Sepanya 2:7 - Wunta Mempori

⁷ Wita atuu ta gagi tiado luwuno toreano suku Yehuda. Ira mpopakambi i ra'ai ka mpepombole a luwuno raha i Asikeloni tempono owowa oleo. Hangano Ondae i Ue, Ue Alado Ira mekakaako ira ka wali mokomoikoo teweweudo.

Sepanya 2:7 ပူးပေါင်းရင်းမြစ်များ

Tegagia 50:24

I Yusupu motaeako ira pepaekompono, ”Nahi tehine mbo'u akumo mate. Sine Ondae Ue Ala manasa Ira mekakaakomiu ka wawa komiu mpeluarako inso i wita andio a wita anu Dodandiakonomo sumpa ndi Burahima, ndi Saki ka ndi Yako.”

Po'unde-unde 80:14

Bonti mengkarasikio ka kondehora a mpada mengkaano.

Po'unde-unde 85:1

Tiano petewawado anu mpenani. Penani po'unde-undedo inuleno i Kora.

Peluarakoa 4:31

Onae pu'uno ka dompompe'ala-alamo tongku atuu. Mansado merongeo, nine Doperio iramo i Ue ka Dokitaomo marasaido, onaemo ka dompenggolontu mpesomba.

Yesaya 11:11

Tempo atuu Ondae i Ue Ira tumandeo mbo'u kae-Do tumolosi ira bawaa-Do anu da mentuwu anu mpo'ia i Asuri ka Masiri, i Patirosi, Etiopia ka Elami, i Sineari, Hamati ka a luwuno togo i Tahi Tongano.

Yesaya 11:14

Sine ondae ira mepaso'ulu i sumooano oleo lumaloo oweano torukuno Pelisiti, ondae meronga-ronga momuru ira tongku i sabaano oleo; Edomi ka Moabi ta gagi rontuano kaedo, ka to Amoni ira mpetuundu ndi ondae.

Yesaya 11:16

Te'ipua ta hina sala langkai tiado bawaa-Do anu da mentuwu anu mpo'ia i Asuri, kana anu hinaomo tiado to Isaraeli i ndi'ipua, i tempono dompeluarako inso i wita Masiri.

Yesaya 14:1

Tempono Ondae i Ue mehohawao i Yako ka binikio Isaraeli pohona mbo'u saru mo'inee ira mpo'ia i witado, mia mehawe ira mpe'asaako ira ka mpesaloako inuleno i Yako.

Yesaya 32:14

Hangano bentemiu ta bininta ka kotamiu anu maroa ta gagi boni-boni. Pongku ka menara ta gagi wita merete ranta nahina tampulaano, gagi po'ianga pesana-sanaado kalide ntobu ka gagi po'iangano pinotuwu mongkaa ewo,

Yeremia 23:3

Ongkue isa'a pumpu ira anu ntebinta inso a bawaano bembe bimba-Ku inso a luwuno wita ba isua Kusiarawo ira. Aku wawa ira mpekule a mpada pakambiado. Ka do'amba mpo'ule ka ntetiangi hadio.

Yeremia 29:10

Mentee ntu'u kanandiomo pau-Do i Ue: Tewala sompoomo pitu pulu nta'uno Babeli, ka Ku'amba aiwa kumita komiu. Aku umihiio dandi-Ku ndi omiu saru mokule komiu a mpo'ianga andio.

Yeremia 29:14

Aku koa memoikoo intepohawea-Kune, kanandiomo pau-Do i Ue, ka Aku momuleo teweweumiu ka pumpu komiu inso i olodo luwuno tongku ka inso a luwuno po'ianga ba isua Kusiarawo komiu, kanandiomo pau-Do i Ue, ka Aku mokule komiu a mpo'ianga insoamiu inso isua Kutadi komiu.

Yeremia 3:18

I tempo atuu suku Yehuda ira mpelempa ntepo'umpeda saru suku Isaraeli. Ira mehawe mperonga-ronga inso i wita utara lumako a wita anu Kutia-tiaako iramo a uempu'umiu gagi tia pusaka.

Yeremia 30:3

Hangano, menteeano, tempono ta hawe, kanandiomo pau-Do i Ue, nine Aku momuleo teweweudo bawaa-Ku Isaraeli ka Yehuda, kanandiomo Dopepau i Ue. Aku mokule ira i wita anu Kuweeako iramo uempu'udo, ka ira mpe'ueo.”

Yeremia 31:7

Hangano, kanandiomo pau-Do i Ue: Peboo-boolimo mawongkoakono i Yako saru po'unde, memawongkomo mongkona petewawado luwuno tongku! Paleleomo, unde-undeomo ka pauomo: Ue Ikadudui iramo bawaa-Miu, to Isaraeli anu da tebinta!

Yeremia 32:44

Mia ta umoliakono salaka luwuno lere, meburio wunta pe'olia, mentondonio ka mpopoboi sakosii i wita Benami, i horino Yerusale, a luwuno kotano Yehuda, a luwuno kota i Mentorukuno, a luwuno kota i Wita Pongku ka a luwuno kota i wita Nege. Hangano Aku momuleo teweweudo, kanandiomo pau-Do i Ue.”

