Sepanya 3:9 - Wunta Mempori

⁹ ”Menteeano, umarino atuu Aku balio wiwido luwuno tongku gagi wiwi anu morina, ranta luwudo mempoboio nee-Do i Ue, mpesomba ndi Ondae mperonga-ronga.

Sepanya 3:9 ပူးပေါင်းရင်းမြစ်များ

Tegagia 11:1

I'asa wawotolino horio asa koa pau ka mpekena luwu dompepau.

Tegagia 4:26

Asa mbo'u ana ntamano i Seti pine'anaako, ka ineeakono i Enosi. I tempomo atuu mia mpompu'u mpoboio nee-Do i Ue.

Po'unde-unde 113:3

Inso i sabaano hawe i sumooano oleo inunde-undeomo nee-Do i Ue.

Po'unde-unde 22:27

Mia anu marasai ta mongkaa ka mowohi, mia anu umungke Ira i Ue ta umunde-unde Ira; po'ineeomo aroamu ka imawongko mpiha!

Yesaya 19:18

I tempo atuu ta hina olima kota i Masiri anu mpepauako pau Kana'a ka anu mpesumpa mpetenunu ndi Ondae Ueno luwuakoano. Asa i olono ta pinau Ire-Heresi.

Yesaya 57:19

A wiwido mbo'u miano anu mpo'inombo Aku mokogagio po'unde-unde. ’Rodoa, rodoa manangai tiado anu me'olai ka tiado anu me'umpeda,’ pau-Do i Ue ’Aku mokotompao!’

Yesaya 6:7

Itengkuakono a ngangaku saru motae, ”Kitao, wiwimu itengkuomo waro andio, onaemo pu'uno salamu tinadiomo ka halamu pinokotampulaomo.”

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yehesikieli 37:17

Po'asaomo oruano gagi asa keu, ranta oruano gagi asa a ngkaemu.

Habaku 2:14

Hangano tolino ta bukeako ponto'ori mongkona maramba-Do i Ue, kana uwoi tumutuwio tahi molue.

Sepanya 2:11

Ira medoito ndi Ondae i Ue, hangano Ira mokotampulao luwuno pinesombai susua i tolino. Luwuno tongku wita i wiwi ntahi ira mpenggolontu mpesombai Ira, singge mia inso a mpo'iangano.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

I MATIU 12:35

Mia anu moiko moluarako luwuno anu moiko inso i larono anu moiko ka mia anu mosa'o moluarako luwuno anu mosa'o inso i larono anu mosa'o.

EPESU 4:29

Si hina pau anu mokoburu inso a wiwimiu, sine impepauakomo pau anu moiko anu mompokoroso, ba isua ikinere, ka dompohawe pompehohawa mia anu merongeo.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”