Winali 12:32 - Wunta Mempori

³² Luwuakoano anu kuparentaa komiu asalakono impetenunu meweweuo, si mentiangio ke mengkurangio.

Winali 12:32 ပူးပေါင်းရင်းမြစ်များ

2 Mokole 17:37

Omiu asalakono mpe'ini a luwuno pompakosi, atora ka songka ka parenta anu Doburiakomiumo ka imeweweuo mpiha ka siimo impesomba a luwuno anu pinesombai susua.

Powadi 30:6

Si tiangio pau-Do, ka si Dokuahakomu ka omue nahi pinotaeako anu megaupi.

Yehesikieli 44:5

Ondae i Ue mepau ndi ongkue, ”Hei anano mia, pekokoongakono temoiko, pepenteeo ka perorongeakono ntu'u luwuakoano anu Aku pauo ndi omue mongkona luwuno atorano Raha-Do i Ue ka luwuno songkano. Pekokoongakono temoiko pesalaa mewinso a Raha Mempori ka luwuno pesalaa meluarako a mpo'ianga mempori atuu.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

Winali 13:18

Hangano, imperorongeakono pau-Do i Ue, Ue Alamiu, saru mpe'ini a luwuno parenta-Do, anu kupohaweakomiu a oleo andio, ka mpoweweu hapa anu mentee a pongkita-Do i Ue, Ue Alamiu.

Winali 19:9

hangano petenunumiu meweweuo parenta anu kupohaweakomiu oleo andio kai pehohawa Ira i Ue, Ue Alamiu, ka mentuwu mpiha montonda sala anu tiniso-Do, asalakono imentiangio otolu kota mbo'u sangkadio anu otolu atuu.

Winali 4:2

Si mentiangio hapa anu kuparentaa komiu ka si mengkurangio, tendeano impe'inimo a luwuno parenta-Do i Ue, Ue Alamiu, anu kupohaweakomiu.

Yosua 1:7

Tendeano, peteao ka pokorosoo aroamu tem oleo aroa, pompe'inandai ba upelelu montonda songka anu itenaakomu i Musa, tinena-Ku ndi omue, sipansia i koana ke imanggali, ka ume'ura isuamokoa ulako.