TITU 1:9 - Wunta Mempori

⁹ ka me'ini a mpau anu mentee, anu menunu saru pompaguru anu mentee, ka ipolio mompatudu mia me'empehiako pompaguru atuu ka polio tumisoako ira salado anu me'ewaio.

TITU 1:9 ပူးပေါင်းရင်းမြစ်များ

Ayubi 2:3

Pau-Do i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o. Onae metenunu mpiha a laro pompe'ala-alano, maupo u'olua-Kune umewaio ka imasola nahina pu'uno.”

Ayubi 27:6

Menteeku ku'inio moroso ka nahi kupotolao; aroaku nahi tetewehi aku maupo te'asa oleo inso a ntinuwuku.

Powadi 23:23

Oliomo menteea ka si asao; kanatuu koa mbo'u ponto'ori anu mentee, pompaguru ka ponto'ori.

WINEWEUDO TINENA 18:28

Hangano nahi te'osa menge-ngeako ira to Yahudi i arodo mia hadio ka itisoako ira inso a Wunta Mempori nine Ondae i Yesu Ondaemo i Mesia.

1 KORINTI 14:24

Sine tewala luwuno mpompau anu ta gagi, ka do'amba mpewinso mia anu nahi dompompe'ala-ala ke mia anu da iaopo domehawe, luwuno ta mokomanasaakono luwuno anu paresao;

1 TESALONIKA 5:21

Impepenteeomo luwuakoano ka ime'iniomo anu moiko.

2 TESALONIKA 2:15

Onaemo pu'uno, impentademo temoroso ka impe'inimo a luwuno pompaguru anu tinarimamiu inso ndi omami, moiko anu pinau, maupo anu binuri.

1 TIMOTIU 1:10

tiano mia belesu ka mewowaliako pe'asa ntamano, tiano anu mompolaisako, tiano anu megaupi, tiano mia mesumpa megaupi ka luwuakoano anu nahi penunu saru pompaguru mentee

1 TIMOTIU 1:15

Pau andio mentee ka tekona itinarima luwu, ”Ondae i Kerisituu Yesu hawe i wawontolino mongkadudui mia tehala,” ka i olodo ongkuemo anu tehala ntu'u.

1 TIMOTIU 1:19

Ba opia mia domperioo aroa mewinedo anu mentee atuu, ka onaemo pu'uno nami hina pompe'ala-alado,

1 TIMOTIU 4:9

Pau andio mentee ka tekona itinarima ka ipine'ala-ala ntu'u.

1 TIMOTIU 6:3

Tewala asa mia mompaguruako pompaguru susua ka nahi tondao pompaguru anu mentee – onaemo pau-Do Ueto i Yesu Kerisituu – ka nahi tondao pompaguru anu menunu saru pesombato,

2 TIMOTIU 1:13

Iniomo luwuakoano anu urongeomo inso ndi ongkue gagi pandiri pompaguru anu mentee ka weweuomo atuu a pompe'ala-ala ka pompehohawa ndi Ondae i Kerisituu Yesu.

2 TIMOTIU 2:2

Hapa anu urongeomo inso ndi ongkue i arodo hadio sakosii, pe'ala-alaakonomo atuu a mia anu tekona domempine'ala-ala, anu mempande koa mbo'u mpompaguru mia susua.

2 TIMOTIU 2:25

ka saru mepau molusa-lusa mokotaate ira mia anu inehedo me'ewa, hangano bara'ura Dopoweeako ira i Ue tempo ka dontepidi ka wawa ira ranta ka domento'orio menteea,

2 TIMOTIU 3:14

Sine po'ineeomo ka upe'ini mpiha a menteea anu utarimaomo ka upe'ala-alao, saru wela rumambeo mia anu paguruakomu.

2 TIMOTIU 4:3

Hangano ta hawe tempono, mia nahi pokontarimao mbo'u pompaguru mentee, sine ira mpopumpu guru montonda po'ehedo mpotendeo ineheno birido.

TITU 1:11

Mia anu kanatuudo asalakono kinomu wiwido, hangano hadio sombori dompokomarisuako ira pompaguru anu nahi mentee ka dompohawe ura anu mompokoko'ii.

TITU 2:1

Sine omue, paleleomo hapa anu menunu saru pompaguru anu mentee:

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.

MENGKAAA 2:25

Sine hapa anu hina ndi omiu, ime'iniomo atuu ranta ka Kuhawe.

MENGKAAA 3:11

Aku ronga hawe. Iniomo hapa anu kongko ndi omue, ka si hina maupo te'asa mia umalao ramba-ramba ulumu.

MENGKAAA 3:3

Onaemo pu'uno pewowoloomo, ba kana'umpe utarimaomo ka rumongeo; tondaomo atuu ka tepidimo! Hangano tewala nahi upedaga-dagai, Aku hawe kana mia monako ka nahi uto'orio a tempo isuake Kumansa hawe ndi omue.