Winali 12:12 - Wunta Mempori

¹² Asalakono imemawongko i aro-Do i Ue, Ue Alamiu, omiu saru anamiu tama ka beine, atamiu tama ka beine ka to Lewi i kotamiu, hangano to Lewi nahi dompohawe tia pusaka meronga saru omiu.

Winali 12:12 ပူးပေါင်းရင်းမြစ်များ

1 Mokole 8:66

A ngko'oalu oleono, itena ira tongku atuu melako. Mpo'ema ira ronso tiado mokole, ka do'amba mpekule a ngkemado saru mpo'unde ka mawongko aroado, hangano luwuno moikoa anu Doweweuomo i Ue ndi Daudi, tetenaa-Do ka a nto Isaraeli, bawaa-Do

2 Tawarika 29:36

I Hisikia ka luwuno palili mawongko a hapa anu Dopakosiomo Ue Ala tiano tongku atuu, hangano luwuno atuu mansa gagi.

Nehemia 8:9

Wunta atuu, Taura-Do Ue Ala, mengkaa ibinasa ka pinokomengkaa, ranta pobasaa atuu pinokonto'ori.

Po'unde-unde 147:1

Haleluya! Moiko ntu'u menani umunde-unde Ira Ue Alato, tekosi ntu'u menaniako penani po'unde-unde.

Imama 23:40

A oleo amba-ambano asalakono impo'ala wua inso a luwuno keu anu moiko, popano keu koroma, sampa-sampano keu anu marombo ka inso a ngkeu gandarusa. Asalakono imemawongko i aro-Do i Ue, Ue Alamiu, opitu oleo tehineno.

Podoaa 18:20

Mepau Ira i Ue ndi Haruni, ”I witado nahi komohawe tia pusaka ka nahi komohawe tia i tonga-tongado. Ongkuemo tiamu ka tia pusakamu i tonga-tongado to Isaraeli.

Podoaa 18:26

”Omue asalakono mepau a nto Lewi ka potaeako ira: Tewala mpontarima komiu inso a nto Isaraeli tia hopulu anu Kuweeakomiu gagi tia pusakamiu, asalakono impesombaakono asa ntia inso ndi onae gagi pesomba pinesusua ndi Ondae i Ue, asa ntia hopulu inso a asa ntia hopulu atuu.

I YOHANE 13:8

Motae i Peturu ndi Ondae, ”Nahi Komiu wo'ohiakune karuku hawe nahina tampulaano.” Sumangki Ira i Yesu, ”Tewala nahi Kuwo'ohiko, nahi komohawe tia ndi Ongkue.”

WINEWEUDO TINENA 8:21

Anu kanandio nahina tia ke to'oriamu, hangano aroamu nahi moleo i aro-Do Ue Ala.

Winali 10:9

Onaemo pu'uno suku Lewi nahina tia pusakado mperonga-ronga saru luwuno pepaekompodo. Ondaemo iUe tia pusakado, kana anu pinau-Do i Ue, Ue Alamiu, ndi onae.

Winali 12:18

Sine, asalakono imengkaano i aro-Do i Ue, Ue Alamiu, a mpo'ianga anu Ira binikio i Ue, Ue Alamiu, omiu saru anamiu tama ka beine, atamiu tama ka beine, ka to Lewi anu i kotamiu. Komiu memawongko i aro-Do i Ue, Ue Alamiu, hangano luwuno anu inanggano kaemiu.

Winali 12:19

Impope'inandaimo, kasi mengkulupe ira to Lewi, i larono impo'ia i witamiu.

Winali 12:7

I ra'aimo imengkaano i aro-Do i Ue, Ue Alamiu, ka memawongko, omiu ka pe'asa rahamiu, hangano a luwuno inanggano kaemiu Doronsoo i Ue, Ue Alamiu.

Winali 14:29

Hangano to Lewi nahi dompohawe tia pusaka meronga saru omiu, ira me'aiwa saru mia hawe, nana'ote nahina amano ka tuwu beine i kotamiu, ka do'amba mpongkaa mowohi. Ba kanandio Ira rumonsokomiu i Ue, Ue Alamiu, a luwuno inanggano kaemiu.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

Winali 16:14

Imemawongkomo a oleo langkaimiu atuu, omiu saru anamiu tama ka beine, atamiu tama ka beine, to lewi, saru mbo'u mia hawe, nana'ote anu nahina amano, ka tuwu beine anu i kotamiu.

Winali 18:6

Tewala asa to Lewi hawe inso i kota isuamokoa i Isaraeli, po'iangano gagi mia hawe, ka saru tompaano sumangano mewinso a mpo'ianga anu Ira binikio i Ue,

Winali 26:11

Omue, to Lewi ka mia hawe i tonga-tongamu memawongko hangano luwuno anu moiko Doweeakomu i Ue, Ue Alamu, ka luwuno ihino rahamu.

Winali 26:12

Tewala a nta'u ko'otolu, ta'u pesombaa tia hopulu, umari komo me'alao luwuno pesomba tia hopulu inso a hasilino witamu, asalakono imeweeako ira to Lewi, mia hawe, nana'ote nahina amano, ka tuwu beine, ka dompohawe mpongkaa a laro po'iangamu ranta mowohi.

Winali 27:7

Impesombaakono mbo'u pesomba tekaduduia, ka i'amba mengkaano i ra'ai ka memawongko i aro-Do i Ue, Ue Alamiu.

Yosua 13:14

Butu ia tongku Lewi nahi domewineeako pusakado anu gagi pusakado: Anu gagi pusakado onaemo pesomba anu tinunuako api tia-Do i Ue, Ue Alado to Isaraeli, kana Dodandiako ira ndi ondae.

Yosua 13:33

Sine ia tongku Lewi i Musa nahi poweeako ira pusakado: Ondae i Ue, Ue Ala Isaraeli, Ondaemo gagi pusakado kana anu Dodandiako ira ndi ondae.

Yosua 14:4

Nde inuleno i Yusupu orua tongku, Manase ka Eparai. Ndi ondae to Lewi nahi domempinoweeako tia ia wita atuu, sangkadio kota-kota po'iangaado ka wita pompotuwuado pinotuwu.