TITU 1:13 - Wunta Mempori

¹³ Ponsakosii atuu mentee. Onaemo pu'uno kuahako iramo ntu'u ka domegagi mentee a pompe'ala-ala,

TITU 1:13 ပူးပေါင်းရင်းမြစ်များ

Po'unde-unde 119:80

Po'ineeomo aroaku ka itondao luwuno pompakosi-Miu inso i aroa, ka si kupohawe mokoko'ii.

Po'unde-unde 141:5

Po'ineeomo mia mentee mpetunduhi ka mehukuakune pompehohawa, onaemo atuu lana moiko ntu'u, po'ineeomo ka itarimao uluku! Mentee ntu'u, ongkue mekakai mpiha umewaio poweweudo anu mosa'o mia mosa'o gauno.

Powadi 27:5

Moikoopo pekuahako i arono sekonopo pompehohawa anu tewuni.

Imama 19:17

Si o'aliaakono pepaekompomu i laro aroamu. Asalakono kuahakono pe'asa miamu i arono ka nahi poweweuakomu halamu hangano onae.

2 KORINTI 13:10

Onaemo pu'uno pohona andio ka kupoburi wunta ndi omiu tempono ku'olaiakomiu, ka si kumansa tekuda montonda pabawa anu Doweeakune i Ue ba kukongko i tonga-tongamiu mowangu pompe'ala-ala ka komba mongkale-kale.

1 TIMOTIU 1:10

tiano mia belesu ka mewowaliako pe'asa ntamano, tiano anu mompolaisako, tiano anu megaupi, tiano mia mesumpa megaupi ka luwuakoano anu nahi penunu saru pompaguru mentee

1 TIMOTIU 4:6

Saru wela mopoto'oriako ira pepaekompoto mongkona luwuno atuu, omue kogagi aasa puu pompekakaako-Do i Kerisituu Yesu anu moiko, tepaguru a luwuno pepu'uano pompe'ala-alato ka a pompaguru mentee anu utondaomo andio.

1 TIMOTIU 5:20

Ondae anu mpoweweu hala asalakono kuahako ira i arodo luwuno mia ka domedoito koa anu susua.

2 TIMOTIU 4:2

Paleleomo pau-Do i Ue, pepatindamo moiko ke nahi moiko tempono, pokomengkaaomo hapa anu sala, kuahakono ka patuduomo a luwuno maurua ka pompaguru.

TITU 2:15

Paleleomo luwuno atuu, patudu iramo ka pokomanasaako ira a luwuno poweweumu anu tekona domentondao. Si hina mia anu me'uru-uruko.

TITU 2:2

Tama anu memota'u asalakono ka domentuwu poolo ka isoompo, mempinelangkai, mempande mposongka, mentee a pompe'ala-ala, a pompehohawa ka mpompedato.