Winali 1:30 - Wunta Mempori

³⁰ Ondae i Ue, Ue Alamiu melempa i aromiu. Ondaemo anu ta meteaakomiu, mengkena kana anu wineweu-Do ndi omiu i wita Masiri i arono matamiu,

Winali 1:30 ပူးပေါင်းရင်းမြစ်များ

2 Tawarika 32:8

Kaeno koa mia anu kumongkomio, sekono anu kumongkomi kita Ondae i Ue, Ue Alato anu mokowali kita ka meteaakita.” Palili wali merodo hangano pauno i Hisikia, mokole i Yehuda atuu.

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Nehemia 4:20

tewala mporonge komiu unino tawuwua i asa po'ianga, impepumpumo i ra'ai tepohawea kami. Ondae Ue Alato anu meteaakita!”

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Peluarakoa 10:21

Mepau Iramo i Ue ndi Musa, ”Tandeomo kaemu kontahane i langi, kai gagi worikidi tumutuwio wita Masiri, gaagi worikidi atuu tedoa dompemarasaio.”

Peluarakoa 14:14

Ondae i Ue Ira meteaakomiu, ka omiu impenoro-noromo koa.”

Peluarakoa 14:25

Doweweuo bolano karetado melempa tintihere ka mobea lakono, onae ka dompotae to Masiri, ”Aiwa kato mpolai binta ira to Isaraeli, nde Ondaemo i Ue anu me'iwaliako ira to Isaraeli umewai kita.”

Peluarakoa 19:4

Omiu isa'a mengkitao anu wineweu-Ku a nto Masiri, ka ba kana'umpe Kutande komiu a wawo mpanino kongka wawa komiu ndi Ongkue.

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

ROMA 8:37

Sine i larono luwuno atuu melalua kitapo sekono luwuno mia anu mponangi, hangano Ondae anu mehohawa kitamo.

Winali 1:29

Umarino atuu mepau aku ndi omiu, ”Si mpondende kasi medoitoako ira.

Winali 11:3

petondoni ka wineweu-Do i wita Masiri ndi Pirao, mokole i wita Masiri, ka luwuno witano;

Winali 29:2

I Musa moboi ira luwuno to Isaraeli, ka i'amba motae ndi ondae kana itotono andio. Imengkitaomo luwuno anu wineweu-Do i Ue i wita Masiri i arono matamiu ndi Pirao, luwuno pegawaino ka luwuno witano.

Winali 3:22

Si doitoako ira, hangano Ondae i Ue, Ue Alamu, Ondaemo anu umeu komiu metea.”

Winali 31:3

Ondae i Ue, Ue Alamu, Ira sumaki i aromu, ka rumopuo luwuno tongku atuu inso i aromu ranta kai mpokompe'ueo witado. Kanatuumo i Yosua onae ta sumaki i aromu, kana anu pinau-Do i Ue.

Winali 34:11

i larono luwuno petondoni ka anu kinohali-haliako, anu wineweuno a parenta-Do i Ue i wita Masiri ndi Pirao, luwuno pegawaino, ka luwuno witano

Winali 4:34

Horiokoake aasa ue ala mo'arahako aiwa ta mo'ala tiano aasa tongku inso i tonga-tongano tongku anu susua a mperupa-rupa po'arahako, petondoni, wineweu kinohali-haliako, ka peteaa, ka kae anu moroso ka tokia tetande, saru luwuno mongkokongiria langkai, kana anu wineweu-Do i Ue, Ue Alamiu ndi omiu i wita Masiri, i arono matamiu?

Winali 7:18

Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

Yosua 10:14

Napi hori hina oleo kanatuu, i ndi'ipua ka maupo oleo lembuiano, motae Ondae i Ue merorongeakono po'emano asa mia kanatuu nde anu me'iwali tiado to Isaraeli onaemo Ondae i Ue.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.

Yosua 23:3

Imengkitaomo luwuno anu wineweu-Do i Ue, Ue Alamiu, ia luwuno tongku i ndi'ai hangano omiu, nde Ondae i Ue, Alamu, Ondae anu me'iwaliakomiu.