Winali 12:10 - Wunta Mempori

¹⁰ Sine komiu mensakio koro Yarade ka mpo'ia i wita anu Doweeakomiu i Ue, Ue Alamiu, kai mpe'ueo, ka Ira moweeakomiu rodoa inso a luwuno iwali petengi-tengimiu, ranta ka impo'ia manangai.

Winali 12:10 ပူးပေါင်းရင်းမြစ်များ

1 Mokole 4:25

To Yehuda ka to Isaraeli sanaa domentuwu asa ntinuwuno i Salomo, singge mia a ntoto ngkeu anggorono ka keu arano, inso i Dani hawe i Bereseba.

1 Mokole 8:56

”Unde-unde Ira i Ue, anu moweeako ira penaa-naaa a bawaa-Do Isaraeli menunu saru luwuno anu dinandi-Do; nahina maupo te'asa anu nahi Do'ihiio inso a luwuno dandi anu moiko, anu dinandi-Do molalo i Musa, tetenaa-Do.

1 Tawarika 22:18

”Ondaemo i Ue, Ue Alamiu kumongkomi komiu ka moweeakomiumo rodoa i luwuno siuno. Mentee ntu'u, Dopeweengakonomo palilino wita andio a ngkaemiu, ranta wita andio metuundu i aro-Do i Ue ka a bawaa-Do.

Po'unde-unde 4:8

Sine Ipowee akumo mawongkoa i laro aroaku, lumaloio mawongkoa tempono hadio ntu'u gandudo ka anggoro.

Peluarakoa 33:14

Ka i'amba mepau Ira i Ue, ”Ongkuemo anu kumongkomiko ka moweeko rodoa.”

Powadi 1:33

Sine isema anu momperorongeako ndi ongkue, onae ta mo'ia rodo, rodo inso a mongkokongiriako masolaa.”

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

Yeremia 32:37

Menteeano, Aku pumpu ira inso a luwuno wita, ba isua Kusiarawo ira hangano tekuda-Ku, tensilano tekuda-Ku ka mongkokongirino bamburu-Ku. Aku mokule ira a mpo'ianga andio ka weweu ira rodo dompo'ia.

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Yehesikieli 28:26

Ira merodo mpo'ia i ra'ai, mpowangu raha, ka mpoweweu lere anggoro. Humbee, ira merodo mpo'ia i ra'ai i tempono Kudontaio pohuku a luwuno pehori rahano anu mpokongkodei ira. Ira mento'orio nine Ongkuemo Ue, Ue Alado.”

Yehesikieli 34:25

Aku mowutu pedandia manangai saru ondae ka mokotampulao kondehora lambaha inso i wita atuu, ranta ka dompokompo'ia rodo i pada one ka mpoturi a luwuno tobu.

Yehesikieli 34:28

Ondae nahi ira mbo'u megagi pomuruado luwuno tongku, ka kondehora mo'ila nahi ta merangkami ira. Ira mpo'ia rodo nahina anu mompokodoito.

Yehesikieli 38:11

Omue motae: Aku sumapoio wita anu luwuno kotano nahi merere watu ka sumapoi ira mia anu mentuwu roodo ka manangai, luwuno anu mpo'ia a mpo'ianga nahi merere watu, nahina lansono ke pewowa langkai.

Yehesikieli 38:8

Tehine ntu'u umarino atuu komohawe parenta. Mapata'u-ta'u lembuino omue kolumako i asa wita anu wali winangu umarino peteaa. Palilino mepinumpu inso i olodo hadio tongku a wawo luwuno torukuno Isaraeli anu tehineomo tekale-kale. Ondae mewinawa mpeluarako inso i tongado luwuno tongku ka luwuno roodo dompo'ia.

Winali 11:31

Hangano omiu andio nami ta tehine komiu mensakio koro Yarade kai mpewinsokio ka mpetorokio wita anu Doweeakomiu i Ue, Ue Alamiu. Ka tewala komiu mpetorokio ka mpo'iangario,

Winali 3:27

Pewuatakomo a punsuno Torukuno Pisiga ka pengkitamo i sumooano oleo, i utara, i selata ka i sabaano oleo. Kitaomo temoiko, hangano nahi kosumakio Koro Yarade andio.

Winali 33:12

Mongkona i Benami, ipotae, ”Pinehohawa-Do i Ue mo'ia rodo umpeda ndi Ondae! Ondae i Ue kumaduduio sompo tempo ka mo'ia a luwuno pongku witano.”

Winali 33:28

I Isaraeli mo'ia rodo a mata uwoino i Yako nahi umonsoio i asa wita anu hinao gandu ka anggoro; maupo langino mompo'iti tontoru.

Winali 4:22

Mentee, aku mate i wita andio ka nahi aku sumakio Koro Yarade, sine komiu mensakio ka mpetorokio wita anu moiko atuu.

Winali 9:1

Imerongeomo, hei to Isaraeli! Oleo andio Kosumakio Koro Yarade, komiu mpewinso saru mpetorokio witado luwuno tongku anu lalu langkai ka lalu moroso sekono omiu, saru luwuno kota langkai anu bente pekorahakoano hawe i langi.

Yosua 11:23

Kanandiomo irontu ira luwu i Yosua wita atuu, kana pau-Do i Ue ndi Musa. Ka i Yosua meweengakono wita atuu ia nto Isaraeli gagi pusakado, montonda petiaado tongkudo. Rodoomo wita atuu, mpenaa-naa iramo mpetea.

Yosua 14:1

Ndiomo luwuno anu hinawedo to Isaraeli gagi pusakado i wita Kana'a, anu itiaako iramo sando mpesomba Eleasa a nto Isaraeli, ka i Yosua anano i Nunu ka luwuno petewawa pepe'etua inso a sukudo,

Yosua 3:17

Sine sando mpesomba mpontande burua pedandia-Do i Ue atuu kongkodo mpetade ia wita motu'i, i tongano koro Yarade, ka luwudo to Isaraeli mpesakiako ira ia wita motu'i, ranta luwudo tongku atuu pokompesakiako ira ia koro Yarade.

Yosua 4:12

Inuleno i Rube, inuleno i Gadi, ka tongku Manase anu asantia atuu, mpesakiako, mpesangka petea, i arodo to Isaraeli atuu kana ipauako ira i Musa.

1 Samueli 7:12

Ka i'amba i Semueli umalao asa watu ka i pontoroo i olono Misipa ka Yesana. Ineeakono Ebe-Haese, pengkonaano, ”Hawe i ndi'ai Dotulungi kita i Ue.”