Sepanya 3:2 - Wunta Mempori

² Onae nahi behe merorongeakono patudu ka nahi pomperio pongkuahako; onae nahi pe'ala-ala Ira i Ue ka nahi aiwa ndi Ondae Ue Alano.

Sepanya 3:2 ပူးပေါင်းရင်းမြစ်များ

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Po'unde-unde 10:4

Mepau mia mosa'o gauno atuu saru engeno kontahane, ”Ondae Ue Ala nahi Ira motuntu! Nahina Ue Ala!”, onaemo atuu luwuno pinewowolono.

Po'unde-unde 50:17

kahinaano omue umo'aliaakono pongkuahako, ka nahi uperioo pau-Ku?

Po'unde-unde 73:28

Sine ongkue, ineheku umpeda ndi Ondae Ue Ala; Ondae Ue Ala kupakosio gagi pepekaduduiaku, ka kupokotutuluo luwuno inangga-Do.

Po'unde-unde 78:22

hangano nahi dompe'ala-ala Ira Ue Ala, ka nahi dompomperorohi pontulungi-Do.

Powadi 1:7

Doitoako Ira i Ue onaemo pompu'uano ponto'ori, sine mia benge-benge tumetewehio ponto'ori anu mentee ka pompaguru.

Powadi 5:12

ka u'amba komotae, ”Ha, tembio ka ku'o'aliaakono pompaguru, ka aroaku mosa'oakono pongkuahako;

Yesaya 1:5

Tembio ka imebehe mentinunduhi mbo'u, omiu anu tekense mpebungkui Ira? Ulu mahaki luwu ka luwuno aroa molema ka telusa.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 43:22

”Nahi upebooli ndi Ongkue, hei Yako, mentee ntu'u nahina mokendomu ndi Ongkue, hei Isaraeli.

Yesaya 9:12

Sine tongku atuu nahi dompepokule ndi Ondae anu tumunduhi ira, ka nahi dome'ungke Ira Ueno luwuakoano.

Yeremia 13:25

Onaemo tiamu anu Kusa'uakomu, kanandiomo pau-Do i Ue, hangano ukolupe Aku, ka me'ala-alao pegaupi.

Yeremia 2:30

Nahina pengkonaano Kutunduhi ira anamu, pontunduhi nahi domperioo; ponaimu isa'a pingko ira nabimu kana singa mongura anu mongkaa rinakono.

Yeremia 22:21

Mepau Akumo ndi omue tempono da sosanaamu, sine upotae, ”Nahi kubehe merorongeakono!” Onaemo atuu pelelumu mompu'u da umongura, hangano nahi ubehe merorongeakono pau-Ku!

Yeremia 32:33

Dompebungkui Aku ka nahi domewolilio rupado ndi Ongkue. Maupo Kupaguru ira mpiha, nahi dobehe merongeo ke mperioo petunduhi.

Yeremia 35:13

”Kanandiomo pau-Do Ueno luwuakoano, Ue Alado to Isaraeli: Lakomo ka pauako iramo to Yehuda ka a mpalilino Yerusale: Nahi imentarimaoke pontunduhi saru merorongeakono luwuno pau-Ku? Kanandiomo pau-Do i Ue.

Yeremia 35:17

Onaemo pu'uno kanandiomo pau-Do i Ue, Ue Alano luwuakoano, Ue Alado to Isaraeli, Menteeano, Aku mompotiiakono Yehuda ka luwuno palilino Yerusale luwuno masolaa anu Kupokodoitoako ira; hangano mepau Akumo ndi ondae, sine nahi domerongeo, ka mebooli Akumo ndi ondae, sine nahi domesangki.”

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yehesikieli 22:24

”Hei anano mia, pauakonomo: Omue onaemo wita anu nahi pokomorinao uwoi, nahi siwuio usa i tempono bamburua.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Sepanya 1:6

saru ondae anu mpebungkui Ira i Ue, anu nahi ungke Ira i Ue ke mo'ema pontiso-Do.”

2 TIMOTIU 3:16

Luwuno binuri anu inso a Mpenaa-Do Ue Ala lano mentudu a pompaguru, mokomengkaao saala, mokomoikoo pelelu ka paguruo mia a menteea.

IBARANI 10:22

Onaemo pu'uno aiwamo tompe'aro ndi Ondae Ue Ala saru aroa anu moleo ntu'u ka pompe'ala-ala anu moroso, hangano aroato pinokomorinaomo inso a laro aroa anu mosa'o ka koroito wino'ohiakoomo uwoi anu morina.