Sakaria 7:5 - Wunta Mempori

⁵ ”Pauako iramo luwuno palili ka a luwuno sando mpesomba, kanandio: Tempono imempuasa ka mposabangi a wula ko'olima ka ko'opitu i larono pitu pulu nta'u andio, nde mentee ntu'uke omiu mempuasaa-Kune?

Sakaria 7:5 ပူးပေါင်းရင်းမြစ်များ

2 Mokole 25:23

Luwuno tadulako sorodadu saru luwuno miano merongeo nine i Gedalia dopotoroomo mokole i Babeli. Ka i'amba luwudo, onaemo i Isumaeli anano i Netania, i Yohanani anano i Kareahi, i Seraya anano i Tanahumeti, to Netopa atuu, ka i Ya'asania, anano asa to Ma'aka, melako i Misipa tepohaweakono i Gedalia.

2 Mokole 25:25

Sine ia wula ko'opitu haweomo i Sumaeli anano i Netania anano i Elisama, asa mia ulea mokole ka hopulu mia perongano. Dompepateo i Gedalia, luwuno to Yehuda ka to Kasidimi anu kongko saru onae i Misipa.

Yesaya 43:23

Nahi upowawa bimba pesomba tinunumu ndi Ongkue, ka nahi upelangkaia-Kune pesomba sinumbelemu. Nahi Kupopotembiakomu pesomba kaanga ke mokomokendoakomu dupa.

Yesaya 58:3

”Tembio omami mempuasa ka Omiu nahi pekokoongakono? Tembio omami mpe'urumako ka Omiu nahi perioo?” Menteeano, a oleo puasamu omue da kongkomu umanggao anggaamu, ka ipokonsii ira luwuno anu mpo'anggaakomu.

Yeremia 25:11

Luwuno wita andio ta gagi rawono ka boni-boni. Luwuno tongku andio ira megagi atano mokole i Babeli pitu pulu nta'u tehineno.

Yeremia 29:10

Mentee ntu'u kanandiomo pau-Do i Ue: Tewala sompoomo pitu pulu nta'uno Babeli, ka Ku'amba aiwa kumita komiu. Aku umihiio dandi-Ku ndi omiu saru mokule komiu a mpo'ianga andio.

Yeremia 52:12

A ntanggala hopulu wula ko'olima, ta'u kohopulu ka osio poparentaano i Nebukanesa, mokole i Babeli, haweomo i Yerusale i Nebusaradani, petewawa sorodadu podagai mokole, anu mekakaakono mokole i Babeli.

Danieli 9:2

a nta'u amba-ambano poparentaano atuu, ongkue, i Danieli, mepenteeo a Wunta Mempori porokono ta'u anu montonda pau-Do i Ue ndi Nabi Yeremia ta gagi a nterawo-rawono Yerusale, hadiono pitu pulu nta'u.

Hosea 7:14

Nahi dompebooli ndi Ongkue inso i aroado, tendeano mperaaliki a mpepomboleado. Domensosorekio koroido hangano gandu ka anggoro, ka dome'ewai Aku.

Sakaria 1:12

Sumangki Mala'eka-Do i Ue, ipotae, ’Oo Ueno luwuakoano, hawe te'ipia mbo'u nahi Ipehohawao Yerusale ka luwuno kota Yehuda anu Itekudaako iramo i larono opitu nta'u andio?’

Sakaria 7:3

ka dompesikenoakono a luwuno sando mpesombano raha-Do Ueno luwuakoano ka a luwuno nabi, kanandio, ”Asalakonoke ka kimpengese ka mpomalia a wula ko'olima kana anu kimeweweuomo i larono mapata'u-ta'u?”

Sakaria 7:4

Haweomo pau-Do Ueno luwuakoano ndi ongkue,

Sakaria 7:6

Tempono impongkaa ka tempono impo'inu, kombake impongkaa ka mpo'inu tiano koroimiu omiu-miu?

Sakaria 8:19

”Kanandiomo pau-Do Ueno luwuakoano: Tempo puasa a wula ko'opaa, wula ko'olima, wula ko'opitu ka wula kohopulu ta gagi po'undea ka mawongko ka gagi luwuno tempo porame-ramea anu mokomawongko ira suku Yehuda. Onaemo pu'uno kekewoiomo menteea ka sintuwu!”

I MATIU 23:5

Luwuno anggaa anu mewineweudo butu tinoodo ka domengkitao mia; mpopokona ira peboo pekakaido anu molue ka wuakino lemba anu meloe;

I MATIU 6:16

”Ka tewala mempuasa komiu, si mpopokitao rupamiu mompemasusa kana mia mo'onde-onde. Domebalio rupado, ka domengkitao koa mia nine kontongaado mempuasa. Kupauakomiu: Menteeano mpohawe iramo tambodo.

I MATIU 6:2

Gagi tewala komompowee anu mentee, si paleleo mongkona atuu, kana anu wineweudo mia mpo'onde-onde a luwuno raha tepumpua ka a luwuno sala kodei, ka dome'unde-unde ira mia. Kupauakomiu: Menteeano mpohawe iramo tambodo.

I MATIU 6:5

”Ka tewala komiu mpekakai, si mpekakai kana mia mpo'onde-onde. Inehedo mempauo pekakaido saru mpentade a laro raha tepumpua ka a ntepotowoano sala langkai, ka domengkita ira mia. Kupauakomiu: Menteeano mpohawe iramo tambodo.

1 KORINTI 10:31

Sumangki aku: Tewala mongkaako ke mo'inu, ke tewala hinao wineweumu anu susua, weweuomo luwuno atuu melangkai Ira Ue Ala.

2 KORINTI 5:15

Ka Ondae i Kerisituu mate Iramo tiado luwuno mia, ka ondae anu mentuwu, nahi domentuwu mbo'u tiano koroido ondaedo, sine tia-Do, anu mate Iramo ka winangu Iramo hangano ondae.

KOLOSE 3:23

Hapamo koa anu wineweumiu, imeweweuomo tompaano aroamiu kana tia-Do i Ue ka komba tiano mia.