Winali 10:12 - Wunta Mempori

¹² Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 10:12 ပူးပေါင်းရင်းမြစ်များ

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

2 Mokole 10:31

Sine i Yehu nahi tuwu mpiha montonda songka-Do i Ue, Ue Alado to Isaraeli saru tompaano aroano. Nahi bintao luwuno halano i Yerobea anu poko'ariano to Isaraeli mpoweweu mbo'u hala.

2 Mokole 18:3

Onae moweweu hapa anu mentee a pongkita-Do i Ue, mengkena kana anu wineweuno i Daudi, ama mpu'uno.

2 Mokole 18:6

Onae me'ini moroso ndi Ondae i Ue. Onae nahi pebungkui Ira i Ue, tendeano me'ini a luwuno parenta anu Dopohaweomo ndi Musa.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 15:12

Ondae mpetonda saru tompaano aroado ka sumangado a laro pedandia umungke Ira i Ue, Ue Alano uempu'udo.

Ayubi 36:11

Tewala mpomperorongeako ira ka mpesomba, ira mentuwu a laro me'uraa hawe a mpoko'ariano luwuno oleo ntumuwudo ka a laro manangaia hawe tampulaano luwuno ta'u tumuwudo.

Po'unde-unde 119:2

Me'uraomo mia anu uminio luwuno pepopoto'ori-Do, anu umungke Ira tompaano aroano.

Po'unde-unde 128:1

Penani mekoho. Me'uraomo sompo mia anu doitoako Ira i Ue, anu tuwu tumondao luwuno pesalaa-Do!

Po'unde-unde 145:20

Ondae i Ue dumagaio luwuno mia anu pinehohawa-Do, sine luwuno mia mosa'o gauno Dopepate ira.

Po'unde-unde 18:1

Tiano petewawado anu mpenani. Inso a ntetenaa-Do i Ue, onaemo i Daudi anu mohaweo pauno penani andio ndi Ondae i Ue, umarino Dopotolao i Ue inso a pokungkudo luwuno iwalino ka inso a ngkaeno i Saulu.

Po'unde-unde 34:9

Impe'arahakono ka kitaomo, Ondae i Ue tedoa moiko! Me'uraomo mia anu mepekadudui ndi Ondae!

Po'unde-unde 81:13

Onaemo pu'uno, Kupo'ineeo a laro moteano aroano; po'ineeomo domentondao po'eheno aroado ondaedo!

Po'unde-unde 81:14

Tewala domeronge Aku bawaa-Ku! Tewala domentondao to Isaraeli pesalaa-Ku,

Peluarakoa 23:25

Sine omiu asalakono mpesomba ndi Ondae i Ue, Ue Alamiu, asalakono Ondae i Ue Ira rumonsoo kaangamiu ka inuamiu. Aku moko'olaio haki inso ndi omiu.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Yehesikieli 11:20

Kanandio ondae ira mentuwu montonda luwuno pompakosi-Ku ka mpe'ini a luwuno atora-Ku saru meweweuo. Ka ondae ira megagi bawaa-Ku ka Ongkue gagi Ue Alado.

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Sepanya 3:9

”Menteeano, umarino atuu Aku balio wiwido luwuno tongku gagi wiwi anu morina, ranta luwudo mempoboio nee-Do i Ue, mpesomba ndi Ondae mperonga-ronga.

I MATIU 22:37

Sumangki Ira i Yesu ndi onae, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano pompewowolomu anu mentee.

I LUKASI 10:27

Sumangki mia atuu, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano rosomu ka tompaano pinewowolomu, ka pehohawaomo pe'asa miamu kana koroimu.”

I LUKASI 11:42

Sine memasola komiumo, hei to Parisi, hangano ime'owahio tia hopuluno solasi, timbowane ka luwuno rupano inahu, sine nahi impebungkuio moleoa ka pompehohawa-Do Ue Ala. Anu aasa asalakono wineweu ka anu susua si mpebungkuio.

WINEWEUDO TINENA 9:31

I larono ba opia tempo bawaa i asa wawo wita Yudea, Galilea ka Samaria mpesintuwu ira. Bawaa atuu winangu ka mentuwu doitoako Ira i Ue. Koteti-tetiangino hadiodo hangano pontulungi ka pontarero-Do Penaa Mempori.

