Tegagia 2:9 - Wunta Mempori

⁹ Ka i'amba Ondae Ue Ala motuwuo inso a wita mperupa-rupa keu anu mompokosanaa mata ka moiko ba ikinaa wuano, keu tuwua mbo'u i tonggano bonde atuu saru keu ponto'oria mongkona anu moiko ka anu mosa'o.

Tegagia 2:9 ပူးပေါင်းရင်းမြစ်များ

Tegagia 2:17

sine wua inso a ngkeu ponto'oria mongkona anu moiko ka anu mosa'o, sii kaano, hangano itempono ukaano, manasa komate.”

Tegagia 3:22

Mepau Iramo Ue Ala, ”Menteeano mia gagiomo kana asa inso ndi Ontae, tumo'orio mongkona anu moiko ka anu mosa'o. Kanandio-andio, kasi mansa tumandeo kaeno ka ipo'ala mbo'u wuano keu tuwua atuu kumaano, ka ituwu ranta nahina tampulaano.”

Tegagia 3:24

Dosaario mia ka i sabaano oleo bonde Paradesi Donaa ira kerubi saru ponai anu langano tesiarawo, anu dumagaio sala lumako a ngkeu tuwua.

Tegagia 3:3

sine mongkona wua inso a ngkeu anu kongko i tonga-tongano bonde, Ondae Ue Ala mepau: Si kaano ke maupo dumanggio, te'ingka mate komiu.”

Tegagia 3:5

Tendeano, Doto'orio Ue Ala, nine tempono ikaano matamiu ta te'ungkahi, ka komiu gagi kana Ondae Ue Ala, tumo'orio mongkona anu moiko ka anu mosa'o.”

Powadi 11:30

Wuano mia mentee onaemo keu tuwua, ka isema pande mosongka, mo'ala aroano mia.

Powadi 3:18

Onae gagi keu tuwuano mia anu metako ndi onae, isema anu me'ini ndi onae ta pinau me'ura.

Yesaya 44:25

Ongkuemo anu umoninio luwuno tondonino anu mpompau manasa nahi ta gagi ka memae-maeako ira mia hadio tino'orido; anu weweu ira mia pande mposongka nahi gagi, ka woliteo ponto'orido gagi benge-bengea;

Yesaya 47:10

Omue roodo a laro wineweumu anu mosa'o, potaemu, ”Nahina anu kumita aku!” Pandemu mompewowolo ka ponto'orimu mokontesaako, onaemo ka upotae a laro aroamu, ”Butu ongkue; nahina anu susua i horiku!”

Yehesikieli 31:16

Rumongeo unino tedontano, Kuweweuo luwuno tongku mpondidi-ndidi i tempono Kupotiio a ntolinodo mia mate meronga ondae anu mpetii iramo a laro ngkaburu. Luwuno keu a bonde Paradesi, keu anu tebiniki anu lalu moiko i Libano, luwuno anu mo'oso hadio uwoi, ta tetarero i tolino anu lalu i totono.

Yehesikieli 31:18

Saru isemake omue pinokomengkenaako i olodo luwuno keu a bonde Paradesi a laro mongkona marambaa ka langkaia? Omue kopinotii i tolino anu lalu i totono meronga luwuno keu a bonde Paradesi ka omue tepombole i tongado mia anu nahi petindi meronga luwuno mia anu memate pinepateako ponai. Onaemo atuu i Pirao saru luwuno mia hadio anu tumondao, kanandiomo pau-Do Ue Ala.”

Yehesikieli 47:12

A orua wiwino korono atuu tuwu mperupa-rupa keuno wua kaanga anu leweno nahi moleu ka wuano nahi hori pingko. Sompo wula keu atuudo mehasiliako wua anu wo'ohu, hangano mohawe uwoi inso a mpo'ianga mempori atuu. Wuano gagi kaanga ka leweno gagi pakuli.”

I YOHANE 6:48

Ongkuemo roti tuwua.

1 KORINTI 8:1

Mongkona bau pesomba a lahumoa tomento'orio, ”luwuto hinao ponto'orito.” Ponto'ori anu kanandio weweuo mia gagi mompelangka-langkai, sine pompehohawa mowangu.

Winali 6:25

Kita megagi mentee, tewala mpetenunu kita meweweuo luwuno parenta atuu i aro-Do i Ue, Ue Alato, kana anu Doparentaa kita.”

MENGKAAA 2:7

Isema mebiri, po'ineeomo ka iperorongeakono hapa anu pinau-Do Penaa a luwuno bawaa: Ba isema monangi, onae Aku moweeakono ka ipongkaa inso a ngkeu tuwua anu kongko a Bonde Paradesi-Do Ue Ala.”

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

MENGKAAA 22:2

I tonga-tongano batatanano kota atuu, onaemo a mompombali wiwi ngkorono atuu, hadio keu tuwua anu mewua pempulu ka orua, sompo-sompo wula pohona; ka leweno keu atuudo pinake mompokotompa luwuno tongku.