabea, anano i Salomo, moparenta i Yehuda. Tinuwuno i Rehabea pato pulu ka asa nta'u tempono igagi mokole, ka hopulu ka opitu nta'u tehineno ipopareta i Yerusale, kota anu bininiki-Do i Ue inso a luwuno sukudo to Isaraeli gagi po'ianga Donaao nee-Do. Neeno ineno, i Na'ama, asa beine to Amoni.

1 Mokole 8:16

Mompu'u Kuwawa ira bawaa-Ku Isaraeli mpeluarako inso i wita Masiri, nahi Kupobiniki maupo kota hapa inso i olono luwuno suku Isaraeli kai winangu asa raha kai po'ia nee-Ku i ra'ai, sine Kubinikiomo i Daudi kai pabawai ira bawaa-Ku Isaraeli.”

1 Mokole 8:20

Do'ihiiomo i Ue dandi anu umariomo Dopauo. Ongkuemo umeu ira i Daudi, amaku, ka mentoro a ngkadera poparentaa i Isaraeli, kana anu pinau-Do i Ue, saru wanguo raha andio tiano nee-Do i Ue, Ue Alado to Isaraeli.

1 Mokole 8:27

Sine menteeke Omiu Ue Ala Komiu mo'ia i wawontolino? Menteeano langi, tendeano maupo langi luwuno langi, nahi ta moko'ulaKomiu, tamoako lahi raha anu winanguku andio.

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

2 Mokole 18:22

Ke bara'ura komotae ndi ongkue: Mpoperorohi kami ndi Ondae i Ue, Ue Alamami. Kombake Ondae atuu anu luwuno pongku wita pesombaa ndi Ondae ka luwuno meda mpontunua pesomba ndi Ondae ipoko'olaiomo i Hisikia? Kombake ipotaeako ira to Yehuda ka Yerusale: I arono meda pontunua pesomba anu i Yerusalemo andio asalakono impenggolontu mpesomba!

1 Tawarika 22:1

Ka i'amba motae i Daudi, ”I ndi'aimo raha-Do Ue Ala, ka i ndi'aimo meda pontunua pesomba, pesomba tinunudo to Isaraeli.”

2 Tawarika 7:12

Umarino atuu Ondae i Ue mepopokita ndi Salomo ia wongi ka mepau ndi onae, ”Kurongeomo pekakaimu ka Kubinikiomo po'ianga andio tia-Ku gagi raha pesombaa.

Esera 3:2

Tempo atuu i Yesua anano i Yosada saru luwuno pepaekompono, luwuno sando mpesomba ka i Serubabeli anano i Sealitieli saru luwuno pepaekompono mpowangu meda pontunua pesomba ndi Ondae Ue Alado to Isaraeli ka dompompesombaako pesomba tinunu i wawono, menunu anu teburi a wunta Taurano i Musa, tetenaa-Do Ue Ala.

Esera 6:12

Ondae Ue Ala anu weweuo nee-Do mo'ia i ra'ai, po'ineeomo Dopotii ira sompo mokole ka tongku, anu tumaangakono kaeno umewaio tompaano pau andio ka ta mokotampulao Raha-Do Ue Ala anu i Yerusale atuu. Ongkue i Dariusu, anu moluarako parenta andio. Asalakono atuu ka iwineweu temoiko.”

Esera 7:17

Onaemo pu'uno, asalakono doi andio pakeo temoiko po'oliako sapi lakino, bimba lakino, ka ana bimba saru pesomba kaanga ka pesomba tinawa. Luwuno atuu, asalakono pesombaakono a wawo meda pontunua pesomba i Raha-Do Ue Alamu i Yerusale.

Nehemia 1:9

Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Po'unde-unde 78:68

sine Dobinikio suku Yehuda, Torukuno Sioni anu pinehohawa-Do;

Peluarakoa 15:2

Ondae i Ue rosoku ka penaniku, Ondae gagi pongkaduduiku. Ondae Ue Alaku, ku'unde-unde Ira, Ondae Ue Alado amaku, kupelangkai Ira.

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Peluarakoa 25:22

I ra'aimo Aku tepohaweakomu; inso i wawono ulo pesintuwua atuu i olono orua kerubi iwawono burua songka atuu, Aku mepauakomu mongkona luwuakoano anu Aku tumenaakomu ka domempinauako to Isaraeli.”

Yeremia 26:2

Kanandiomo pau-Do i Ue, ”Pentademo a kintalano Raha-Do i Ue ka pauomo a mpalilino luwuno kotano Yehuda, anu mehawe ira mpenggolontu mpesomba a Raha-Do i Ue, luwuno pau anu Kupeparentaako ka upohaweo ndi ondae. Si kurangio maupo te'asa mpudu pau!

Yeremia 7:12

Onaemo pu'uno lakomo a mpo'ianga-Ku i Sioni, isua i ndi'ipua Kuweweuo po'iangano nee-Ku, ka kitaomo hapa anu Kuweweuomo ndi onae hangano poweweudo mosa'o bawaa-Ku Isaraeli!

Yeremia 7:14

Onaemo pu'uno, a raha andio, anu nineeako montonda nee-Ku ka anu pinerorohimiu, ka a mpo'ianga, anu Kuweeakomiumo ka a uempu'umiu, Aku weweuo kana anu Kuweweuomo ndi Silo.

Imama 17:4

sine nahi wawao a mpewowano Kema Tepotowoa kai pinesombaako gagi pesomba ndi Ondae i Ue i arono Kema Mempori-Do i Ue, mongkona atuu asalakono pinototoiako a mia atuu gagi pasua rea; mia atuu mo'uwuomo rea ka asalakono pinokotampula inso i tonga-tongano tongkuno.

