TITU 3:3 - Wunta Mempori

³ Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

TITU 3:3 ပူးပေါင်းရင်းမြစ်များ

Tegagia 38:9

Sine ito'orio i Onani nine komba onae anu ta me'ueo inuleno te'ingka. Onaemo pu'uno, sompo ipewowaliakono beineno pepaekompono atuu, ipo'ineeo uwoi anuno tetadi-tadi, ka sipoweeakono inuleno pepaekompono.

Tegagia 39:16

Ka i'amba beine atuu numaao lembano i Yusupu i horino, ranta ka ipekule ueno.

Po'unde-unde 36:2

Hala mepau i laro aroano mia mosa'o gauno; doitoa ndi Ondae Ue Ala nahina a mia atuu,

Powadi 8:5

Hei mia anu napi hina pinembasaino, ungkeomo pande, hei mia monge-monge, to'oriomo i laro aroamu.

Powadi 9:6

tadiomo benge-benge, ka komiu mentuwu, ka tondaomo pesalaano ponto'ori.”

Yesaya 44:20

Mia anu marepaako butu awu, ipopo'ooo aroano anu tesaa; onae nahi pokokaduduio koroino ke motae, ”Kombake anu a ngkae koanaku andio butu pegaupi?”

Obaja 1:3

Pompelangka-langkaino aroamu popandeikomo, oo, omue anu mo'ia a luwuno aano watu, a mpo'iangamu anu mantande; omue anu motae i laro aroamu: ’Isemake anu polio motii aku i tolino?’

I MATIU 21:29

Sumangki anano atuu: Moiko, ama. Sine nahi lako.

I LUKASI 21:8

Dosangki ira, ”Impetangkoromo, ka si ntepopo'oo. Hangano hadio mia ira mehawe mpeneeako nee-Ku ka dompotae: Ongkuemo Ondae, ka: Rangkuomo tempono. Si mentonda ira.

I YOHANE 8:34

Motae Ira i Yesu ndi ondae, ”Kupauakomiu, menteeano sompo mia anu moweweu hala, onaemo atano hala.

ROMA 11:30

Hangano mengkena kana omiu i ndi'upua nahi mpetenunu ndi Ondae Ue Ala, sine kanandio-andio mpohawe pe'aroa hangano nahi dompetenunu,

ROMA 6:12

Onaemo pu'uno siimo ipabawa mbo'u hala a ngkoroimiu anu ta mate, ka si mentondao mbo'u po'eheno.

ROMA 6:17

Sine pontarimakasimo ndi Ondae Ue Ala! I ndi'upua omiu lano atano hala, sine kanandio-andio mpetenunu komiumo tompaano aroamiu a pompaguru anu pinotilaloakoomo ndi omiu.

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

ROMA 6:6

Hangano tomento'orio, nine mia laanoto pinasoomo a ngkeu pinotamba, ka itetadi pabawano koroi ntehalato, ka si tontepe'ata mbo'u a hala.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

GALATIA 6:3

Hangano tewala potaeno asa mia, nine onae mentudu, kahinaano onae nahina ntu'u tuduno, ipopo'oo onaeno koroino.

KOLOSE 1:21

Omiu mbo'u anu i ndi'upua mentuwu olai inso ndi Ondae Ue Ala ka anu mpe'iwaliako Ira i laro aroa ka pinewowolo kana anu mengkaa a mpoweweumiu anu mosa'o,

KOLOSE 3:7

I ndi'upua imeweweu ira koa mbo'u mongkona atuu tempono imentuwu i larono.

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

2 TIMOTIU 3:6

Hangano i olodo hinao mia anu menongkoako lumako a rahado mia susua ka dompokobenge-benge ira beine anu molema anu bukeako hala ka ipabawai ira mperupa-rupa po'eheno aroa,

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

TITU 2:12

Onae paguru kita ka tomebintao gau mosa'o ka luwuno mosisiri ntolino ka tomentuwu pande mponsongka, moleo ka mpesomba i wawontolino kanandio-andio

YAKOBU 1:26

Tewala hinao te'asa mia tumuduo koroino mesomba, sine nahi pokompeteao elono, ipopo'oo koroino onaeno, ka pesombano nahina tuduno.

1 PETURU 1:14

Imentuwumo gagi nana'ote anu mpomperorongeako ka si mentondao po'eheno aroa anu pabawai komiu i tempono imebenge-benge,

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 18:2

Ka ipebooli saru suara anu meroku, ipotae, ”Tebangkuomo, tebangkuomo Babeli, kota langkai atuu, ka onae gagiomo po'iangado onitu nsa'o ka pewuniado luwuno penaa mokoburu ka pewuniado luwuno manu-manu anu mokoburu ka anu ino'aliaako,