TITU 2:8 - Wunta Mempori

⁸ mentee ka nahina tataano a pompalelemu, ranta ka imokoko'ii taromu, hangano nahina mongkona anu mosa'o anu dompokopaleleo mongkona ontae.

TITU 2:8 ပူးပေါင်းရင်းမြစ်များ

Nehemia 5:9

Mepau aku mbo'u, ”Nahi pototono hapa anu wineweumiu atuu! Kombake asalakono imentuwu a laro doitoako Ira Ue Alato, kai ntetempu inso a mpopepaukiakodo tongku susua, luwuno iwalito?

Yesaya 66:5

Rongeomo pau-Do i Ue, hei omiu anu medoitoakono pau-Do! Ondae pepaekompomiu anu umo'aliaakomiu, ka lumiahako komiu hangano nee-Ku, mpotae iramo, ”Moikoomo Dopopokitao i Ue maramba-Do, ka kimengkitao mawongkomiu!” Sine, tendeano ondaemo anu ira mempinokoko'ii.

I MARAKUSU 12:17

Ka Do'amba i Yesu motaeako ira, ”Weeako iramo Datu hapa anu asalakono imeweeako ira Datu ka weeako Iramo Ue Ala hapa anu asalakono imeweeako Ira Ue Ala!” Mengkohali-hali ira ntu'u rumonge Ira.

I MARAKUSU 12:28

Ka i'amba aasa guru agama, anu rumonge Ira i Yesu ka to Saduki mambesikeno ka ito'orio, nine sangki-Do i Yesu a mia atuudo kona ntu'u, aiwa ndi Ondae ka mesikeno, ”Songka isuake anu lalua ntu'u?”

I MARAKUSU 12:32

Ka i'amba motae anu monto'ori Taura atuu ndi Ondae i Yesu, ”Kona ntu'u, Guru, mentee pinau-Miu atuu, nine Ondae asa-asa-Do, ka nahina anu susua sangkadio Ondae.

I MARAKUSU 12:34

Dokitao i Yesu, kana'umpe moleono sangkino mia atuu, ka Dopotaeakono, ”Omue nahi olai inso a Poparentaa-Do Ue Ala!” Ka maupo te'asa mia nahina mbo'u sapa mompesikenoako ndi Ondae i Yesu.

I LUKASI 13:17

Ka tempono Dopepau kanandio, luwuno anu umewai Ira memongkoko'ii ka luwuno mia hadio mempo'unde hangano luwuakoano maramba, anu Doweweuomo.

2 TESALONIKA 3:14

Tewala hinao mia anu nahi behe merorongeakono hapa anu pinaumami a wunta andio, impetondonio, ka si mpewali-waliakono, ka igagi mokoko'ii,

1 TIMOTIU 5:14

Onaemo pu'uno ineheku tuwu beine anu da memongura ka dompekombia mbo'u, mpe'ana, mosongka a laro nsomborino ka si mpompauako tarono pu'uno mokomosa'oo neeto.

1 TIMOTIU 6:3

Tewala asa mia mompaguruako pompaguru susua ka nahi tondao pompaguru anu mentee – onaemo pau-Do Ueto i Yesu Kerisituu – ka nahi tondao pompaguru anu menunu saru pesombato,

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 2:15

Hangano onaemo andio po'ehe-Do Ue Ala, onaemo saru poweweu moiko ka imempokongkomino ira mia anu mebenge-benge anu nahi malua pinewowolodo.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.