TITU 3:1 - Wunta Mempori

¹ Popoto'oriako iramo ka dompe'urumako a mia mpeparenta ka a mia anu mempabawa, mpomperorongeako ka mpepatinda meweweuo sompo anggaa anu moiko.

TITU 3:1 ပူးပေါင်းရင်းမြစ်များ

Powadi 24:21

Hei anaku, doitoako Iramo i Ue ka mokole; si ewaio oruano.

Puu Pontutulu 10:4

Tewala tesingka tekudano anu pabawa ndi omue, siimo bintao po'iangamu, hangano sabara olaiakono poweweu hadio sala anu langkai.

Yesaya 43:26

Tuntu Akumo, aiwamo tompekara-kara. Pauomo luwuakoano, ka imengkaa menteemu!

Yeremia 27:17

Siimo imperorongeako ira! Impetuundumo ndi mokole i Babeli, ka komiu mentuwu. Tembio kota andio asalakono ka igagi terawo-rawo?

I MATIU 22:21

mesangki ira, ”Gambara ka binurido i Datu.” Ka Do'amba i Yesu motaeako ira, ”Peweengakonomo a Datu hapa anu asalakono komiu mpoweeakono a Datu ka ndi Ondae Ue Ala anu asalakono komiu mpeweengakono ndi Ondae Ue Ala.”

1 KORINTI 15:58

Onaemo pu'uno, pepaekompo anu pinehohawaku, impentademo temoroso, si ntelelu, ka impeteahako mpiha a anggaa-Do i Ue! Hangano imento'orio, nine a ntepo'asaa saru Ondae i Ue pe'iseimiu nahi tetadi-tadi.

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

Winali 17:12

Mia anu kowee-wee ka nahi perorongeakono pauno sando mpesomba anu mentade i ra'ai gagi puu mpopekakaako-Do i Ue, Ue Alamiu, ke maupo pauno puu mpobitara, manasa mia atuu mate. Kanatuumo asalakono impokotampulao anu mosa'o inso i Isaraeli.

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

1 TIMOTIU 2:2

tiado luwuno mokole ka tiado luwuno anu langkai potorodo, ka tompokomentuwu rodo ka sintuwu a luwuno petenunuto mpesomba ka pelelu anu moiko.

1 TIMOTIU 4:6

Saru wela mopoto'oriako ira pepaekompoto mongkona luwuno atuu, omue kogagi aasa puu pompekakaako-Do i Kerisituu Yesu anu moiko, tepaguru a luwuno pepu'uano pompe'ala-alato ka a pompaguru mentee anu utondaomo andio.

1 TIMOTIU 5:10

ka anu mengkaa mo'anggaomo anu moiko, kana mompekaria ana, ineheno metotoka, mowo'ohi karudo pepaekompo pe'asa pompe'ala-ala, montulungi mia anu laro pompema'isoa – owowaano ondae anu mempakeomo luwuno tempo mpoweweu moiko.

2 TIMOTIU 1:6

Onaemo pu'uno kupopoto'oriakomu ka upolangao pompowee-Do Ue Ala anu kongko ndi omue hangano kudampoakomu kaeku.

2 TIMOTIU 2:14

Pewowoloomo ka pesu'uiomo pauo luwuno atuu ndi ondae i aro-Do Ue Ala, ka si domempande mpau, hangano mongkona atuu nahina ntu'u tuduno, tendeano mokobulalingo ira mia merongeo.

2 TIMOTIU 2:21

Tewala asa mia mokomemporio koroino inso a luwuno anu mosa'o, onae ta gagi parewano raha a ntinoo anu maramba, onae pinokomempori, ipetekonao ueno pakeo ka pinatinda tiano sompo anggaa anu maramba.

TITU 1:16

Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

TITU 3:8

Pau andio mentee ka ineheku ka upokomorosoo ntu'u, ka luwudo anu mpompe'ala-ala iramo ndi Ondae Ue Ala ka dompe'o'osu ntu'u meweweuo anggaa anu moiko. Onaemo anu moiko ka mentudu a mia.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

2 PETURU 1:12

Onaemo pu'uno ka kuwela montoo mpoto'oriakomiu luwuno atuu, maupo imento'oriomo ka memoroso a menteea anu imentarimaomo.

YUDASI 1:5

Sine, maupo imento'oriomo luwuno atuu ka nahi imenanta-nantaakono mbo'u, ineheku mopoto'oriakomiu nine lano Ondae i Ue kumadudui ira bawaa-Do inso i wita Masiri, sine pohona mbo'u Dopepate ira anu nahi dompompe'ala-ala.