Sakaria 8:8 - Wunta Mempori

⁸ Aku wawa ira mpekule, ka dompo'ia i tonga-tongano Yerusale. Ka ondae mbo'u ira megagi bawaa-Ku ka Ongkue ta gagi Ue Alado a laro mpetenunu ka menteea.”

Sakaria 8:8 ပူးပေါင်းရင်းမြစ်များ

Tegagia 17:8

Ndi omue ka a inulemu Kupeweengakono luwuno wita Kana'a, wita anu upo'iangario andio gagi mia hawe, gagi tiamu ranta nahina tampulaano; ka Ongkue gagi Ue Alado.”

Yeremia 11:4

anu Kuparentaako iramo uempu'umiu i tempono Kuwawa ira mpeluarako inso i wita Masiri, inso a awu pompokolonoa labu. Pau-Ku: Rongeomo pinau-Ku ka weweuomo luwuno anu Kuparentaakomu, asalakono kogagi bawaa-Ku ka Ongkue gagi Ue Alamu.

Yeremia 23:8

tendeano: Hangano Ondae i Ue anu tuwu anu montaate ka wawa ira inuledo suku Isaraeli mpeluarako inso i wita utara ka inso a luwuno wita ba isua Dosiarawo iramo! Ka do'amba mpo'ia i witado ondaedo.”

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 30:22

Ka komiu megagi bawaa-Ku, ka Ongkue gagi Ue Alamiu.”

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Yeremia 32:41

Hangano ondae ta mawongko aroa-Ku moweweu moiko ndi ondae. Aku weweu ira mentuwu mpetenunu i wita andio, tompaano aroa-Ku ka tompaano sumanga-Ku.

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yehesikieli 11:20

Kanandio ondae ira mentuwu montonda luwuno pompakosi-Ku ka mpe'ini a luwuno atora-Ku saru meweweuo. Ka ondae ira megagi bawaa-Ku ka Ongkue gagi Ue Alado.

Yehesikieli 36:28

Komiu mpo'ia i wita anu Kuweeako iramo uempu'umiu. Komiu megagi bawaa-Ku ka Ongkue gagi Ue Alamiu.

Yehesikieli 36:33

Kanandiomo pau-Do Ue Ala: A oleo Kupokomorina komiu inso a luwuno salamiu, Aku weweuo luwuno kota pino'iangario mbo'u ka luwuno anu tekale-kale wali winangu.

Yehesikieli 37:25

Ira mpo'ia i wita anu Kuweeakono tetenaa-Ku i Yako, i sua dompo'ia uempu'udo. Ondae saru luwuno anado maupo ana'ue ka ana'ue ntukodo ira mpo'ia i ra'ai ranta nahina tampulaano ka tetenaa-Ku i Daudi gagi mokoledo ranta nahina tampulaano.

Yehesikieli 37:27

Po'ianga-Ku mbo'u ta kongko ndi ondae ka Aku gagi Ue Alado ka ondae gagi bawaa-Ku.

Hosea 11:11

kana manu-manu anu mondidi-ndidi hawe inso i Masiri, ka kana marapatii inso i wita Asuri, ka Ku'amba numaa ira mbo'u a luwuno rahado, kanandiomo pau-Do i Ue.

Yoeli 3:20

Sine Yehuda pino'iangi mpiha ranta nahina tampulaano ka Yerusale a luwuno inule.

Imama 26:12

Sine Aku kongko i tonga-tongamiu ka Aku gagi Ue Alamiu ka omiu megagi bawaa-Ku.

Sakaria 10:10

Aku wawa ira mpekule inso i wita Masiri, ka inso i Asuri Aku pumpu ira. Aku wawa ira i wita Gileadi ka i Libano, ranta nahina mbo'u po'iangado.

Sakaria 10:6

Aku mokomorosoo suku Yehuda, ka Aku kumaduduio inuleno i Yusupu. Aku mokomoikoo tuwudo, hangano Kupehohawa ira. Ondae ira megagi kana nahi Kuhori tumempu ira, hangano Ongkuemo Ue, Ue Alado, ka Aku sumangki ira.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.

MENGKAAA 21:7

Ba isema monangi, onae ta humaweo luwuno andio, ka Aku gagi Ue Alano ka onae ta gagi ana-Ku.