Yeremia 33:12

Kanandiomo pau-Do Ueno luwuakoano: a mpo'ianga andio, anu gagiomo terawo-rawo, nahina mia ke pinotuwu, ka a luwuno kotano ta hina mbo'u tongampada tiado puu mpopakambi anu mpombole ira bawaano bembe bimbado i tu'ai.

Yeremia 33:7

Aku mokomoikoo teweweuno Yehuda ka Isaraeli ka wangu ira kana se'eluno.

Yeremia 47:5

Gasa londaomo, kota Asikeloni terawo komino; hei Asidodi, to Enaki anu da mentuwu, opiapo mbo'u tehineno usosorekio koroimu?

Yehesikieli 39:25

Onaemo pu'uno, kanandiomo pau-Do Ue Ala: Kanandio-andio, Aku momuleo teweweuno i Yako ka mehohawao luwuno suku Isaraeli. A nee-Ku anu mempori Ongkue gagi mahaki aroa.

Hosea 6:11

Tiamu mbo'u, hei Yehuda, tinantuiomo ponsowia: tewala Kupokotompao teweweudo bawaa-Ku.

Obaja 1:19

Luwuno to Nege ira mpe'ueo mentorukuno Esau, ka luwuno to Sepela ira mpe'ueo witado to Pelisiti. Ira mpe'ueo wita Eparai ka wita Samaria, ka suku Benami ira mpe'ueo wita Gileadi.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Mika 4:10

Pemolukimo ka peraepimo, hei ana beine Sioni, kana beine anu kontongaano me'ana! Hangano kanandio-andio omue asalakono meluarako inso a ngkota ka mo'ia i tongampada, omue asalakono melempa hawe i Babeli. I ra'aimo omue kopinotola, i ra'aimo Ira tumolosiko i Ue inso a ngkaeno iwalimu.

Mika 4:7

Ondae anu luuka Aku mokogagi ira torea anu pinokowo'ohu, ka ondae anu mensinaari gagi aasa tongku moroso. Ondae i Ue Ira gagi mokoledo i torukuno Sioni, mompu'u kanandio-andio ranta nahina tampulaano.

Sepanya 2:9

Onaemo pu'uno, Ongkue anu tuwu, kanandiomo pau-Do Ueno luwuakoano, Ue Alado to Isaraeli, menteeano Moabi ta gagi kana Sodomo ka inuleno i Amoni kana Gumora, onaemo gagi tongampada melaro rui, po'ianga pongkekea ohia, ka po'ianga boni-boni ranta nahina tampulaano. Luwuno toreano bawaa-Ku ira mpopomuru ndi ondae ka anu toreano inso a tongku-Ku ondae mpe'ueo.”

Sepanya 3:13

Toreano to Isaraeli atuu nahi ira mpoweweu anu mosa'o. Nahi ira mpegaupi ka a laro ngangado nahi ta hinawe elo pompopo'oo. Mentee ntu'u, ondae ira mengkana bimba anu mpongkuri ewo ka mpepombole nahina anu monsosanggoli.”

Sepanya 3:20

Ia tempo atuu Aku wawa komiu mpekule, ia tempo atuu Aku pumpu komiu, hangano Aku weweo neemiu gagi telele ka inunde-unde i olodo luwuno tongku i tolino saru wali mokomoikoo teweweumiu i arono matado,” pau-Do i Ue.

Hagai 1:12

Ka i'amba i Serubabeli anano i Sealitieli ka i Yosua anano i Yosadaki, sando mpesomba langkai, ka anu tebinta inso a tongku atuu mperorongeakono pepau-Do i Ue, Ue Alado, ka pauno nabi Hagai, kana peparenta-Do i Ue, Ue Alado ndi onae. Ka tongku atuu medoito ndi Ondae i Ue.

Hagai 2:2

i larono wula ko'opitu, tanggala rua pulu ka asa wula atuu, haweomo pau-Do i Ue telalo ndi nabi Hagai, kanandio,

I LUKASI 1:68

”Inunde-unde Iramo i Ue, Ue Alado to Isaraeli, hangano hawe Ira kumitao bawaa-Do ka mowawaako ira tolaa,

I LUKASI 7:16

Luwuno mia atuu medoito ka dome'unde-unde Ira Ue Ala, saru mpotae, ”Aasa nabi langkai mesabaako i tonga-tongato,” ka ”hawe Iramo Ue Ala kumita-kita ira bawaa-Do.”

WINEWEUDO TINENA 8:26

Ka i'amba mepauomo asa mala'eka-Do i Ue ndi Pilipu, ipotae, ”Pewangumo ka pelungkamo lumako te'alaako i selata, montonda sala anu montindulu inso i Yerusale lumako i Gasa.” Sala atuu sala anu boni-boni.

WINEWEUDO TINENA 8:40

Sine ka hinaano i Pilipu kongko i Asidodi. Onae melempa telalo i wita atuu ka mompalele Lele Mawongkoa a luwuno kota ranta ka ihawe i Kaisarea.

ROMA 11:5

Kanatuu koa mbo'u i tempo andio hinao mo'ia toreano, montonda pobinikino pompehohawa-Do.

Ruti 1:6

Nahi tehine mepatindaomo saru orua ira ponino, ira mpekule inso i wita Moabi, nde irongeo motae dopehohawa iramo i Ue bawaa-Do ka moweeako ira kaanga.