Sakaria 9:6 - Wunta Mempori

⁶ I Asidodi ira mpo'ia inule mpesalo, ka pinerorohodo to Pelisiti Aku mokotampulao.

Sakaria 9:6 ပူးပေါင်းရင်းမြစ်များ

Puu Pontutulu 6:2

Mia anu Dopoweeakono Ue Ala pompoli, arataa ka marambaa, ranta nahina makurano hapamo koa anu ineheno, sine mia atuu nahi Dopoweeakono Ue Ala roso ka iperapiakono, tendeano mia susua anu merapiakono! Onaemo andio anu nahina tuduno ka marasaia mapari.

Yesaya 23:9

Ondaemo Ueno luwuakoano anu putusiakono ka mokongkuramao pompelangka-langkaido luwuno anu maramba, ka mokongkodeio luwuno mia pinelangkai i tolino.

Yesaya 28:1

Masolaomo ntu'u ramba-ramba ulu pino'undeakodo anu memolangu i Eparai, ka peramba-rambado anu ntekokosi atuu butu koa bunga anu mompu'u moleu, anu po'iangano mantande a wawo lembo anu mewalo buuke mia anu mokolili ulu hangano anggoro!

Yeremia 47:1

Pau-Do i Ue anu hawe ndi Nabi Yeremia mongkona to Pelisiti, se'eluno Gasa napi nangio i Pirao.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Amosi 1:8

Aku mokotampulao palili inso i Asidodi ka anu uminio tuko poparentaa inso i Asikeloni; Aku tumaangakono kae-Ku umewaio Ekeroni, ranta memasola iramo to Pelisiti anu da mentuwu,” pau-Do Ue Ala.

Sepanya 2:10

Ndiomo anu ira mehaweo gagi euno pompelangka-langkaido, hangano mpontetewehi iramo ka me'unde-undeo koroido a bawaa-Do Ueno luwuakoano.

Sepanya 2:4

Hangano Gasa ta bininta ka Asikeloni ta gagi boni-boni; palilino Asidodi ta sinaari ntonga oleo ka Ekeroni ta rinongka.

Sakaria 9:5

Kota Asikeloni ta kumitao, ka i'amba gagi doito; Gasa mbo'u, ka i'amba tedoa mondende; Ekeroni kanatuu koa mbo'u, hangano pomperorohino tedupaomo. Inso i Gasa ta tampula mokole ka kota Asikeloni nahi ta pino'iangario mbo'u.

Sakaria 9:7

Aku metadiakono rea inso a ngangano ka mokoburua inso a olo ngisino. Ondae anu ntepo'ia ira megagi mia-Do Ue Alato. Ondae ira megagi kana aasa suku i Yehuda, ka to Ekeroni mbo'u gagi kana to Yebusi.

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”