Sakaria 7:14 - Wunta Mempori

¹⁴ Onaemo pu'uno Kusiarawoako ira angi lompiu i olodo luwuno tongku anu nahi domento'orio. Sa'umarino wita atuu gagi boni-boni, ranta nahina anu wela telalo i ra'ai. Kanandiomo domeweweuo wita anu tekosi atuu gagi po'ianga anu boni-boni.”

Sakaria 7:14 ပူးပေါင်းရင်းမြစ်များ

2 Tawarika 36:21

Bakanandio te'ihiiomo pau-Do i Ue anu pinauno i Yeremia, ranta wita atuu umariomo lumaloo luwuno ta'u Sabano. Wita atuu asalakono pino'inee londa i larono luwuno ta'u saba atuu, ranta sompoomo pitu pulu nta'u.

Po'unde-unde 58:9

Po'ineeomo domengkana uho anu gagi meraa, kana anadalo anu te'onini anu nahi kitao mata'oleo.

Yesaya 17:13

Ondae me'u'uru kana u'uruno uwoi anu langkai, sine Ondae anu wurarai ira ranta ka dompolai olai, linulu kana kulino pae a ntorukuno iluluo pepuurino angi ka kana ota iluluo lompiu.

Yesaya 21:1

Pau-Do anu pabawa a ”Mpada One i Wiwi Ntahi.” Kana lompiu sumapoio Wita Nege, kanatuumo haweno inso i pada one, inso a wita anu mongkokodoito.

Yesaya 60:15

Gagi euno teweweumu i ndi'ipua, tempono ka ubininta, ino'aliaako, ka nahina telalo maupo te'asa mia, kanandio-andio Aku weweuko gagi po'undea nahina balino, gagi mawongkoako mapa'api-api inule.

Yesaya 66:15

Menteeano, Ondae i Ue Ira hawe saru api, ka luwuno kareta-Do kana lompiu, motiio tekuda-Do anu tensila ka pewurarai-Do saru api anu kolanga-langa.

Yeremia 12:10

Hadio puu mpopakambi anu mensolangiomo lere anggoro-Ku, ka melolandao wita-Ku. Ondae meweweuo wita-Ku anu tekosi gagi pada one anu boni-boni.

Yeremia 23:19

Kitaomo, angi mokora-Do i Ue, tensilano tekuda-Do, meluarakoomo, pewolilino lompiu umaluo uludo mia mosa'o gaudo.

Yeremia 30:23

Kitaomo, angi mokora-Do i Ue, tensilano tekuda-Do, meluarakoomo; pewolilino angi lompiu umaluo uludo mia mosa'o gaudo.

Yeremia 36:19

Ka do'amba mpotae mia pinemota'u atuu ndi Baruki, ”Lakomo pewuni, omue ka i Yeremia! Si hina maupo te'asa mia tumo'orio ba isua ipo'ia.”

Yeremia 44:6

Onaemo pu'uno, mokulano tekuda-Ku ka mosa'ono aroa-Ku te'uwuomo ka sumongkoo luwuno kotano Yehuda ka luwuno sala i Yerusale, ranta ka igagi terawo-rawo ka po'ianga anu londa kana kanandio-andio.

Yeremia 5:15

Menteeano, Aku tumenao asa tongku inso a olaiano umewai komiu, hei suku Isaraeli, kanandiomo pau-Do i Ue, asa tongku anu moroso, asa tongku anu inso i ndi'ipua, asa tongku anu nahi uto'orio paudo, ka hapa anu pinaudo nahi uto'orio.

Yeremia 52:30

a nta'u korua pulu ka otolu tempono i Nebukanesa, winawano i Nebusaradani, petewawa sorodadu podagai mokole a pontadia, pitu etu pato pulu ka olima to Yehuda. Porokono luwuno pato nsowu ka nomo etu mia.

