TITU 3:7 - Wunta Mempori

⁷ Ontae anu megagi mia pinokomentee hangano pe'aroa-Do, ka tontekona mpontarima tuwua anu nahina tampulaano, menunu saru pomperorohito.

TITU 3:7 ပူးပေါင်းရင်းမြစ်များ

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MARAKUSU 10:17

I tempono Dopelungka i Yesu Ira motilaloakono pelempaa-Do, haweomo aasa mia melulu-lulu tepohaweako Ira ka kontongaano menggolontu i aro-Do onae mesikeno, ”Guru anu moiko, hapa anu asalakono kuweweuo ka kupohawe tuwua anu nahina tampulaano?”

ROMA 11:6

Sine tewala mongkona atuu gagi hangano pompehohawa, ka komba mbo'u hangano wineweu, hangano tewala komba kanatuu, asalakono pompehohawa atuu komba pompehohawa mbo'u.

ROMA 3:24

ka hangano pompehohawa mempinokomentee iramo mpena hangano pontolosia ndi Ondae i Kerisituu Yesu.

ROMA 3:28

Hangano kimpe'ala-alao, nine mia pinokomentee hangano pompe'ala-ala, ka komba hangano itondao songka Taura.

ROMA 4:16

Onaemo pu'uno menteea me'empehiako pompe'ala-ala ka ikana pompehohawa, ranta ka ipo'ia dandi atuu hawe a luwu inuleno i Burahima, komba butu ndi ondae anu mentuwu inso a songka Taura, sine ndi ondae mbo'u anu mentuwu inso a pompe'ala-alano i Burahima. Hangano i Burahima onaemo amato luwu, –

ROMA 4:4

Tewala hinao mia anu mo'angga, tambono komba wineeako gagi pompowee, sine gagi tiano.

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

GALATIA 2:16

Imento'orio, nine nahina maupo te'asa mia anu pinokomentee hangano iweweuo songka Taura, sine hangano pompe'ala-ala ndi Ondae i Kerisituu Yesu. Onaemo pu'uno omami mbo'u kimpe'ala-ala Iramo i Kerisituu Yesu, ka kimempinokomentee hangano pompe'ala-ala ndi Ondae i Kerisituu ka komba hangano meweweuo songka Taura. Hangano, ”nahina maupo te'asa mia anu pinokomentee” hangano iweweuo songka Taura.

GALATIA 3:29

Ka tewala omiu mia-Do i Kerisituu, asalakono omiu mbo'u inuleno i Burahima ka tekona imentarimao dandi-Do Ue Ala.

GALATIA 4:7

Gagi omiu komba ata mbo'u, tendeano ana; tewala ana komiu, saru koa omiu mbo'u umbuno pusaka, hangano Ondae Ue Ala.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

TITU 1:2

ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,

TITU 2:11

Hangano pe'aroa-Do Ue Ala anu kumaduduio luwuno mia mengkaaomo.

TITU 2:13

saru mensikorio te'ihiino pomperorohito anu buke me'uraa ka mengkaano maramba-Do Ue anu Tedoa Langkai ka Puu pongkaduduito Ondae i Yesu Kerisituu,

IBARANI 1:14

Kombake luwudo onaemo luwuno penaa anu mpompekakaako, anu mentinena ka dompekakaako ira anu asalakono mpohawe tekaduduia?

IBARANI 11:7

Hangano pompe'ala-ala, onaemo i Noho – saru pontiso-Do Ue Ala mongkona hapa anu napi tengkita – saru metenunu ipatindao Bangka kaduduido pe'asa rahano ka hangano pompe'ala-ala atuu ihukuo wawontolino, ka onae tinantui montarima menteea, menunu saru pompe'ala-alano.

IBARANI 11:9

Hangano pompe'ala-ala onae mo'ia i wita anu idinandiako atuu kana i asa wita susua ka i tu'ai ipo'ia a ngkema saru i Saki ka i Yako, anu saru ondae me'umbuo dandi anu aasa atuu.

IBARANI 6:17

Onaemo pu'uno, ka ilalu manasado anu tekona mentarimao dandi atuu ka dompe'ala-alao koa ntu'u manasano pomputusi-Do, Ondae Ue Ala wutuakono sumpa koroi-Do,

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

1 PETURU 3:7

Kanandio koa mbo'u omiu, hei luwuno tama mpekombia, imentuwumo pande mposongka saru beinemiu, kana mia anu lalu molema! Impelangkai iramo kana walimiu mpe'umbuo pe'aroa pompowee, onaemo tuwua, ka si tetombolei pekakaimiu.