Sakaria 7:9 - Wunta Mempori

⁹ ”Kanandiomo pau-Do Ueno luwuakoano: Polempaomo songka anu mentee ka popokitaomo petenunu ka pompehohawa a mpe'asa miamu!

Sakaria 7:9 ပူးပေါင်းရင်းမြစ်များ

2 Samueli 9:7

Motae i Daudi ndi onae, ”Sii doito, nde ongkue asalakono aku mopokitao pompehohawaku ndi omue hangano amamu i Yonata. Aku mokuleo ndi omue luwuno lereno uemu i Saulu, ka omue, kowela mongkaa meronga saru ongkue.”

Ayubi 31:20

ka anu aroa nahi po'emaakune ronso, hangano koroino nahi pesangkaako wulu bimbaku;

Ayubi 6:14

Isema umontoo pompehohawa a mpe'asa miano, nahi doitoako Ira Anu Tedoa Pabawa.

Powadi 21:3

Moweweu menteea ka moleoa Dopemoikoopo i Ue sekonopo pesomba.

Yeremia 21:12

”Kanandiomo pau-Do i Ue, hei inuleno i Daudi: Putusiomo songka anu moleo sompo mo'oru, potolaomo anu rinontu inso a ngkaeno anu bobarasaio, ka si tensilano tekuda-Ku montiu kana api ka tensila nahi pinokompepate, hangano luwuno wineweumiu anu mosa'o!

Yeremia 22:3

Kanandiomo pau-Do i Ue: Weweuomo moleoa ka menteea, potolaomo anu rinontu inso a ngkaeno anu bobarasaio. Si pompokonsii ka si bobarasai ira mia mehawe, nana'ote nahina amano ka tuwu beine, ka si mbo'u po'uwu reano mia nahina salano a mpo'ianga andio.

Yeremia 7:23

Butu koa onae ndio anu Kuparentaako iramo: Perorongeakonomo pau-Ku, asalakono Aku gagi Ue Alamiu ka omiu gagi bawaa-Ku, ka tondaomo luwuno sala anu Kuparentaakomiu, ka imoiko tumuwumiu!

Yeremia 7:5

Tewala mentee ntu'u impokomoikoo pelelumiu ka mentee ntu'u imeweweuo moleoa a mpe'asa miamiu,

Yehesikieli 18:8

nahi pompowee saru mo'ema bungano doi ke mo'ala tiangino, moko'olaio koroino inso a molengkua, weweuo songka anu mentee i olono mia saru mia,

Yehesikieli 45:9

Kanandiomo pau-Do Ue Ala, ”Sompoomo, hei luwuno mokoledo to Isaraeli, impoko'olaiomo pobobarasaia ka pompokonsiia, sine weweuomo moleoa ka menteea. Impenaa-naamo mporontu wita tiado bawaa-Ku, kanandiomo pau-Do Ue Ala.

Hosea 12:7

Omue asalakono pepokule ndi Ondae Ue Alamu, pekariaomo petenunu mompehohawa ka moleoa, ka sikori Iramo mpiha Ue Alamu.

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

Amosi 5:24

Sine laluopo moleoa mekalu-kalulu kana uwoi ka menteea kana uwoi korono anu waa mpiha.”

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

Sakaria 7:7

Kombake onaemo atuu pau anu Dopohaweomo i Ue telalo a luwuno nabi anu i ndi'ipua, tempono Yerusale saru luwuno kota petengi-tengino da dompo'iangario mia ka rodo, ka Wita Nege saru Sepela da pino'iangario mbo'u?”

Sakaria 7:8

Pau-Do i Ue hawe mbo'u ndi Sakaria, kanandio,

I MATIU 23:23

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano tia hopuluno solasi, adasi mo'ahi ka jinta ime'owahio, sine anu lalua a songka Taura nahi mentondao, onaemo: moleoa ka pompehohawa ka petenunu. Anu aasa asalakono ka iwineweu ka anu mehano si mpebungkuio.

I LUKASI 11:42

Sine memasola komiumo, hei to Parisi, hangano ime'owahio tia hopuluno solasi, timbowane ka luwuno rupano inahu, sine nahi impebungkuio moleoa ka pompehohawa-Do Ue Ala. Anu aasa asalakono wineweu ka anu susua si mpebungkuio.

I YOHANE 7:24

Si mpobitara montonda hapa anu tengkita, sine impobitaramo a moleoa.”

I YOHANE 7:51

”Nde ihukuo songka Tauratoke asa mia, se'eluno napi rinonge ka se'eluno napi domento'orio mia hapa anu Doweweuomo?”

Winali 22:1

Tewala imengkitao sapi ke bimbano pepaekompomiu tola, si mpo'onde-onde nahi mento'orio. Asalakono impokuleo a mpepaekompomiu atuu.