TITU 2:12 - Wunta Mempori

¹² Onae paguru kita ka tomebintao gau mosa'o ka luwuno mosisiri ntolino ka tomentuwu pande mponsongka, moleo ka mpesomba i wawontolino kanandio-andio

TITU 2:12 ပူးပေါင်းရင်းမြစ်များ

Po'unde-unde 105:45

ka domentondao mpiha pompakosi-Do, ka me'inio luwuno pompaguru-Do. Haleluya!

Po'unde-unde 4:3

Hei luwuno mia anu langkai potorono, opiapo mbo'u tehineno isinosa'ai maramba-Ku, opiapo mbo'u tehineno imengkekewoio anu nahina tuduno ka mpo'ungke pegaupi? Sela

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

I MATIU 12:32

Tewala asa mia mepauomo umewai Ira i Ana Manusia, ta inampuni halano, sine tewala i'ewai Ira Penaa Mempori, onae nahi ta inampuni halano, i wawontolino andio ke maupo i wawontolino anu ta hawe naahi.

I MATIU 16:24

Ka Do'amba i Yesu motaeako ira ana guru-Do, ”Sompo mia anu tumonda Aku, asalakono ka ihapuo koroino, po'ahao keu pinotambano tumonda Aku.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

I LUKASI 1:75

a laro memporia ka menteea i aro-Do asa ntinuwuto.

I YOHANE 14:30

Nami hadio mbo'u Kupepauakomiu, hangano anu pabawa i wawontolino andio hawe ka onae nahina pabawano maupo tedei a ngkoroi-Ku.

I YOHANE 6:25

Tempono domehawe Ira mia hadio Ondae i Yesu i asatowano rano atuu, dompotaeako Ira, ”Guru, indi'ipiake Ihawe i ndi'ai?”

WINEWEUDO TINENA 24:16

Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia.

WINEWEUDO TINENA 24:25

Sine mansano mepau i Paulu mongkona menteea, meteao po'eheno koroi ka pobitaraa anu ta hawe, i Pelikisi gagi doito ka ipotae, ”Sompoomo ari ka kanandio-andio lakomo; tewala hinao tempo moiko, ka ku'amba metena moboiko.”

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 6:12

Onaemo pu'uno siimo ipabawa mbo'u hala a ngkoroimiu anu ta mate, ka si mentondao mbo'u po'eheno.

ROMA 6:19

Kupauo mongkona andio a mpinewowolono mia hangano molemamiu. Hangano mengkena kana omiu impeweengakonomo luwuno parewa ngkoroimiu gagi atano mokoburua ka buuntoa anu wawa komiu a buuntoa, kanandiomo teweweumiu kanandio-andio asalakono impeweengakono parewano koroimiu gagi atano menteea anu wawa komiu a pompokomemporia.

ROMA 8:13

Hangano, Tewala mentuwu komiu montonda tuwu ntolino, komiu memate; sine tewala hangano Penaa ka impepateo luwuno wineweuno koroimiu, komiu mentuwu.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 7:1

Pepaekompo anu pinehohawaku, hangano ontae kanandio-andio mehaweo luwuno dandi atuu, aiwamo tompokomemporio koroito inso a luwuno anu kumokoburutio koroi ntolino ka rohani, ka ba kanandio mokobobotolio memporiato doitoako Ira Ue Ala.

GALATIA 1:4

anu meweengakonomo koroi-Do hangano luwuno halato, motola kita inso a mosa'ono wawontolino anu kanandio-andio, montonda po'ehe-Do Ue Ala ka Amato.

GALATIA 5:24

Ba isema gagi mia-Do i Kerisituu Yesu, ipasoomo tuwu ntolino saru luwuno po'eheno aroano ka mosisirino a ngkeu pinotamba.

EPESU 1:4

Hangano ndi Ondae Dobiniki kitamo Ue Ala se'eluno napi pinokogagi wawontolino, ka tomemempori ka nahina tataato i aro-Do.

EPESU 2:2

Mentuwu komiu i larono, hangano imentondao salano wawontolino andio, hangano impetenunuio anu pabawa a poparentaa i laro meene, onaemo penaa anu kanandio-andio kontongaano mo'angga i olodo mia anu umewai Ira Ue Ala.

KOLOSE 1:22

kanandio-andio Dopokosintuwuo, a ngkoroi-Do i Kerisituu hangano mate-Do, ka Donaa komiu mempori ka nahina tisoano ka nahina tataano i aro-Do.

1 TESALONIKA 4:7

Dopoboi kita Ue Ala komba ka tompoweweu hapa anu mokoburu, tendeano hapa anu mempori.

1 TESALONIKA 4:9

Mongkona pompehohawa a mpepaekompo siimo imebinuriako, hangano omiu isa'a mpepaguru komiumo mambepehohawa inso ndi Ondae Ue Ala.

1 TIMOTIU 4:12

Si hina maupo te'asa mia me'uru-uruko hangano mongurako. Gagimo pandirido luwuno mia mpompe'ala-ala, a mpepaumu, a mpelelumu, a pompehohawamu, a mpetenunumu ka a memporimu.

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

1 TIMOTIU 6:9

Sine ondae anu inehedo mengkaea ntedonta a mpo'ara-arahako, a laro oho ka a laro mperupa-rupa po'eheno aroa anu nahina pengkonaano ka anu monsolangi, anu motonduo mia a ntedontaa ka matea.

2 TIMOTIU 3:12

Lano sompo mia anu ineheno tuwu mesomba ndi Ondae i Kerisituu Yesu ta marasaiako pobobarasai,

2 TIMOTIU 4:10

hangano ikekewoiomo i Demasi wawontolino andio ka ibinta aku. Onae melungkaomo lumako i Tesalonika. I Kerekesi lumakoomo i Galatia ka i Titu lumako i Dalamatia.

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

IBARANI 8:11

Ka nahi ira mempaguru ira mbo'u pe'asa palilido, ka pada ondaedo mpepaekompo saru mpotae: To'ori Iramo i Ue! Hangano luwudo, langkai kodei, ira mento'ori Aku.

YAKOBU 1:27

Pesomba anu mempori ka anu nahina tataano i aro-Do Ue Ala, Amato, onaemo lumako te pohaweako ira elu-elu ka tuwu beine a laro masusado, ka dumagaio koroino ka si kokoburutio wawontolino.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

2 PETURU 3:11

Gaagi, tewala luwuakoano andio ta kanandio teweweuno iterawo-rawo, asalakono ka imentuwu tedoa mempori ka mpesomba ntu'u

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

1 YOHANE 2:6

Ba isema motae, nine onae kongko i laro-Do, onae asalakono tuwu mengkena kana Ondae i Kerisituu tuwu Iramo.

1 YOHANE 5:19

Tomento'orio, nine mente'inso kita ndi Ondae Ue Ala ka asa wawontolino kongko i totono pabawano i Mosa'o.

YUDASI 1:18

Hangano domempauomo ndi omiu, ”tamo haweako pokotampulaano wawontolino ira mehawe mia pompopodeu-deu anu ira mentuwu mentondao po'eheno aroa ka gaudo anu mosa'o.”

MENGKAAA 14:12

Anu kinere i ndi'ai onaemo pompedatodo mia mempori, anu mentondao parenta-Do Ue Ala ka pompe'ala-ala ndi Ondae i Yesu.