Winali 1:37 - Wunta Mempori

³⁷ Maupo ndi ongkue, tekuda Ira i Ue hangano omiu, ka mepau Ira, ”Omue mbo'u nahi komewinso i ra'ai.

Winali 1:37 ပူးပေါင်းရင်းမြစ်များ

Podoaa 20:12

Sine mepau Ira i Ue ndi Musa ka ndi Haruni, ”Hangano nahi ipe'ala-ala Aku ka nahi pelangkaio mempori-Ku i arodo to Isaraeli, onaemo pu'uno nahi komiu wawa ira bawaa andio mpewinso a wita anu Aku weeako ira.”

Podoaa 27:18

Ka Do'amba mepau i Ue ndi Musa, ”Alaomo i Yosua anano i Nuni, asa mia anu bukeako penaa, naaomo kaemu i wawono.

Winali 3:27

Pewuatakomo a punsuno Torukuno Pisiga ka pengkitamo i sumooano oleo, i utara, i selata ka i sabaano oleo. Kitaomo temoiko, hangano nahi kosumakio Koro Yarade andio.

Winali 3:28

Weeakonomo parenta ndi Yosua saru pokorosoo ka pokomoleoo aroano, hangano onaemo anu ta mesakiako i arodo tongku andio ka onaemo anu ta wawa ira ranta ka dompe'ueo wita anu ta kinitamu atuu.”

Winali 31:2

Ipotae ndi ondae, ”Kanandio-andio tinuwuku asa etu ka rua pulu nta'u ka nami kupokompetewawa mbo'u. Mepau Iramo mbo'u i Ue ndi ongkue, ’Koro Yarade andio nahi kosumakio.’

Winali 32:52

Omue moiko ukitao wita atuu tepadindi i aromu, sine nahi moiko upewinso i ra'ai, i wita anu Kuweeako ira to Isaraeli.”

Winali 34:4

Mepau Iramo i Ue ndi onae, ”Onaemo andio wita anu Kudandiakono sumpa ndi Burahima, ndi Saki, ka ndi Yako, kanandio: ’A inulemiumo Aku weengakono wita atuu.’ Kupo'ineeko kumitaakono matamu, sine nahi komesakiako raane.”

Winali 4:21

Ka Do'amba i Ue gagi tekuda ndi ongkue hangano omiu ka mesumpa nine nahi aku sumakio Koro Yarade ka nahi aku mewinso a wita anu moiko anu Doweeakomiu i Ue, Ue Alamiu, gagi pusakamiu.

Winali 4:22

Mentee, aku mate i wita andio ka nahi aku sumakio Koro Yarade, sine komiu mensakio ka mpetorokio wita anu moiko atuu.