15 A mia mempori luwuno mempori; sine a mia mokoburu ka a mia nahi pompe'ala-ala maupo te'asa nahina anu mempori, hangano moiko pinewowolo maupo po'o'aroado mokoburu.
Tewala asa mia mowawa bau anu mempori a laro ntapu sangkano, ka i'amba saru tapuno sangkano atuu idanggiakono roti ke anu ninahu, anggoro, lana ke hapamo koa anu moiko ikinaa, nde ta gagi mempori atuu?” Luwuno sando mesomba atuu mesangki, dompotae, ”Naahi!”
Kuto'orio ka kupe'ala-alao ndi Ondae Ue Yesu, nine nahina te'asa anu mokoburu inso a ngkoroino onaeno. Butu a mia anu tumuduo, nine hapamo koa mokoburu, a miamo atuu hapamo koa atuu mokoburu.
Sine ba isema anu nanta-nanta, ba ikaano, onae hinukuomo, hangano nahi weweuo me'empehiako pompe'ala-ala. Ka luwuakoano anu nahi pe'empehiako pompe'ala-ala, onaemo hala.
Sine komba luwuno mia anu hinao ponto'ori atuu. Hinao mia, anu hangano da te'onggo mpiha a luwuno lahumoa, mongkaa bau atuu kana bau pesomba a lahumoa. Ka hangano molema aroado, aroado atuu tesosa'ariako onae.
Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.
lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.