TITU 3:5 - Wunta Mempori

⁵ i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,

TITU 3:5 ပူးပေါင်းရင်းမြစ်များ

Ayubi 15:14

Isemake mia ranta ka imempori, anu pine'anaako inso a beine ranta ka imentee?

Ayubi 25:4

Kana'umpe mia ka imentee i aro-Do Ue Ala, ka kana'umpe mia anu pine'anaakono beine atuu morina?

Ayubi 9:20

Maupo mentee aku, ngangaku ongkueku ta pauo ongkue nahi mentee; maupo nahina salaku, Ira koa pauo ongkue sala.

Po'unde-unde 130:7

Pomperorohimo ndi Ondae i Ue, hei to Isaraeli! Hangano ndi Ondae i Ue hinao pompehohawa, ka ndi Ondae hinao mpiha pontolosia.

Po'unde-unde 143:2

Si pekara-karaakono tetenaa-Miu, hangano i olodo anu mentuwu, nahina maupo te'asa mia mentee i aro-Miu.

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

Po'unde-unde 62:12

Asa rupa Dopauo Ue Ala, orua rupa kurongeo: nine roso kongko ndi Ondae Ue Ala,

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Yesaya 57:12

Aku koa mokopauo tinuwumu anu moleo ka luwuno wineweumu, sine luwuno atuu nahi ta mentudu ndi omue;

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

I MATIU 3:11

Kubahoakomiu uwoi gagi tondonino tepidia, sine Ondae anu hawe lembui umarino ongkue pabawa Irapo sekono ongkue ka nahi pototoku lumohuo sapatu-Do. Ondae Ira bahoakomiu Penaa Mempori ka saru api.

I LUKASI 1:50

Ka pompehohawa-Do mapa'api-api inule a mia anu doitoako Ira.

I LUKASI 1:54

Dotulungio i Isaraeli, tetenaa-Do, hangano Dorambeo pompehohawa-Do,

I LUKASI 1:72

ka Dopopokitao pompehohawa-Do a uempu'uto ka rumambeo pedandia-Do anu mempori,

I LUKASI 1:78

hangano pe'aroa ka pompehohawa inso ndi Ondae Ue Alato, onaemo ka Dohawe kumita kita, mata'oleo mo'oru inso i wawono,

ROMA 11:14

onaemo ba kumansa mokontesingkao monsiri i laro aroado pe'asa tongkuku montonda tuwu ntolino ka mokontekaduduio ba opia mia inso ndi ondae.

ROMA 11:6

Sine tewala mongkona atuu gagi hangano pompehohawa, ka komba mbo'u hangano wineweu, hangano tewala komba kanatuu, asalakono pompehohawa atuu komba pompehohawa mbo'u.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 3:20

Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.

ROMA 3:28

Hangano kimpe'ala-alao, nine mia pinokomentee hangano pompe'ala-ala, ka komba hangano itondao songka Taura.

ROMA 4:5

Sine tewala hinao mia anu nahi po'angga, sine ipe'ala-ala Ira anu mompokomentee mia buunto, pompe'ala-alano kinitaako gagi menteea.

ROMA 9:11

Hangano tempono napi dopine'anaako nana'ote atuudo ka napi dopoweweu anu moiko ke anu mosa'o, – ka ipinokoroso tinoo-Do Ue Ala mongkona pobiniki-Do, komba me'empehiako wineweu, sine me'empehiako pepoboi-Do –

ROMA 9:16

Gagi mongkona atuu komba montonda po'eheno mia, sine a pompehohawa-Do Ue Ala.

ROMA 9:30

Tewala kanandio, hapake anu kita mpompau? Ndio: nine luwuno tongku susua anu nahi dompo'ungke menteea, mpohawe iramo menteea, onaemo menteea hangano pompe'ala-ala.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

GALATIA 2:16

Imento'orio, nine nahina maupo te'asa mia anu pinokomentee hangano iweweuo songka Taura, sine hangano pompe'ala-ala ndi Ondae i Kerisituu Yesu. Onaemo pu'uno omami mbo'u kimpe'ala-ala Iramo i Kerisituu Yesu, ka kimempinokomentee hangano pompe'ala-ala ndi Ondae i Kerisituu ka komba hangano meweweuo songka Taura. Hangano, ”nahina maupo te'asa mia anu pinokomentee” hangano iweweuo songka Taura.

EPESU 2:4

Sine Ondae Ue Ala anu kaeaako pompowee, hangano pompehohawa-Do anu langkai, anu Dowee kita,

EPESU 4:23

ka imempinokowo'ohu a laro mpenaa ka pinewowolomiu,

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

Winali 9:5

Komba hangano menteemiu ke moleono aroamiu impentorokio witado. Sine hangano koa mosa'ono gaudo tongku atuu ka Dosaari ira i Ue, Ue Alamiu inso i aromiu, ka Do'ihiio i Ue dandi-Do anu pinau-Do saru sumpa ndi ondae i Burahima, i Saki ka i Yako, uempu'umiu.

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;

2 TIMOTIU 1:9

Ondae anu kumadudui kita ka moboiakita pepoboi mempori, komba me'empehiako wineweuto, tendeano me'empehiako tinoo ka pe'aroa-Do Ondae-Do, anu mewineeako kitamo ndi Ondae i Kerisituu Yesu se'eluno pompu'uano tempo

TITU 3:4

Sine mansano mengkaa pe'aroa-Do Ue Ala, Puu pongkaduduito, ka pompehohawa-Do a mia,

IBARANI 10:22

Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.

IBARANI 4:16

Onaemo pu'uno ime'aiwamo tomemosia me'umpedaakono kadera poparentaa pe'aroa, ka tomentarimao pompehohawa ka mehaweo pe'aroa ka tomehaweo pontulungi a tempono.

IBARANI 6:6

sine anu humapu Ira mbo'u Ue Ala, nahi ira mempinokowo'ohu tepohona mbo'u kanarau, ranta ka dontepidi, hangano domempaso Ira mbo'u Ana-Do Ue Ala tiano koroido ka mokongkodei Ira i arodo mia hadio.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

1 PETURU 2:10

Omiu, anu i ndi'upua komba bawaa-Do Ue Ala, sine anu kanandio-andio megagi komiumo bawaa-Do, anu i ndi'upua nahi mempinehohawa sine kanandio-andio mpohawe komiumo pe'aroa.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,