TITU 1:11 - Wunta Mempori

¹¹ Mia anu kanatuudo asalakono kinomu wiwido, hangano hadio sombori dompokomarisuako ira pompaguru anu nahi mentee ka dompohawe ura anu mompokoko'ii.

TITU 1:11 ပူးပေါင်းရင်းမြစ်များ

Po'unde-unde 107:42

Luwuno mia mentee mengkitao, ka do'amba memawongko, sine luwuno molengkua mpekomu.

Po'unde-unde 63:11

Ira mempineweengako a mata mponai, ira megagi kaangado dahu a ntobu.

Yeremia 8:10

Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.

Yehesikieli 13:19

Omiu melimpaio mempori-Ku i tonga-tongado bawaa-Ku butu hangano ba'opia raku jelai ba'opia mpole roti, saru mpepate ira mia anu nahi tekona mate, ka mo'inee ira mentuwu mia anu nahi tekona tuwu, a laro mongkona impegaupi a bawaa-Ku anu tetinda moronge pegaupi.

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Mika 3:5

Kanandiomo pau-Do i Ue a luwuno nabi, anu mokopansia ira tongkuku. Tewala hinao anu nginaino ngisido, ondae mpebooliako sintuwu. A mia anu nahi posimpuakono a ngangado, dome'oluakono mpetea.

I MATIU 23:13

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imentondoo luwuno pewowano Poparentaa Suruga i arodo mia. Hangano omiu isa'a nahi mpewinso ka ime'onsoi ira anu mpopete'umala ira mpewinso. [

I LUKASI 20:40

Hangano nami domensapa mbo'u mpopesikenoako hapa-hapa ndi Ondae i Yesu.

I YOHANE 10:12

sine mia tinambo anu komba puu pompakambi, ka komba anu me'ue ira bimba atuu, tempono ikitao serigala hawe, ibinta ira luwu bimba atuu ka i'amba molai, ranta ka ipomperangkami serigala atuu ka sumiarawo ira bimba atuu.

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

2 KORINTI 11:10

Hangano mentee-Do i Kerisituu i laroku, kupokomanasao, nine mawongkoku atuu nahina ta benteio maupo isema i luwuno wita Akaya.

1 TIMOTIU 5:13

Tamoako mbo'u pewinso mpeluarako a rahado mia, mpepokoleleo mpeluweki ka komba butu mpeluwekimo koa, sine meme'ase mbo'u ka mensalo-saloo wineweuado mia susua ka mempau ira anu nahi tekona ipinau.

1 TIMOTIU 5:4

Sine tewala aasa tuwu beine hinao anano ke ana'ueno, moikoano ondae atuu amba-ambano ka dompepaguru mpompekakaako a mpe'asa rahado ka mensuloo moikodo mia mota'u ka uedo, hangano onaemo anu pinemoiko-Do Ue Ala.

1 TIMOTIU 6:5

pengengea i olodo mia anu nami dompompewowolo mbo'u mentee ka anu tetadiomo menteea, anu potaedo mesomba atuu onaemo aasa insoano me'uraa.

2 TIMOTIU 2:18

anu pansiaomo inso a menteea saru mompaguru nine pewanguto kontongaanomo ka hangano kanandio sumolangio pompe'ala-alado asa ntia mia.

2 TIMOTIU 3:6

Hangano i olodo hinao mia anu menongkoako lumako a rahado mia susua ka dompokobenge-benge ira beine anu molema anu bukeako hala ka ipabawai ira mperupa-rupa po'eheno aroa,

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

TITU 1:9

ka me'ini a mpau anu mentee, anu menunu saru pompaguru anu mentee, ka ipolio mompatudu mia me'empehiako pompaguru atuu ka polio tumisoako ira salado anu me'ewaio.

TITU 3:10

Asa mia anu mompaguru susua anu mararuomo upatuduo, laluopo olaiakono.