Sakaria 9:5 - Wunta Mempori

⁵ Kota Asikeloni ta kumitao, ka i'amba gagi doito; Gasa mbo'u, ka i'amba tedoa mondende; Ekeroni kanatuu koa mbo'u, hangano pomperorohino tedupaomo. Inso i Gasa ta tampula mokole ka kota Asikeloni nahi ta pino'iangario mbo'u.

Sakaria 9:5 ပူးပေါင်းရင်းမြစ်များ

Yesaya 14:28

A nta'u mateano mokole Ahasi haweomo pau-Do anu pabawa andio:

Yeremia 47:1

Pau-Do i Ue anu hawe ndi Nabi Yeremia mongkona to Pelisiti, se'eluno Gasa napi nangio i Pirao.

Yoeli 3:4

Ka mbo'u, hapa penggoeamu saru Ongkue, hei Tirusi, Sidoni ka luwuno wita Pelisiti? Nde komiu mingki mensulooke wineweu-Ku? Tewala hinao wineweumiu ndi Ongkue, manasa magasi ka Aku koa ronga mosuleo wineweumiu atuu ndi omiu.

Amosi 1:6

Kanandiomo pau-Do i Ue, ”Hangano otolu wineweuno Gasa anu mosa'o, ke opaa, nahi Aku balio mbo'u pomputusi-Ku: Hangano domewawa iramo a mpontadia luwuno mia tinadi, ka dompineweengako ndi Edomi,

Amosi 1:8

Aku mokotampulao palili inso i Asidodi ka anu uminio tuko poparentaa inso i Asikeloni; Aku tumaangakono kae-Ku umewaio Ekeroni, ranta memasola iramo to Pelisiti anu da mentuwu,” pau-Do Ue Ala.

Sakaria 9:4

Sine kanandio-andio, Ira umalao i Ue ka metadiakono rosono Tirusi a laro ntahi, sekono kota atuu ta kumaano api.

Sakaria 9:6

I Asidodi ira mpo'ia inule mpesalo, ka pinerorohodo to Pelisiti Aku mokotampulao.

WINEWEUDO TINENA 8:26

Ka i'amba mepauomo asa mala'eka-Do i Ue ndi Pilipu, ipotae, ”Pewangumo ka pelungkamo lumako te'alaako i selata, montonda sala anu montindulu inso i Yerusale lumako i Gasa.” Sala atuu sala anu boni-boni.

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

PILIPI 1:20

Hangano anu tedoa kinekewoiku ka pinerorohiku onaemo nine a luwuakoano nahi aku mokoko'ii, tendeano kanakoa mpiha, kanatuu koa mbo'u kanandio-andio, Ondae i Kerisituu mengkaa Dopinokomaramba a ngkoroiku, moiko tuwuku maupo mateku.