Winali 10:8 - Wunta Mempori

⁸ I tempo atuu Ondae i Ue mesusua ira suku Lewi anu mewawao burua pedandia-Do i Ue, ka dompo'angga mekakaako Ira i Ue ka domporonso a nee-Do, hawe kanandio-andio.

Winali 10:8 ပူးပေါင်းရင်းမြစ်များ

1 Mokole 8:6

Ka i'amba luwuno sando mpesomba mewawao Burua Pedandia-Do i Ue atuu a mpo'iangano a bolongko i larono ntu'u raha atuu, po'ianga tedoa mempori, i totono panido kerubi;

1 Tawarika 15:2

I tempo atuu motae i Daudi, ”Si hina anu tumandeo Burua-Do Ue Ala sangkadio to Lewi, hangano ondaemo anu bininiki-Do i Ue mentandeo Burua-Do i Ue ka mekakaako Ira hawe nahina tampulaano.”

1 Tawarika 15:26

Hangano Dotulungi iramo Ue Ala to Lewi anu mpontande Burua Pedandia-Do i Ue atuu, pinesombaakoomo opitu sapi laki ka opitu bimba laki.

1 Tawarika 23:13

Luwuno anano i Amarami, onaemo i Haruni ka i Musa. I Haruni pinakosi saru inuleno hawe nahina tampulaano ka dompopokomempori parewa anu tedoa mempori, ka dompotunu pesomba i aro-Do i Ue, ka dompekakaako Ira ka mompowee ronso a nee-Do hawe nahina tampulaano.

1 Tawarika 23:26

Bakanandio, to Lewi nami ira mentandeo mbo'u Kema Mempori ka luwuno parewa anu pinake a mpesomba i tu'ai.”

2 Tawarika 29:11

Luwuno anaku kanandio-andio si memangulele, hangano dobiniki komiumo i Ue mentade i aro-Do mekakaako Ira, ka impoweweu pesombaa ka montunu pesomba tia-Do.”

2 Tawarika 30:27

Umarino atuu luwuno sando mpesomba to Lewi mpentade rumonso ira palili. Pepaudo Dorongeo i Ue ka pekakaido hawe a mpo'ianga-Do anu mempori i suruga.

Po'unde-unde 134:1

Penani mekoho. Aiwa, unde-unde Iramo i Ue, hei luwuno tetenaa-Do i Ue, anu mpopekakaako a Raha-Do i Ue i tempono wongi.

Po'unde-unde 134:2

Tandeomo kaemu a mpo'ianga mempori ka unde-unde Iramo i Ue!

Po'unde-unde 135:2

hei luwuno mia anu mpopekakaako a Raha-Do i Ue, a kintalano Raha-Do Ue Alato!

Yeremia 15:19

Onaemo pu'uno kanandiomo pau-Do i Ue, ”Tewala inehemu mepokule, Aku mokuleko gagi puu pompekakaako-Ku, ka tewala mompauko hapa anu mentudu ka komba anu mokoburu, asalakono omue kogagi ponsombu elo ndi Ongkue. Maupo ira mpepokule ndi omue, omue siimo pepokule ndi ondae.

Yehesikieli 44:11

A mpo'ianga mempori-Ku ondaemo anu mpodagai a luwuno pewowa langkaino Raha Mempori ka mpopekakaako a laro Raha Mempori. Ondaemo anu mponsumbele pesomba tinunu ka pesomba sinumbele tiado tongku ka mpo'angga mpekakaako ira.

Yehesikieli 44:15

Sine, luwuno sando mpesomba to Lewi inso a inuleno i Sadoki anu mpo'angga a mpo'ianga mempori-Ku tempono to Isaraeli mepansia inso ndi Ongkue, ondaemo anu ira me'umpeda ndi Ongkue mpoweweu pesomba ka mpo'angga i aro-Ku pompesombaako ndi Ongkue taba ka rea, kanandiomo pau-Do Ue Ala.

Imama 8:9

Ka i'amba numaao peboo ulu a uluno, ka a peboo ulu atuu i arono inaao ramba-ramba ulu inso a wulaa onaemo ramba-ramba mempori kana petena-Do i Ue ndi Musa.

Imama 9:22

I Haruni tumandeo orua kaeno a tongku atuu kai ronso ira. Onae metii umarino mompesombaako pesomba po'onini hala, pesomba tinunu ka pesomba tekaduduia.

Podoaa 3:31

Anu asalakono dompekakaakono, onaemo burua pedandia, meda, hulu mekaru, luwuno meda pontunua pesomba, parewano po'ianga mempori anu pinake a mpoweweua pesomba, tewinso sawu pelingo ka luwuno anggaa anu hinao penggoeno saru luwuno atuu.

Podoaa 3:6

”Tena iramo suku Lewi me'aiwa i arono sando mpesomba Haruni, ka dompekakaakono.

Podoaa 4:15

Mansano i Haruni ka luwuno anano borungio luwuno sangka mempori ka luwuno parewano po'ianga mempori, i tempono pekemaa ta melungka, ka i'amba to Kehati moikoomo dompewinso i larono mentandeo luwuno sangka atuu. Sine, si dontepodanggi saru luwuno sangka mempori atuu, memate ira te'ingka. Gagi onaemo atuu luwuno sangka a Ngkema Tepotowoa anu asalakono domentandeo inuleno i Kehati.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

WINEWEUDO TINENA 13:2

Pohona tempono dompesomba ndi Ondae i Ue ka mempuasa, Mepau Iramo Penaa Mempori, ”Pesusuaa-Kunemo i Baranaba ka i Saulu a anggaa anu Kupakosiako iramo.”

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

ROMA 12:7

Tewala pompowee ka topompekakaako, moikoomo topompekakaako; tewala pompowee ka topompaguru, moikoomo topompaguru;

2 KORINTI 6:17

Onaemo pu'uno: Impeluarakomo inso i olodo, ka impensuaako iramo, pau-Do i Ue, ka si mpo'angga anu mokoburu, ka Aku tumarima komiu.

GALATIA 1:15

Sine tempono Ondae, anu biniki akumo mompu'u inso a mpe'anakaado ineku ka moboi aku hangano pompehohawa-Do,

Winali 17:12

Mia anu kowee-wee ka nahi perorongeakono pauno sando mpesomba anu mentade i ra'ai gagi puu mpopekakaako-Do i Ue, Ue Alamiu, ke maupo pauno puu mpobitara, manasa mia atuu mate. Kanatuumo asalakono impokotampulao anu mosa'o inso i Isaraeli.

Winali 18:5

Hangano onaemo anu bininiki-Do i Ue, Ue Alamiu inso a luwuno sukumiu, kai pentade mompekakaako a nee-Do i Ue, onae ka anano saru ana'ueno ranta nahina tampulaano.

Winali 21:3

Ka i'amba luwuno mia memota'u inso i kota anu lalu umpeda saru po'iangano mia anu pinepate atuu, asalakono mpo'ala asa sapi waino anu mongura, anu napi hori pinake, ka anu napi hori morende pasanga.

Winali 21:5

Luwuno sando mpesomba inuleno to Lewi, asalakono aiwa merangkuhio, hangano ondaemo anu bininiki-Do i Ue, Ue Alamiu, anu mekakaako Ira ka mompowee ronso a nee-Do i Ue. Montonda pomputusidomo sompo kara-kara bela-mobelai, kai pinoko'umari.

Winali 31:9

Ka i'amba i Musa burio songka Taura atuu, ka meweengakono a luwuno sando mpesomba inuleno i Lewi, anu mentandeo burua pedandia-Do i Ue, ka a luwuno mia memota'u Isaraeli.