TITU 1:16 - Wunta Mempori

¹⁶ Dompotae domento'ori Ira Ondae Ue Ala, sine a mpoweweudo domehapu Ira. Memokoburu ira ka buunto ka nahi domempolio mpoweweu te'asa anu moiko.

TITU 1:16 ပူးပေါင်းရင်းမြစ်များ

Ayubi 15:16

tamoako mbo'u mia anu mokoburu ka mosa'o gauno, anu montele molengkua kana uwoi.

Powadi 30:12

Hinao inule anu potaeno koroino morina, sine napi wino'ohi inso a regeno onaeno.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yesaya 48:1

Rongeomo pau andio, hei suku inuleno i Yako, anu pinewuaako nee Isaraeli anu mepu'u inso a inuleno i Yehuda, anu mesumpa a nee-Do i Ue ka umakuio Ue Alado to Isaraeli, sine nahi a menteeano ntu'u ka moleo aroa.

Yesaya 58:2

Oleo me'eu oleo dome'ungke Aku ka inehedo mento'orio luwuno sala-Ku. Kana tongku mpoweweu anu mentee ka anu nahi bintao songka-Do Ue Alano dompesikenoakono ndi Ongkue luwuno songka anu mentee, inehedo me'umpeda ndi Ondae Ue Ala, dompotae,

Yesaya 59:13

mpe'ewa kamimo ka humapu Ira i Ue, ka mepansia inso ndi Ondae Ue Alamami. Mpontoo kami porontua ka mpoweweu anu molengku, mentiaako pegaupi a laro aroa ka mpe'anaakono a mpau.

Yeremia 12:2

Omiu weweu ira tuwu ka dompehaka, ondae mentuwu mewalo ka mehasiliako wua. Omiu mpiha a wiwido, sine olai inso i aroado.

Yeremia 5:2

Maupo dompotae, ”A nee-Do i Ue anu tuwu,” mengkaano ondae mpesumpa nahi mentee.

Yeremia 6:30

Ondae pinau salaka nahi tinarima, hangano nami Dotarima ira i Ue!

Yehesikieli 33:31

Ondae me'aiwa ndi omue kana palili mpehowu ka mpentoro i aromu gagi bawaa-Ku. Ondae merongeo pinaumu, sine nahi domeweweuo. Ngangado bukeako luwuno pau pongkekewoi, sine aroado mpo'ungke me'uraa anu komba tiado.

Podoaa 24:16

pepauno mia anu rumongeo pau-Do Ue Ala, ka tumo'orio ponto'ori-Do Ue Ala Anu Tedoa Mantande, anu kumitao pongkita inso Anu Tedoa Pabawa, anu mepombole sine mata tewile.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

EPESU 5:6

Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha.

1 TIMOTIU 1:9

onaemo ka itino'ori nine songka Taura atuu komba tiano mia mentee, tendeano tiano mia anu umewai Ira Ue Ala ka mia lambaha, tiano mia mosa'o gauno ka mia tehala, tiano mia tuwu ntolino ka anu nahi pe'agama, tiano mia mompepate amano ka mompepate ineno, tiano anu mompepate,

1 TIMOTIU 5:8

Sine tewala hinao te'asa mia anu nahi pekakaako ira pe'etuno, tamoako pe'asa rahano, mia atuu mepoura ka mosa'oopo sekono mia anu nahina pompe'ala-alano.

2 TIMOTIU 3:17

Hangano kanandio sompo-sompo mia-Do Ue Ala pinatinda tiano sompo poweweu moiko.

TITU 3:1

Popoto'oriako iramo ka dompe'urumako a mia mpeparenta ka a mia anu mempabawa, mpomperorongeako ka mpepatinda meweweuo sompo anggaa anu moiko.

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

1 YOHANE 2:4

Ba isema motae: Kuto'ori Ira, sine nahi tondao parenta-Do, onemo asa mia puu mpegaupi ka i larono nahina menteea.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

1 Samueli 15:22

Sine ipotae i Semueli, ”Nde Ira memoikoo i Ue pesomba tinunu ka pesomba sinumbele, mengkena kana momperorongeako pau-Do i Ue? Menteeano, moikoopo momperorongeako, sekonopo pesomba sinumbele, tumondao songka-Do, moikoopo sekono tabano bimba laki.

1 Samueli 15:24

Motae i Saulu ndi Semueli, ”Tehala akumo ndi Ondae i Ue hangano ku'ewaiomo songka-Do ka paumiu, hangano kudoitoako ira palili onae ka kutondaako ira po'ehedo.