Winali 10:21 - Wunta Mempori

²¹ Ondaemo pu'uno po'unde-undeamiu ka Ondaemo Ue Alamiu, anu umariomo weweuo i olomiu luwuno wineweu anu langkai ka mongkokongiri, anu imengkitaakonomo matamiu.

Winali 10:21 ပူးပေါင်းရင်းမြစ်များ

2 Samueli 7:23

Isema kana bawaa-Miu Isaraeli, asa tongku i tolino, anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ndi ondae, ka sumaari ira luwuno tongku ka pinesombaido anu susua inso i arodo bawaa-Miu anu tinolosi-Miumo inso i Masiri.

Po'unde-unde 109:1

Tiano petewawado anu mpenani. Penani po'unde-undeno i Daudi. Oo Ue Ala inunde-undeku, si po'inee aku!

Po'unde-unde 145:6

Luwuno wineweu-Miu anu mongkokongiri ta pinalele ka langkaino pabawa-Miu aku tumutuluo.

Po'unde-unde 148:14

Dopokomantandeomo tandu rosono bawaa-Do, gagi po'unde-undedo luwuno mia anu pinehohawa-Do, tiado to Isaraeli, bawaa anu umpeda ndi Ondae. Haleluya!

Po'unde-unde 22:3

Ue Alaku, ongkue meboo-booli i tempono meene, sine nahi Isangki, ka i tempono wongi, sine nahi kurodo koa mbo'u.

Peluarakoa 15:2

Ondae i Ue rosoku ka penaniku, Ondae gagi pongkaduduiku. Ondae Ue Alaku, ku'unde-unde Ira, Ondae Ue Alado amaku, kupelangkai Ira.

Peluarakoa 34:10

Ka Do'amba mepau i Ue, ”Mentee ntu'u, Aku moweweu pedandia. I arodo luwuno tongkumu, Aku mompokogagi luwuno wineweu anu kinohali-haliako, anu napi hori gagi i asa wawontolino i olodo luwuno tongku. Luwuno tongku anu perongamiu, ira mengkitao pinokogagi-Do i Ue, hangano tedoa mongkokongiri hapa anu Aku mokogagio saru omue.

Yesaya 60:19

Ndi omue mata'oleo nami gagi mbo'u pompokomewine tempono meene ka wantano wula nami pompowee mbo'u mewine tempono wongi, sine Ondae i Ue Ira gagi pompokomewinemu anu nahi bali ka Ondae Ue Alamu Ira gagi marambamu.

Yesaya 64:3

Hangano, Omiu moweweu wineweu mongkokodoito anu nahi kimperorohio, Omiu metii ka luwuno mbo'u torukuno lelu i aro-Miu.

Yeremia 17:14

Ipokotompa akumo, oo Ue, asalakono aku tompa; Ikadudui akumo, asalakono aku tekadudui, hangano Omiumo inunde-undeku!

I LUKASI 2:32

onaemo mewine anu gagi wantano luwuno tongku susua ka gagi marambado bawaa-Miu, to Isaraeli.”

Yosua 24:18

Ondae i Ue sumaari ira inso ndi ontae luwuno tongku saru to Amori, mia anu mpo'ia i ndi'ai. Omami koa mbo'u, kami mpesomba ndi Ondae i Ue, nde Ondaemo Ue Alato.”

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

1 Samueli 12:24

Butumo koa, imedoitoako Iramo i Ue ka impetenunu mpesomba ndi Ondae ia tompaano aroamiu. Hangano, kitaomo tedoa langkai wineweu-Do ndi omiu.