TITU 2:14 - Wunta Mempori

¹⁴ anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

TITU 2:14 ပူးပေါင်းရင်းမြစ်များ

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

Po'unde-unde 130:8

Ondaemo anu motola ira to Isaraeli inso a luwuno salado.

Po'unde-unde 135:4

Hangano, Ondae i Ue Dobinikiomo i Yako tia-Do, to Isaraeli gagi mia-Do anu pinehohawa-Do.

Peluarakoa 15:16

Doitoa ka mongkokongiria umalu ira, Hangano rosono kae-Miu mansa ira merodo kana watu, ranta bawaa-Miu mpe'asatowaako, oo Ue, ranta bawaa anu tinolosi-Miu mpe'asatowaako.

Yehesikieli 36:25

Aku umuwuo i wawomiu uwoi molino ranta ka imegagi morina. Aku mokomorina komiu inso a luwuno mokoburua ka lahumoamiu.

Yehesikieli 37:23

Ondae nahi domengkokoburutiakono mbo'u koroido luwuno lahumoa ke pinesombaido anu mokoburu ke luwuno polimpaido. Sine, Aku motola ira inso a luwuno wineweudo anu pansia anu hangano onae ka dontehala, ka mokomorina ira, onaemo ka domegagi bawaa-Ku ka Aku gagi Ue Alado.

Imama 25:41

Ka i'amba po'ineeomo ka ilako inso ndi omue, onae saru luwuno anano ka ipekule a mpe'etuno, mekule a wita pine'uedo uempu'uno.

Maleaki 3:3

Ira mentoro kana mia anu mompokolono ka mompokomorina salaka. Ondae mokomorina ira to Lewi, mokomempori ira kana wulaa ka salaka. Ondaemo anu mpompesombaako pesomba ndi Ondae i Ue a laro menteea.

Podoaa 25:13

anu gagi pedandoado Imama ndi onae ka inuleno ranta nahina tampulaano, hangano mosiano tumeahakono Ue Alano ka iweweuomo pesintuwua tiado to Isaraeli.”

Podoaa 7:15

asa sapi lakino mongura, asa bimba lakino ka asa bimba lakino tinuwuno asa nta'u weweua pesomba tinunu;

I MATIU 1:21

Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.”

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I MATIU 3:12

Poduku kongkoomo a ngkae-Do. Ira mokomorinao ponsesaa-Do ka pumpuo gandu-Do a laro nsi'e, sine awuno seami atuu Ira tumunuo a laro api anu nahi pinokompepate.”

I YOHANE 10:15

mengkena kana Ondae i Ama Doto'ori Aku ka Ongkue Kuto'ori Ira i Ama, ka Kupeweengakono penaa-Ku tiado bimba-Ku.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

WINEWEUDO TINENA 15:14

I tutuluomo i Simo, nine inso a pompu'uano Dopopokitao Ue Ala pompehohawa-Do a luwuno tongku susua, onaemo Dobinikio aasa bawaa inso i olodo pelangkaino nee-Do.

WINEWEUDO TINENA 15:9

ka nahina ntu'u Doponpesusua i oloto saru ondae, umari-Do mokomemporiako ira aroado hangano pompe'ala-ala.

WINEWEUDO TINENA 20:28

Onaemo pu'uno imedagaiomo koroimiu ka luwuno bawaa, hangano omiumo anu pinakosi-Do Penaa Mempori gagi puu mpompakambi anu pakambi ira bawaa-Do Ue Ala anu Dotolosiakono rea-Do Ana-Do.

WINEWEUDO TINENA 9:36

I kota Yope hinao asa ana guru beine meneeako i Tabita – a mpau Yunani i Dorokasi. Beine atuu hadio ntu'u wineweuno anu moiko ka mompowee pontulungi.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

EPESU 1:11

Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

Winali 14:2

Hangano omiumo bawaa anu mempori tia-Do i Ue, Ue Alamiu, ka omiu bininiki-Do i Ue kai megagi bawaa pinehohawa-Do inso i olono luwuno tongku anu i wawontolino.

Winali 26:18

Oleo andio Dotarima komiumo i Ue nine omiumo bawaa anu pinehohawa-Do, kana anu dinandi-Do ndi omiu, ka asalakono impe'ini a luwuno parenta-Do.

Winali 4:20

Sine, Do'ala komiumo i Ue ka imewinawa mpeluarako inso i wita Masiri, inso a awu pompokolonoa labu, kai megagi bawaa-Do, kana anu gagi kanandio-andio.

Winali 7:6

Hangano omiumo bawaa-Do i Ue, Ue Alamiu anu mempori. Omiumo anu bininiki-Do i Ue, Ue Alamiu inso a luwuno tongku i wawontolino kai megagi bawaa pinehoha-Do.

1 TIMOTIU 1:15

Pau andio mentee ka tekona itinarima luwu, ”Ondae i Kerisituu Yesu hawe i wawontolino mongkadudui mia tehala,” ka i olodo ongkuemo anu tehala ntu'u.

1 TIMOTIU 2:10

sine ka ipesangkaakono wineweu moiko, kana tekonano a beine anu mesomba.

1 TIMOTIU 2:6

anu meweengakonomo koroi-Do gagi tolosido luwuno mia: onae atuu ponsakosii a tempo anu pinakosi.

1 TIMOTIU 6:18

Pauako iramo atuu poweweu moiko, gagi kaea a laro mpoweweu moiko, inehedo pompowee ka mpontia

TITU 2:7

ka pokogagiomo koroimu omuemu aasa pandiri a mpoweweu moiko. Asalakono ka umoleo ka pompesu'ui a pompagurumu,

TITU 3:8

Pau andio mentee ka ineheku ka upokomorosoo ntu'u, ka luwudo anu mpompe'ala-ala iramo ndi Ondae Ue Ala ka dompe'o'osu ntu'u meweweuo anggaa anu moiko. Onaemo anu moiko ka mentudu a mia.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 10:24

Ka aiwamo ka tomemambekita ka memambepokowali a pompehohawa ka a anggaa moiko.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

YAKOBU 4:8

Ime'umpedamo ndi Ondae Ue Ala, ka Ira umpeda ndi omiu. Impokomorinaomo kaemiu, hei omiu mia ntehala! Ka impokomemporiomo aroamiu, hei omiu anu melaro orua!

1 PETURU 1:18

Hangano imento'orio, nine mentinolosi komiumo inso a gau ntumuwu anu nahina tuduno pusakamiu inso a uempu'umiu atuu komba saru sangka anu ta tampula, komba mbo'u saru salaka ke wulaa,

1 PETURU 1:22

Hangano koroimiu impokomemporiakonomo petenunu a menteea, onaemo ka impokoweweuo pompehohawa pepaekompoa anu inso i aroa, po'ineeomo ka imemambe pehohawa ntu'u tompaano aroamiu.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

1 YOHANE 1:7

Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala.

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 5:9

Ka dompenaniakono aasa penani wo'ohu dompotae, ”Omiu tekona tumarimao paluluno wunta atuu ka umungkahio luwuno tondonino; hangano sinumbele Komiumo ka I'oliako iramo rea-Miu tia-Do Ue Ala inso a sompo-sompo suku ka pau ka pepe'etua ka tongku.