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

Winali 10:11

Umarino atuu mepau Iramo i Ue ndi ongkue, ”Rongamo lako ka pelempa i arodo tongku atuu, ka dompewinsokio ka mpetorokio wita anu Kudandiakono sumpa ndi ondae uempu'udo ka domewineeako.”

Winali 10:13

me'ini a parenta ka pompakosi-Do i Ue anu kupohaweakomiu a oleo andio, kai moiko tumuwumiu.

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 11:13

Tewala mentee ntu'u imperorongeakono parenta anu kupohaweakomiu a oleo andio, ranta kai mpehohawa Ira i Ue, Ue Alamiu, ka mpesomba ndi Ondae a tompaano aroamiu ka a tompaano sumangamiu,

Winali 26:16

A oleo andio Ondae i Ue, Ue Alamu parenta komiu meweweuo pompakosi ka atora andio. Petenunumo weweuomo luwuno atuu a tompaano aroamu ka tompaano sumangamu.

Winali 27:10

Onaemo pu'uno, asalakono imperorongeakono pau-Do i Ue, Ue Alamiu, ka meweweuo parenta ka pompakosi-Do, anu kupohaweakomiu a oleo andio.”

Winali 30:16

Hangano ia oleo andio kuparentaakomu ka upehohawa Ira i Ue, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i Ue, Ue Alamu i wita ba isua impewinso mpetorokio.

Winali 30:20

pehohawa Ira i Ue, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i Ue saru sumpa ndi Burahima, i Saki ka i Yako uempu'umu anu wineeako ndi ondae.

Winali 4:29

Sine maupo i ra'ai komiu umungke Ira i Ue, Ue Alamiu ka komiu humawe Ira, polo ka ime'ungke Ira tompaano aroamiu ka tompaano sumangamiu.

Winali 5:29

Po'ineeomo aroado kai kanandio mpiha: doito ndi Ongkue ka mpe'ini a luwuno parenta-Ku, ka imoiko tuwudo ka inuledo anu nahina tampulaano!

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 6:13

Asalakono imedoitoako Ira i Ue, Ue Alamiu. Asalakono ndi Ondaemo impesomba ka asalakono impesumpa a nee-Do.

Winali 6:2

Gagi kanandio, asa ntinuwumiu, omiu ka inulemiu imedoitoako Ira i Ue, Ue Alamiu, saru mpe'ini a luwuno pompakosi ka parenta-Do anu kupohaweakomiu, ka ta melai tinuwumiu.

Winali 6:24

Ondae i Ue parenta kita ka tomeweweuo luwuno pompakosi atuu ka doitoako Ira i Ue, Ue Alato, ka imoiko mpiha tumuwuto ka Dopo'inee kita tuwu, kana oleo andio.

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

1 TIMOTIU 1:5

Tinoono patudu atuu onaemo pompehohawa anu meluarako inso a aroa anu mempori, inso i laro aroa anu moiko ka inso a pompe'ala-ala anu moleo.

IBARANI 12:28

Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.

Yosua 22:5

Butu onae impetenunu meweweuo, hapa anu imentinenaako, songka inso ndi Musa tetenaa-Do i Ue, Ue Alamu, tuwu kana sala anu tiniso-Do, imekongko tumondao po'ehe-Do, me'ini temoroso ka mesombai Ira tompaano aroamiu ka tompaano sumangamiu.”

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.

1 YOHANE 2:15

Si mengkekewoio wawontolino ka hapa anu hina i larono. Tewala mia mongkekewoi wawontolino, asalakono kumekewoi Ira i Ama nahina i larono mia atuu.

1 YOHANE 5:5

Isemake anu numangio wawontolino, ba nahi onae anu me'ala-alao, nine Ondaemo i Yesu Ana-Do Ue Ala?

1 Samueli 12:20

Motae i Semueli ia tongku atuu, ”Si medoito, omiu lano mpoweweu komiumo luwuno anu mosa'o andio, sine simepansia inso ndi Ondae i Ue, tendeano impesombamo a bobotolino aroamiu ndi Ondae i Ue.