Sepanya 1:2 - Wunta Mempori

² ”Aku rumoahio morina luwuakoano inso i wawontolino, kanandio pau-Do i Ue.

Sepanya 1:2 ပူးပေါင်းရင်းမြစ်များ

Tegagia 6:7

Mepau Iramo i Ue, ”Aku mokotampula ira mia anu pinokogagi-Ku atuu inso i wawontolino, moiko mia maupo pinotuwu, luwuno kondehora melele ka luwuno manu-manu i laro meene, hangano me'o'ole Aku nine Kupokogagi iramo.”

2 Tawarika 24:24

Maupo dome'aiwa sorodadu Arami saru tedei sorodadu, sine Ondae i Ue meweengakono sorodadu tedoa hadio atuu a ngkaedo, hangano dobinta Iramo to Yehuda i Ue, Ue Alano uempu'udo. Kanandiomo domeweweuo pohuku ndi Yoasi.

2 Tawarika 36:21

Bakanandio te'ihiiomo pau-Do i Ue anu pinauno i Yeremia, ranta wita atuu umariomo lumaloo luwuno ta'u Sabano. Wita atuu asalakono pino'inee londa i larono luwuno ta'u saba atuu, ranta sompoomo pitu pulu nta'u.

Yesaya 6:11

Ka ku'amba mesikeno, ”Hawe opia tehineno, Oo Ue?” Ka Do'amba sumangki, ”Hawe luwuno kota gagi terawo-rawo nahina palilino, luwuno raha nahina miano, wita tepo'ia ka boni-boni.

Yeremia 34:22

Menteeano, kanandiomo pau-Do i Ue, Ongkue mompowee parenta ka wawa ira mpekule i kota andio ka dompeteaakono, mpoko'alao ka mpokoropuo. Aku weweuo luwuno kotano Yehuda gagi boni-boni nahina palilino.”

Yeremia 36:29

Mongkona i Yoyakimi, mokoledo to Yehuda, asalakono pauo: Kanandiomo pau-Do i Ue: Utunuomo wunta pinalulu atuu saru motae: Tembio ka uburio i larono nine mokole i Babeli manasa ta aiwa rumopuo wita andio ka mokotampulao inso i larono mia ka pinotuwu?

Yeremia 7:20

Onaemo pu'uno kanandiomo pau-Do Ue Ala: Menteeano, tekuda-Ku ka mokulano aroa-Ku Aku motiio a mpo'ianga andio, a mia, pinotuwu, mperupa-rupa keu a mpada, ka a hasilino wita. Tekuda atuu ta tensila ka nahi pinokompepate.”

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Mika 7:13

Sine witado ta gagi boni-boni, hangano palilino gagi wuano wineweudo.