Winali 10:17 - Wunta Mempori

¹⁷ Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

Winali 10:17 ပူးပေါင်းရင်းမြစ်များ

2 Tawarika 19:7

Onaemo pu'uno, po'ineeomo ka imedoitoako Ira i Ue. Impopetu'uimo pomputusi, hangano moweweu molengku, mobiniki mia ke maupo montarima anu nahi pototono nahina ndi Ondae i Ue, Ue Alato.”

Nehemia 1:5

Kupotae, ”Oo Ue, Ue Alano asa wawo langi, Ue Ala langkai pabawa-Do ka mongkokongiri, anu me'ini a mpedandia ka pompehohawa-Do a mia anu mehohawa Ira ka tumondao luwuno parenta-Do,

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Ayubi 34:19

Ondae nahi Dope'alaako a luwuno anu langkai potorono, ka nahi Dopokonse'elu ira mia pinemota'u sekonopo mia kodei, hangano luwudo onaemo wineweuno kae-Do?

Po'unde-unde 99:3

Po'ineeomo dome'unde-undeo nee-Miu anu langkai ka mongkokongiri; Ondaemo anu mempori!

Peluarakoa 23:8

Si pontarima pompowee nahi moleo, hangano pompowee nahi moleo mompokomorawu ka maupo molino pongkitano, iposuleo kara-karano mia anu mentee.

Yesaya 37:16

”OoUeno luwuakoano, Ue Alado to Isaraeli anu mo'ia a wawo kerubi! Butu koa Omiu Ue Alano luwuno poparentaa i tolino. Omiumo anu mokogagio langi ka tolino.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yeremia 20:11

Sine Ondae i Ue kumongkomi aku kana puu mpetea anu moroso, onaemo pu'uno anu melampui aku ira ntetidu ntebangku ka nahi domehawe aku. Ondae gagi tedoa memokoko'ii, hangano nahi domehawe aku, asa mokoko'iia anu nahi ta kinolupe ranta nahina tampulaano!

Yeremia 32:18

Omiumo anu mopokitao pompehohawa-Miu a mapasowu-sowuno mia ka anu mombalo salado ama a luwuno anado umarino ondae. Oo Ue Ala anu langkai ka moroso, nee-Miu onaemo Ueno luwuakoano,

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 2:45

Mongkona atuu mengkena ntu'u kana anu kinitamiu ueku, nine komba wineweuno kaeno mia asa watu teloka inso a ntorukuno ka ipuroo labu, mala, wita pulu, salaka ka wulaa atuu. Ondae Ue Ala anu tedoa langkai Dopauakomiumo ueku mokole hapa anu ta gagi lembuino. Mo'ipi atuu mentee ka pengkonaano pine'ala-ala.”

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

I MARAKUSU 12:14

Mia atuudo mehawe ka dompotaeako Ira, ”Guru, kimento'orio, Omiu asa mia anu moleo, ka nahi doito maupo ndi sema, hangano Omiu nahi pobiniki mia, tendeano a menteeano Ipompaguruako sala lumako ndi Ondae Ue Ala. Nde tekonake mo'owahi sima'ulu ndi ondae Datu ke naahi? Asalakonoke kami me'owahio ke naahi?”

WINEWEUDO TINENA 10:34

Ka i'amba mompu'uomo i Peturu mepau, ipotae, ”Menteeano kupokonto'oriomo, nine Ondae Ue Ala nahi Dopobibiniki mia.

ROMA 2:11

Hangano Ondae Ue Ala nahi Dopobiniki rupano mia.

GALATIA 2:6

Ka mongkona ondae anu topotaemo mentinudu atuu – ba kana'umpe potorodo i ndi'upua, nahi kukereo atuu, hangano Ondae Ue Ala nahi Dopongkita rupa – maupo kana'umpe, ondae anu mentinudu atuu nahina dompedadaakono anu susua ndi ongkue.

EPESU 6:9

Ka omiu anu pe'uea, imeweweuomo mbo'u kanandio ndi ondae ka impoko'olaio pompokodoito. Impewowoloo, nine Uedo ka Uemiu kongko Ira i suruga ka nahi Dopongkita rupano mia.

Winali 1:17

Si mpompesusua mia i larono impompau kara-kara. Moiko mia kodei tuwuno maupo mia langkai tuwuno, asalakono imperorongeakono. Si medoito maupo ndi semamokoa, hangano pebitaraa pabawa-Do Ue Ala. Sine, kara-kara anu impemotungkoo lahi, asalakono imewawao ndi ongkue, ka kuperorongeakono.”

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

Winali 24:17

Sirontuo tiano mia hawe ka nana'ote nahina amano. Si alao mbo'u sangkano asa mia tuwu beine gagi pegade.

Winali 27:25

’Tetotonaaomo mia anu montarima pompowee nahi moleo ta mompepate mia anu nahina salano.’ Luwuno tongku atuu asalakono mpotae, ’Ami!’

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

KOLOSE 3:25

Ba isema sala poweweuno, ta tumembio salano atuu, hangano Ondae i Ue nahi Dopobiniki mia.

1 TIMOTIU 6:15

onaemo tempo anu Ira tumantuio anu Pabawa anu asa-asa-Do ka anu buke me'uraa, Mokole i wawono luwuno mokole ka Ue i wawono luwuno ue.

Yosua 22:22

”Ondae i Ue, Ue Ala i wawono luwuakoano anu pinesombai! Ondae i Ue, Ue Ala i wawono luwuakoano anu penesombai! Ondaemo anu tumo'orio, ka pototonomo to Isaraeli ka domento'orio koa. Ba mansa ndio ta gagi, ka tinoo mami umewai ira, ka nami kimpetenunu ndi Ondae i Ue, po'ineeomo Ondae i Ue nahi Dotolosi kami oleo andio.

1 PETURU 1:17

Ka tewala imeneeako Ira Ama, onaemo Ondae anu nahi Dopompesusua bitarao luwuno mia montonda wineweuno, ka po'ineeomo ka imentuwu a laro doitoa tempono imperato i wawontolino andio.

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”

MENGKAAA 19:16

Ka a lemba meloe-Do ka pa'a-Do teburi aasa nee, onaemo, ”Mokoledo luwuno mokole ka Ue i wawono luwuno ue.”