Yehesikieli 12:19

Pauomo a mpalilino wita andio: Kanandiomo pau-Do Ue Ala mongkona palilino Yerusale, i wita Isaraeli: Ira mengkaano kaangado saru aroa danggara ka me'inuo uwoi saru aroa moliro, ranta witado gagi boni-boni hangano ihino tampulaako pobobarasaia anu wineweudo luwuno anu mpo'ia i ra'ai.

Yehesikieli 22:15

Aku sumiarawoko i olodo luwuno tongku ka sumiarawoko a mperupa-rupa wita ka Aku umoninio mokoburuno koroimu.

Yehesikieli 5:10

Onaemo pu'uno, i olomiu ama ta kumaano anano ka ana ta kumaano amano. Aku modontaiakomu pohuku ka sumiarawoo luwuno anu tebinta inso ndi omue a luwuno siuno angi.

Danieli 8:9

Ka i'amba inso i olono asa tandu atuu me'umbaako tandu kodei anu gagi tedoa langkai te'aro i selata, te'aro i sabaano oleo, ka te'aro i Wita Tekosi.

Hosea 9:17

Ondae Ue Alaku ta tumadi ira, hangano nahi domperorongeako Ira, ira mpelakopi i olodo luwuno tongku.

Yoeli 2:3

I arono piingko ikaano api, i bungkuno langano api langkai. Wita i arono kana Bonde Paradesi, sine i bungkuno pada one londa, ka nahina anu tola inso ndi onae.

Imama 26:22

Aku mompotola ndi omiu kondehora mo'ila anu ta rumopu ira anamiu ka anu ta rumopuo pinotuwumiu, saru weweu komiu gagi tedei, ranta luwuno salamiu gagi boni-boni.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Amosi 1:14

Aku molangao api a rere watu Raba, ranta luwuno bente mo'ai luwu, tinondaako pohio i tempo peteaa, tinondaako opue i tempono melompiu.

Nahumi 1:3

Ondae i Ue atuu tedoa sabara ka langkai pabawa-Do, sine tedoa ntu'u nahi Dopotola ira mia mensala inso a mpohuku. Ondae i Ue melempa a laro lompiu ka angi mokora pelempa-Do ka seru onaemo awu a pelengkaru-Do.

Habaku 3:14

Omiu dumuhuakono ana mpanano onaeno petewawa sorodaduno, anu aiwa kana lompiu ta sumiarawoakune saru po'unde, kana-kana tewuni dompotele mia tepokonsii.

Sepanya 3:6

”Kupokotampula iramo tongku; luwuno menara a nsiuno ropuomo. Kuperawo-rawoomo luwuno salado, ranta nahina mia telalo. Luwuno kotado ropuomo, ranta nahina mbo'u mia ke palilino.

Sakaria 2:6

Hio, Hio! Pelulumo inso i Wita Utara, kanandiomo pau-Do i Ue, hangano te'aro a opaa mata angi Kusiarawo komiumo, kanandiomo pau-Do i Ue.

Sakaria 8:1

Haweomo pau-Do Ueno luwuakoano, kanandio,

Sakaria 9:14

Ondae i Ue Ira mepopokita ndi ondae, ka ana mpana-Do ta mompalari kana koliki. Ondae Ue Ala Ira puurio tawuwua ka lumako monsapoi a laro lompiu inso i selata.

Winali 28:33

Asa tongku anu nahi imento'orio ira mengkaano hasilino witamiu ka luwuno hasilino pe'iseiamiu; komiu wela mepinokonsii ka melinolanda.

Winali 28:49

Ondae i Ue Ira montenaakomiu asa tongku inso i olaiano, inso i tompano tolino. Tongku atuu kana rajawali anu montiu ka pauno nahi imento'orio.

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.

Winali 4:27

Ondae i Ue Ira tumia-tia komiu i olodo luwuno tongku, ka butu tedei komiu impo'ia i olodo luwuno tongku, ba isua Doliahako komiu i Ue.