Sakaria 9:12 - Wunta Mempori

¹² Pekulemo a ngkota bentemu, hei luwuno mia mentinaha anu buke pomperorohi! A oleo koa mbo'u andio Kupauakomiu: Aku moweeakomiu euno meluka mpendua!

Sakaria 9:12 ပူးပေါင်းရင်းမြစ်များ

Ayubi 42:10

Ondae i Ue mokomoikoo teweweuno i Ayubi mansano mekakaiako ira sambe'eno. Ondae i Ue weeakono i Ayubi luwuno pine'ueno i ndi'ipua hawe meluka mpendua.

Yesaya 24:22

Ondae ira mepinumpu mperonga-ronga, kana mia tinaha wininso a laro ngkeke; ondae ira mewininso a laro torungku ka ta hinuku umarino tempo anu tehine.

Yesaya 38:18

Hangano, tolinodo mia mate nahi poko'unde-unde Komiu, ka matea nahi poko'umunde-unde komiu; luwuno mia anu metii a laro ngkaburu nahi ponsikori petenunu-Miu.

Yesaya 40:2

pokorodoomo aroano Yerusale ka pebooliakonomo ndi onae, nine tepe'ataano tompaanomo, nine salano puuliomo, hangano montarimaomo pohuku inso a ngkae-Do i Ue meluka mpendua hangano halano.

Yesaya 49:9

ka domempinauako mia anu nte'uko: Peluarakomo! a mia anu mekongko a laro wongi-wongi: Aiwamo! A luwuno sala tinondado mpohawe ira tonga mpada, ka maupo a luwuno pongku londa tepatinda pada pompakambia.

Yesaya 52:2

Petapisakonomo pampawu inso ndi omue, pewangumo, hei Yerusale anu tinawa! Lohu iramo po'onggo inso a we'umu, hei ana beine Sioni anu tinawa!

Yesaya 61:7

Gagi euno mokoko'iimiu anu meluka mpedua hadiono, ka gagi euno tesosa'ori, komiu mengkokora-kora mawongko hangano tia anu hinawemiu. Komiu mpohawe pusaka meluka mpendua i witamiu ka mawongkoa nahina tampulaano ta gagi tiamiu.

Yeremia 14:8

Oo Pomperorohiano i Isaraeli, Anu tumulungio tempono ipompema'iso! Tembio ka Ikana mia hawe i wita andio, kana mia a laro pelempaa anu butu tetoro merato?

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 17:13

Oo Ue, pomperorohiado to Isaraeli, luwuno mia anu mpebungkui Komiu ira mpohawe mokoko'ii; mia anu mepansia inso ndi Omiu ira mebinuri a awu wita, hangano dompebungkui Komiumo Ue, insoano uwoi anu tuwu.

Yeremia 31:17

Da hinao pomperorohia a oleo lembuiamu, kanandiomo pau-Do i Ue: nana'ote ira mpekule i witado.

Yeremia 31:6

Mentee ntu'u, ta hawe oleono nine luwuno anu mpodagai mpebooli i torukuno Eparai: Aiwamo tompewuatako i Sioni, ndi Ondae i Ue, Ue Alato!

Yeremia 50:28

Rongeo! Luwuno anu Mpolai ka mia anu mentola inso i wita Babeli aiwa mempauo i Sioni mongkona pombalo-Do i Ue, Ue Alato, pombaloa hangano Raha Mempori-Do.

Yeremia 51:10

Doweweuomo i Ue mengkaa luwuno menteeto; aiwamo tomentutuluo i Sioni wineweu-Do Ue, Ue Alato!

Yehesikieli 37:11

Pau-Do ndi ongkue, ”Hei anano mia, wuku andiodo onaemo luwuno suku Isaraeli. Mentee ntu'u, ondaedo mpotae: Luwuno wukumami mokariomo ka pomperorohiamami tampulaomo; te'otuomo tuwumami.

Hosea 2:15

Ia oleo atuu, kanandiomo pau-Do i Ue, Omue komoboi Aku: Tamaku, ka nami poboi Aku mbo'u: Baalaku!

Yoeli 3:16

Ondae i Ue mengaoli inso i Sioni, inso i Yerusale Dopoporongeo pepau-Do, langi ka tolino leelu. Sine Ondae i Ue onaemo pepekaduduiado bawaa-Do, bentedo to Isaraeli.

Mika 4:8

Omue mbo'u, hei Menara Pebawaano Bimba, hei Pongku Ana Beine Sioni, ndi omuemo ta hawe ka ta mekule poparentaa anu i ndi'ipua, poparentaa a Ana Beine Yerusale.

Nahumi 1:7

Ondae i Ue atuu moiko; mepekadudui i tempono masusaa; Doperio ira mia anu mepekadudui ndi Ondae

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

IBARANI 6:19

Pomperorohia atuu onaemo ladu anu moroso ka mokorodoo sumangato, anu pineladuakoomo hawe a bungkuno pelingo,