Sakaria 8:3 - Wunta Mempori

³ Kanandiomo pau-Do i Ue: Aku mekule i Sioni ka Aku mo'ia i tonga-tongano Yerusale. Yerusale ta pinau Kota Metenunu, ka torukuno-Do Ueno luwuakoano ta pinau Torukuno Mempori.

Sakaria 8:3 ပူးပေါင်းရင်းမြစ်များ

Po'unde-unde 2:6

”Ongkuemo anu motoroo mokole-Ku i Sioni, torukuno-Ku anu mempori!”

Po'unde-unde 48:1

Penani. Penani po'unde-undedo inuleno i Kora.

Peluarakoa 29:45

Aku mo'ia i olodo to Isaraeli ka Aku gagi Ue Alado.

Yesaya 1:21

Adoo, kota anu i ndi'ipua metenunu kanandio-andio gagiomo belesu! Hieno buke moleoa, menteea mo'ia i larono, sine kanandio-andio bukeako puu pompepate.

Yesaya 1:26

Aku mokule ira puu mpobitaramu kana i ndi'ipua, ka luwuno puu pompatudu kana se'eluno. Umarino atuu omue konineeako kota moleoa, kota anu metenunu.”

Yesaya 11:9

Nahina anu ta moweweu mosa'o ke anu mosa'o peleluno a luwuno torukuno-Ku anu mempori, hangano asa wawontolino bukeako ponto'ori ndi Ondae i Ue, kana montutuwi tahi malua.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 32:16

Moleoa ta mo'ia i pada one, menteea ta mo'ia mpiha a lere wua mpinopaho.

Yesaya 60:14

Luwuno anado mia anu mokonsiiko ira me'aiwa mpetuundu ndi omue, ka luwuno mia anu mepaukiakomu ira mpenggolontu mpesomba a pelengkarumu; Ira mempauko ”kota-Do i Ue,” ”Sioni, tia-Do Anu Tedoa Mempori, Ue Alado to Isaraeli.”

Yesaya 65:25

Serigala ka ana bimba ira mongkaa ewo meronga-ronga, singa ta mongkaa seami kana sapi ka ule ta tuwu inso a pampawu. Nahina anu moweweu mosa'o ke mogau mokoburu a luwuno torukuno-Ku,” pau-Do i Ue.

Yesaya 66:20

Ira mewawao luwu pepaekompomiu inso i olodo luwuno tongku gagi pesomba tia-Do i Ue a wawo ngara ka kareta ka a wawo ponsela, a wawo bagali ka unta waino anu magasi, a wawo ntorukuno-Ku anu mempori, lumako i Yerusale, pau-Do i Ue, mengkena kana to Isaraeli mpowawa pesomba a mponaapa anu mempori a laro raha-Do i Ue.

Yesaya 8:18

Menteeano, ongkue ka nana'ote anu Doweeakunemo i Ue onaemo petondoni ka pepopoto'ori i olodo to Isaraeli inso ndi Ondae Ueno luwuakoano anu mo'ia a ntorukuno Sioni.

Yeremia 14:9

Tembio ka Ikana mia bulalingo, kana puu mpetea anu nahi polio montulungi? Sine, Omiu kongko i olomami, oo Ue, ka omami pinau montonda nee-Miu. Si binta kami!”

Yeremia 26:18

”I Mika, to Moreseti, horio mompau anu ta gagi i tempono i Hisikia, mokoledo to Yehuda. Onae mepau a luwuno tongku Yehuda: Kanandiomo pau-Do Ueno luwuakoano: Sioni ta pinadeko kana lere; Yerusale ta gagi howuno anu terawo ka torukuno Raha Mempori ta gagi po'ianga pompesombaia anu mentobu.

Yeremia 31:23

Kanandiomo pau-Do Ueno luwuakoano, Ue Alado to Isaraeli, ”Mia ira mempauo mbo'u pau andio i wita Yehuda ka a luwuno kotano, tewala Kupomuleomo teweweudo: Po'ineeomo ka Doronsoko i Ue, hei po'iangano menteea, hei torukuno anu mempori!