Podoaa 7:89

Mansano mewinso i Musa a laro Kema Tepotowoa ta mepau saru Ondae i Ue, irongeo anu mepau ndi onae inso a wawo tutuwi pesintuwua anu i wawono burua songka-Do Ue Ala, inso i olono orua kerubi atuu. Kanandiomo Dopepau ndi onae.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:13

Impope'inandaimo, kasi mpopesombaako luwuno pesomba tinunumiu a mondeeno po'ianga anu kinitamiu.

Winali 12:18

Sine, asalakono imengkaano i aro-Do i Ue, Ue Alamiu, a mpo'ianga anu Ira binikio i Ue, Ue Alamiu, omiu saru anamiu tama ka beine, atamiu tama ka beine, ka to Lewi anu i kotamiu. Komiu memawongko i aro-Do i Ue, Ue Alamiu, hangano luwuno anu inanggano kaemiu.

Winali 12:4

Si mpoweweu kanatuu ndi Ondae i Ue, Ue Alamiu.

Winali 14:23

I aro-Do i Ue, Ue Alamiu, a mpo'ianga anu Ira binikio kai po'ia nee-Do i ra'ai, asalakono imengkaano tia hopulu inso a gandu, anggoro, ka lanamiu, ka mbo'u ana amba-ambano sapi ka asa bawaa bembe bimbamiu, kai mpepaguru doitoako Ira mpiha i Ue, Ue Alamiu.

Winali 14:24

Bara'ura, sala lumako i tu'ai impe'olaio lahi ranta nahi mpokowawao luwu, hangano Ondae i Ue, Ue Alamiu rumonsokomiu ka po'ianga anu bininiki-Do i Ue, Ue Alamiu mokomengkaao nee-Do i ra'ai olai lahi inso ampo'iangamiu.

Winali 15:20

Sompo-sompo ta'u imengkaanokoa bauno i aro-Do i Ue, Ue Alamiu, a mpo'ianga anu Ira binikio i Ue, omiu ka luwuno ihino rahamiu.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

Winali 16:15

Ilarono opitu oleo asalakono impoweweu rame-rame melangkai Ira i Ue, Ue Alamiu, a mpo'ianga anu Ira binikio i Ue. Hangano Ondae i Ue, Ue Alamiu, Ira rumonso komiu a luwuno sinowimiu, ka luwuno anu inanggano kaemiu, ranta kai polio memawongko ntu'u.

Winali 16:2

Asalakono imposumbele asa bawaa bembe bimba ka sapi gagi pesomba Pasa tia-Do i Ue, Ue Alamiu, a mpo'ianga anu Ira binikio i Ue kai po'ia nee-Do i ra'ai.

Winali 16:6

sangkadio a mpo'ianga anu Ira binikio i Ue, Ue Alamiu, kai po'ia nee-Do. I ra'aimo asalakono impesombaakono pesomba Pasa atuu i tempono ngkiniwia, sumoomo oleo, ikonaio saru tempo impeluarako inso i wita Masiri.

Winali 16:7

Asalakono imenahuo ka imengkaano a mpo'ianga anu Ira binikio i Ue, Ue Alamiu. Tisomono mo'oru impekulemo a ngkemamiu.

Winali 17:8

Tewala asa kara-kara pekalatia i kotamiu impemotungkoo lahi memputusio, kana mompepate-pinepate, motuntu-tinuntu, ke mobelai-binelai, asalakono imelako mpe'aro a mpo'ianga anu Ira binikio i Ue, Ue Alamiu.

Winali 18:6

Tewala asa to Lewi hawe inso i kota isuamokoa i Isaraeli, po'iangano gagi mia hawe, ka saru tompaano sumangano mewinso a mpo'ianga anu Ira binikio i Ue,

Winali 26:2

asalakono kau alao hasilino wita amba-ambano anu pinumpumu inso a wita anu Doweeakomu i Ue, Ue Alamu. Asalakono kau naao a baki, ka u'amba lumako a mpo'ianga anu tiniso-Do i Ue, Ue Alamu, weweuo kai po'ia nee-Do i ra'ai.

Winali 31:11

tempono luwuno to Isaraeli me'aiwa mpesomba ndi Ondae i Ue, Ue Alamu, a mpo'ianga anu bininiki-Do, asalakono imebasao songka Taura andio i arodo luwuno to Isaraeli.

KOLOSE 2:9

Hangano i laro-Domo ipo'ia montonda koroi luwuno bukeano pe'Ue Alaa,

IBARANI 12:22

Sine me'aiwa komiumo a Pongku Sioni, a ngkota-Do Ue Ala anu tuwu, Yerusale nsuruga ka a sowu-sowuno mala'eka, aasa tepumpua anu maroa,

Yosua 18:1

Mentepumpu iramo luwudo to Isaraeli i Silo, ka dompoweweu kema tepumpua i ra'ai, nde wita atuu mpetuundu iramo ndi ondae.

Yosua 22:11

Domerongeomo to Isaraeli paudo mia: ”Mpowangu iramo pontunua pesomba inuleno i Rube, inuleno i Gadi ka asantia to Manase, pontunua pesomba me'aro i Kana'a i Gelilo iwiwino koro Yarade, i asambalino witado to Isaraeli.”

Yosua 9:27

Ka i tempo atuu ipokogagi ira i Yosua puu mpobansi keu ka puu mpontambu uwoido to Isaraeli ka a meda pontunua mpesombaa ndi Ondae i Ue, ranta kanandio ia mpo'iangaa anu ta bininiki-Do.

MENGKAAA 14:1

Ka kukitao: menteeano, i Ana Bimba mentade Ira i pongku Sioni ka meronga saru Ondae asa etu ka pato pulu ka opaa nsowu mia ka a ra'ido teburi nee-Do ka nee-Do Ama-Do.