Sakaria 9:10 - Wunta Mempori

¹⁰ Onae ta mokotampulao kareta inso i Eperai ka ngara inso i Yerusale; pana mpetea ta pinokotampula ka onae ta paleleo manangai a luwuno tongku. Wita pinabawaino ta tewile malua inso a ntahi hawe a ntahi ka inso a Ngkoro Eparata hawe a luwuno tompano tolino.

Sakaria 9:10 ပူးပေါင်းရင်းမြစ်များ

1 Mokole 4:21

I Salomo pabawaio luwuno poparentaa mompu'u inso i Koro Eparata hawe a witado to Pelisiti ka hawe a ntida wita i Masiri. Ondae mpowawa peki'ue ka mpetenunu ndi Salomo asa ntinuwudo.

Po'unde-unde 72:17

Po'ineeomo neeno ka ipo'ia mpiha, po'ineeomo neeno ka itepahe teto'ori i larono oleo metanggolili. Po'ineeomo luwuno tongku mambe ronso a neeno, ka mpotaeakono me'ura.

Po'unde-unde 72:3

Po'ineeomo luwuno torukuno mpowawa manangaiano tongku, ka luwuno pongku mpowawa menteea!

Po'unde-unde 85:8

Ipopokitaakamimo pompehohawa-Miu anu nahi bali, oo Ue, ka Itulungi kamimo!

Po'unde-unde 89:26

Aku weweuo kaeno pabawaio tahi, ka kae ngkoanano pabawai ira korono.

Yesaya 11:10

I tempo atuu tumba inso a mpu'uno i Isai ta mentade gagi banderado tongku; onae ira me'ungkeo sukuno tongku ka po'iangano ta gagi maramba.

Yesaya 2:4

Ira bitarao luwuno tongku ka putusio kara-karano hadio sukuno tongku. Ira melabuo luwuno ponaido gagi mata mpadeko ka kansaido gagi piso ponsewo; tongku nahi ira mpontande mbo'u ponai mo'ewai tongku susua, nahi ira mpepaguru mbo'u mpetea.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 60:12

Mentee ntu'u, tongku ka poparentaa anu nahi behe metenunu ndi omue ta tampula; luwuno tongku atuu ira mepingko mempinepate.

Hosea 1:7

Sine Aku mehohawao suku Yehuda ka kumadudui ira a nee-Do i Ue, Ue Alado. Aku kumadudui ira komba mompake pana ke ponai, parewa mpetea ke ngara ka sorodadu mpengara.”

Hosea 2:18

Aku mokogagiko beine-Ku ranta nahina tampulaano ka Aku kumombiako a laro menteea ka moleoa, a laro mpetenunu ka pompehohawa.

Hosea 2:20

Ia oleo atuu Aku merorongeakono, kanandiomo pau-Do i Ue, Aku merorongeakono langi, ka langi ta merorongeakono tolino.

Mika 4:8

Omue mbo'u, hei Menara Pebawaano Bimba, hei Pongku Ana Beine Sioni, ndi omuemo ta hawe ka ta mekule poparentaa anu i ndi'ipua, poparentaa a Ana Beine Yerusale.

Mika 5:4

Onae ta gagi rodoa. Tewala to Asuri mpewinso a witato ka mpewinsokio luwuno benteto, kita mpontiso opitu puu mpopakambi umewaio, maupo oalu petewawado palili.

Mika 5:9

Ia tempo atuu, kanandiomo pau-Do i Ue, Aku mokotampulao luwuno ngaramu inso i olomiu ka merawo-rawoo luwuno karetamu.

Hagai 2:22

”Pauakonomo i Serubabeli, petewawa i wita Yehuda, kanandio: Aku lumeluo langi ka tolino

WINEWEUDO TINENA 10:36

Onaemo atuu pau Dopetenaako mohaweo a nto Isaraeli, onaemo pau anu mompalele rodoa hangano Ondae i Yesu Kerisituu, anu Ondaemo Uedo luwuno mia.

2 KORINTI 5:18

Ka luwuno andio inso ndi Ondae Ue Ala, anu mesala ndi Ondae i Kerisituu mpesintuwu kitamo saru Ondae ka anu meweengakonomo pekakaakoano pesintuwua atuu ndi omami.

2 KORINTI 5:20

Gaagi omami andio onaemo tinena-Do i Kerisituu, kana Ondae Ue Ala patudu komiu mesala ndi omami; a nee-Do i Kerisituu kime'emao ndi omiu: imesintuwumo saru Ondae Ue Ala.

Winali 11:24

Sompo po'ianga anu linandano pele ngkarumiu, omiumo anu mpe'ueo. Mompu'u inso i pada one hawe i torukuno Libano, ka inso a ngkoro Eparata, hawe a ntahi i sumooano oleo, ta gagi witamiu.

MENGKAAA 11:15

Ka i'amba mala'eka anu ko'opitu puurio tawuwuano, ka terongeomo luwuno suara meroku i laro nsuruga, motae, ”Poparentaa i wawontolino Do'inio Ueto ka Ondae anu inurapi-Do, ka Ira momparenta gagi mokole ranta nahina tampulaano.”