Sakaria 9:11 - Wunta Mempori

¹¹ Mongkona omue, hangano rea pedandia-Ku saru omue, Aku motola ira miamu anu mentinaha inso a ngkineke anu nahina uwoi.

Sakaria 9:11 ပူးပေါင်းရင်းမြစ်များ

2 Samueli 13:13

Isuamo kuwawao rupaku? Omue ko kinita kana mia anu mosa'o i Isaraeli. Gagi pauako iramo mokole, manasa ira koa uminduo meweengako aku ndi omue.”

2 Tawarika 7:17

Kanatuumo tewala omue tuwu i aro-Ku mengkena kana i Daudi, amamu, ka moweweu menunu saru luwuno anu Kuparentaakomu, saru mekariao luwuno pompakosi ka atora-Ku,

Ayubi 33:30

mokuleo penaano inso a ngkekeno kaburu, ranta ka ipokomewineo wanta tuwu.

Po'unde-unde 30:3

Ue, Ue Alaku, ndi Omiu kupebooli mepetulungi, ka Ipokotompa akumo.

Po'unde-unde 40:2

Tedoa aku sumisikori Ira i Ue; ka Do'amba mewolili ka rumongeo pebooliku mepetulungi.

Po'unde-unde 69:33

Po'ineeomo ikitao mia anu me'urumako ka ipo'unde; omiu anu umungke Ira Ue Ala, po'ineeomo ka iwali moroso aroamiu!

Peluarakoa 24:8

Ka i'amba i Musa umalao rea atuu, ka itawisiako ira bawaa ka ipotae, ”Ndiomo rea pedandia anu pinokoroso-Do i Ue saru omiu, me'empehiako luwuno songka-Do.”

Yesaya 24:22

Ondae ira mepinumpu mperonga-ronga, kana mia tinaha wininso a laro ngkeke; ondae ira mewininso a laro torungku ka ta hinuku umarino tempo anu tehine.

Yesaya 42:22

sine ondae asa tongku anu pinomuru ka rinontu, luwudo ntekonta a laro ngkineke ka mewinuni a laro raha po'ukoa; ondae megagi pomurua ka nahina anu motola ira, ka gagi rontua ka nahina anu motae, ”Pokuleomo!”

Yesaya 42:7

ka mowile mata anu morawu, ka moluarako mia hinuku inso a ntorungku ka luwuno mia anu mpentoro a wongi-wongiano inso a raha po'ukoa.

Yesaya 49:9

ka domempinauako mia anu nte'uko: Peluarakomo! a mia anu mekongko a laro wongi-wongi: Aiwamo! A luwuno sala tinondado mpohawe ira tonga mpada, ka maupo a luwuno pongku londa tepatinda pada pompakambia.

Yesaya 51:14

Onae anu pinanga tepongu ta ronga pinotola; onae nahi ta mate metii a laro ngkaburu ka nahi ta makura ngkaanga.

Yesaya 58:12

Terawo-rawo anu tehineomo ntu'u kowali wanguo ka pundasi anu ninaado hadio inule kowali mokomoikoo. Omue kopinau ”anu mokomoikoo rere watu anu telompa”, ”anu mokomoikoo sala ka luwuno pinokompo'ianga”.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yeremia 38:6

Dome'alao i Yeremia ka domewinsoo a laro nsumuruno i Malikia, ana ntamano mokole, anu kongko a kintala podagaia atuu. Ondae mpotiiakono koloro i Yeremia. A nsumuru atuu nahina uwoi, butu rege, ka i Yeremia tensawo a laro rege atuu.

Danieli 2:29

Kontongaamiu ueku a mpoturia, oo ueku mokole, me'umbaakoomo pinewowolomiu mongkona hapa anu ta gagi lembuino. Ondae anu mosabao luwuno rahasia pauakomiumo ueku hapa anu ta gagi.

I MATIU 26:28

Hangano onaemo andio rea-Ku, rea pedandia, anu inuwuako hadio mia gagi po'onini hala.

I MARAKUSU 14:24

Ka Dopotaeako Ira: ”Ndiomo rea-Ku, rea pedandia, anu inuwu tiado Mia hadio.

I LUKASI 16:24

Ka i'amba mebooli, ipotae: Ama Burahima, ipehohawa akumo. Tenaomo i Lasaru, ka i'emoo untu wunga ngkaeno a uwoi ka ipokomoriniakune eloku, hangano tedoa aku mompemahaki a laro langano api andio.

I LUKASI 22:20

Kanandio koa mbo'u Doweweuo umarido mpongkaa, Do'alao tonde ka Dopotae, ”Tonde andio pedandia wo'ohu hangano rea-Ku, anu ime'inuwuako.

I LUKASI 4:18

”Penaa-Do i Ue kongko ndi Ongkue, hangano Do'urapi Akumo, ka Kupohaweo lele moikono tuwua a luwuno mia memongkokolaro; ka Dotena Akumo

1 KORINTI 11:25

Kanandio koa mbo'u Do'alao tonde, umari-Do mongkaa, ka Do'amba motae, ”Tonde andio onaemo pedandia wo'ohu anu tinondoniako rea-Ku; imeweweuomo andio, sompo ime'inuo, gagi rorambe-Ku!”

Winali 5:31

Sine omue, pentademo i ndi'ai saru Ongkue. Aku pauakomu luwuno parenta, onaemo pompakosi ka atora anu asalakono kau paguruako ira, ka domeweweuo i wita anu Kuweeako ira ka dompe'ueo.”

IBARANI 10:2

Hangano tewala ipolio, manasa mia nahi ira mpompesombaako mbo'u pesomba, hangano ondae anu meweweuo pesomba atuu nami dompokoto'orio mbo'u halado umarido mempinokomempori pohona ranta nahina tampulaano.

IBARANI 10:29

Tedoaopo lalu mobea pohuku anu asalakono ipinoweeako, anu lumolanda Ira Ana-Do Ue Ala, anu tumuduo mokoburu rea pedandia anu mokomemporio, ka anu mokongkodei Ira Penaa pe'aroa?

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

MENGKAAA 20:3

ka i'amba metadiakono a laro wingke matea, ka tumondoo wingke matea atuu ka tumondonio i wawono, ka si popo'oo ira mbo'u tongku, se'eluno napi tampula tempo asa nsowu ta'u atuu; ka i'amba umarino atuu onae ta motolao sarai.