Winali 12:21 - Wunta Mempori

²¹ Tewala po'ianga anu Ira binikio i Ue, Ue Alamiu ka mokomengkaao nee-Do i ra'ai, olai lahi inso a mpo'iangamiu, onae moiko imposumbele sapi ka asa bawaa bembe bimba anu Doweeakomiu i Ue, kana anu kuparentaakomiu, ka imengkaano bauno i kotamiu po'eheno aroamiu.

Winali 12:21 ပူးပေါင်းရင်းမြစ်များ

1 Mokole 14:21

Onaemo i Rehabea, anano i Salomo, moparenta i Yehuda. Tinuwuno i Rehabea pato pulu ka asa nta'u tempono igagi mokole, ka hopulu ka opitu nta'u tehineno ipopareta i Yerusale, kota anu bininiki-Do i Ue inso a luwuno sukudo to Isaraeli gagi po'ianga Donaao nee-Do. Neeno ineno, i Na'ama, asa beine to Amoni.

2 Tawarika 12:13

Mokole Rehabea mokorosoo koroino ka moparenta i Yerusale. Tinuwuno i Rehabea pato pulu ka asa nta'u tempono igagi mokole, ka i larono hopulu ka opitu nta'u ipoparenta i Yerusale, kota anu bininiki-Do i Ue inso i olono luwuno suku Isaraeli ka ipo'ia nee-Do i ra'ai. Neeno ineno i Na'ama, asa beine Amoni.

Esera 6:12

Ondae Ue Ala anu weweuo nee-Do mo'ia i ra'ai, po'ineeomo Dopotii ira sompo mokole ka tongku, anu tumaangakono kaeno umewaio tompaano pau andio ka ta mokotampulao Raha-Do Ue Ala anu i Yerusale atuu. Ongkue i Dariusu, anu moluarako parenta andio. Asalakono atuu ka iwineweu temoiko.”

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:15

Sine, moiko imposumbele ka mpongkaa bau po'eheno aroamiu, menunu saru poronso-Do i Ue, Ue Alamiu, anu Doweeakomiu a luwuno kotamiu. Moiko ikaano mia mokoburu ke mia morina, kana mongkaa bau lagiwa ke rusa.

Winali 12:20

Tewala Dopokomaluaomo i Ue, Ue Alamiu witamiu, kana anu dinandi-Do ndi omiu ka impopewowolo, ’Ineheku mongkaa bau,’ hangano mingkiko ntu'u mongkaa bau, impongkaa bau po'eheno aroamiu.

Winali 12:22

Moiko impongkaa bauno, kana impongkaa bauno lagiwa ke bauno rusa; moiko ikaano mia mokoburu maupo mia morina.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

Winali 16:6

sangkadio a mpo'ianga anu Ira binikio i Ue, Ue Alamiu, kai po'ia nee-Do. I ra'aimo asalakono impesombaakono pesomba Pasa atuu i tempono ngkiniwia, sumoomo oleo, ikonaio saru tempo impeluarako inso i wita Masiri.

Winali 26:2

asalakono kau alao hasilino wita amba-ambano anu pinumpumu inso a wita anu Doweeakomu i Ue, Ue Alamu. Asalakono kau naao a baki, ka u'amba lumako a mpo'ianga anu tiniso-Do i Ue, Ue Alamu, weweuo kai po'ia nee-Do i ra'ai.