Winali 11:13 - Wunta Mempori

¹³ Tewala mentee ntu'u imperorongeakono parenta anu kupohaweakomiu a oleo andio, ranta kai mpehohawa Ira i Ue, Ue Alamiu, ka mpesomba ndi Ondae a tompaano aroamiu ka a tompaano sumangamiu,

Winali 11:13 ပူးပေါင်းရင်းမြစ်များ

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

Po'unde-unde 119:2

Me'uraomo mia anu uminio luwuno pepopoto'ori-Do, anu umungke Ira tompaano aroano.

Po'unde-unde 119:4

Omiumo anu mohaweo luwuno parenta-Miu, kai inini tementee ntu'u.

Yeremia 17:24

Tewala mentee ntu'u imperorongea-Kune, kanandiomo pau-Do i Ue, ka nahi mpowawa parewa telalo a luwuno pewowa langkaino kota andio a oleo Saba, sine mpokomemporio oleo Saba ka nahi mpo'angga maupo hapa a oleo atuu,

Yehesikieli 34:26

Aku weweu ira ka luwuno anu a mpehori-horino pongku-Ku gagi ronso. Aku motiio usa a tempono. Onaemo atuu usa ronso.

Imama 26:3

Tewala mentuwu komiu montonda pompakosi-Ku ka kongko mpe'ini a parenta-Ku saru meweweuo,

Imama 26:4

Aku moweeakomiu usa ia tempono, ranta wita atuu mompowee hasilino ka keu a lere mompowee wuano.

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 11:22

Hangano tewala mentee ntu'u impe'ini komiu a parenta anu kupohaweakomiu kai wineweu, ka mehohawa Ira i Ue, Ue Alamiu, saru mentuwu montonda luwuno sala anu Dotisoakomiu ka saru mpe'ini moroso ndi Ondae,

Winali 11:8

Gagi, asalakono impe'ini a luwuno parenta anu kupohaweakomiu a oleo andio, ka imemoroso mpewinso ka mpentorokio wita, ba isua komiu mpesakiako kai mpentorokio,

Winali 28:1

Tewala mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta-Do anu kupohaweakomiu a oleo andio, manasa Ondae i Ue, Ue Alamiu, Ira tumande komiu i wawono luwuno tongku i tolino.

Winali 4:29

Sine maupo i ra'ai komiu umungke Ira i Ue, Ue Alamiu ka komiu humawe Ira, polo ka ime'ungke Ira tompaano aroamiu ka tompaano sumangamiu.

Winali 6:17

Asalakono tementee ntu'u impe'ini a parenta-Do i Ue, Ue Alamiu, a mpepopoto'ori ka pompakosi anu Doparentaa komiu.

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.