Yeremia 33:16

I tempo atuu Yehuda ta pinotola, ka Yerusale ta tuwu rodo. Sarumo andio mia meneeakono: Ondae i Ue moleoato!

Yehesikieli 48:35

Gaagi, limbuno kota atuu hopulu ka oalu nsowu hiku. Mompu'u oleo atuu neeno kota atuu: Ondae i Ue kongko i tu'ai.”

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Yoeli 3:17

”Ka komiumo mento'orio nine Ongkuemo Ue Alamiu, anu mo'ia i Sioni, torukuno-Ku anu mempori. Yerusale ta gagi mempori, ka luwuno mia hawe nahi ira ntelaloio mbo'u.

Yoeli 3:21

Aku mombaloakono reado anu napi Kupombaloakono; Ondae i Ue mo'ia i Sioni.”

Mika 4:1

Ta gagi a luwuno oleo pokotompa: Torukuno raha-Do i Ue ta mentade lumaloio punsuno luwuno torukuno ka kontasi-tasi mantande i wawono luwuno pongku; luwuno tongku ira mpetonda-tonda raane,

Sepanya 3:13

Toreano to Isaraeli atuu nahi ira mpoweweu anu mosa'o. Nahi ira mpegaupi ka a laro ngangado nahi ta hinawe elo pompopo'oo. Mentee ntu'u, ondae ira mengkana bimba anu mpongkuri ewo ka mpepombole nahina anu monsosanggoli.”

Sakaria 1:16

Onaemo pu'uno, kanandiomo pau-Do i Ue, Aku wali mehohawao Yerusale. Raha-Ku ta pinontade mbo'u i ra'ai, kanandiomo pau-Do Ueno luwuakoano, ka koloro posongka ta pinadindi mbo'u i Yerusale.’

Sakaria 12:6

I tempo atuu Aku weweu ira luwuno petewawa suku Yehuda kana polu me'api i tonga-tongano howuno keu ka kana pansona me'api i tonga-tongano howuno tonggino gandu. Api ko'oruano ta kumaano luwuno tongku petengi-tengino, i koana ka i manggali. Sine Yerusale lembuino ta kongko mpiha a mpo'iangano, i Yerusale.

Sakaria 14:10

Luwuno wita andio ta bali gagi kana lembono, inso i Geba hawe i Rimoni i selatano Yerusale. Sine kota andio ta kontasi-tasi ka kongko mpiha a mpo'iangano, inso a mpewowa langkai Benami hawe a mpo'iangano pewowa langkai tese'elu, onaemo pewowa langkai Siuno, ka inso a menara Hananeeli hawe a mpopuro'ia anggorodo mokole.

Sakaria 8:16

Ndiomo luwuakoano anu asalakono komiu meweweuo: Impepaumo tementee a mpe'asa miamiu ka impoputusimo songka anu moleo, anu mompokomanangai, a luwuno pewowa langkaimiu.

Sakaria 8:19

”Kanandiomo pau-Do Ueno luwuakoano: Tempo puasa a wula ko'opaa, wula ko'olima, wula ko'opitu ka wula kohopulu ta gagi po'undea ka mawongko ka gagi luwuno tempo porame-ramea anu mokomawongko ira suku Yehuda. Onaemo pu'uno kekewoiomo menteea ka sintuwu!”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

KOLOSE 2:9

Hangano i laro-Domo ipo'ia montonda koroi luwuno bukeano pe'Ue Alaa,

MENGKAAA 21:10

Ka i'amba a laro penaa iwawa aku a wawo aasa torukuno anu langkai ka ondau ka itisoakune kota anu mempori atuu, Yerusale, metii inso i suruga, inso ndi Ondae Ue Ala.

MENGKAAA 21:27

Sine nahi ta mewinso i larono hapamo koa anu mokoburu, ke mia anu moweweu mokoburua ke megaupi, sine butu ondae anu needo teburi a wunta tuwua-Do Ana Bimba atuu.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.