TITU 2:10 - Wunta Mempori

¹⁰ si domemolengku, sine asalakono ka iwela koa inso i aroado ka mpetenunu, hangano kanandio a luwuakoano ka dompokomarambao pompaguru-Do Ue Ala, Puu pongkaduduito.

TITU 2:10 ပူးပေါင်းရင်းမြစ်များ

Po'unde-unde 101:6

Mataku te'aro a mia anu metenunu i wita andio, ka dompo'ia saru ongkue. Mia anu tuwu nahina tataano, ta mekakaakune.

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

I MATIU 24:45

”Isemake ata anu metenunu ka pande mosongka, anu pinotorono ueno a luwuno miano ka ipoweeako ira kaanga a tempono?

I MATIU 5:16

Ka ikanandiomo mewinemiu mewanta i arodo mia, ka domengkitao wineweumiu anu moiko ka dompelangkai Ira Amamiu anu i suruga.”

I LUKASI 1:47

ka aroaku mawongko hangano Ondae Ue Ala, Puu pongkaduduiku,

I LUKASI 1:80

Ndio nana'ote atuu kolangka-langkaino ka komoro-morosono penaano. Ka onae mo'ia i pada one hawe a oleo anu asalakono ka ipeposaba a nto Isaraeli.

I LUKASI 16:10

”Ba isema metenunu a luwuno wineweu kodei, onae metenunu koa mbo'u a luwuno wineweu anu langkai. Ka ba isema nahi mentee a luwuno wineweu anu kodei, onae nahi mentee koa mbo'u a luwuno wineweu anu langkai.

I YOHANE 12:6

Mongkona atuu ipauo komba hangano iperio ira mia memongkokolaro, tendeano hangano onae asa mia monako; mararu ipo'ala doi anu ninaa a laro ngkadu anu ininino.

1 KORINTI 4:2

Anu poko'ariano inema inso a luwuno puu pompekakaako anu kanandio onaemo, nine mengkaa tekona domempine'ala-ala.

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

PILIPI 4:8

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.

1 TIMOTIU 1:1

Inso ndi Paulu, tetenaa-Do i Kerisituu Yesu montonda petena-Do Ue Ala, Puu pongkaduduito, ka Ondae i Kerisituu Yesu, pu'uno pomperorohito,

1 TIMOTIU 5:17

Luwuno penatua anu moiko ipetewawa tekona ipinelangkai meluka mpendua, tamoako ondae anu mpe'isei mpontutulu ka mpompaguru.

1 TIMOTIU 6:1

Luwuno mia anu mpontembi te'ataa ka domentuduo uedo tekona ipohawe luwuno pompelangkai, ka si dompepaukiakono mia nee-Do Ue Ala ka pompaguruto.

1 TIMOTIU 6:3

Tewala asa mia mompaguruako pompaguru susua ka nahi tondao pompaguru anu mentee – onaemo pau-Do Ueto i Yesu Kerisituu – ka nahi tondao pompaguru anu menunu saru pesombato,

TITU 1:3

ka a tempo anu po'ehe-Do Dopokomengkaaomo pau-Do a pompalelea Lele Mawongkoa anu kupine'ala-alaako menunu saru petena-Do Ue Ala, Puu pongkaduduito.

TITU 3:4

Sine mansano mengkaa pe'aroa-Do Ue Ala, Puu pongkaduduito, ka pompehohawa-Do a mia,

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

2 YOHANE 1:9

Sompo mia anu nahi po'ia a laro pompaguru-Do i Kerisituu, sine anu meluarako inso i tu'ai, nahi pe'umbu Ira Ue Ala. Ba isema mo'ia a laro pompaguru atuu, ipe'umbu Ira Ondae i Ama maupo Ondae i Ana.

1 Samueli 22:14

Sumangki i Ahimele ndi mokole, ”Isema mbo'u umarino i Daudi anu ta pine'ala-ala, tamoako onae ponimiu mokole ka onae tadulako sorodadu anu dumagai komiu ka pinelangkai a laro somborimiu?

1 Samueli 26:23

Ondae i Ue Ira sumuloo menteeano ka petenununo sompo mia, hangano oleo andio Ondae i Ue meweengakomiu a ngkaeku, sine nahi kubehe motiio kaeku ia mia anu inurapi-Do i Ue.