Sakaria 7:10 - Wunta Mempori

¹⁰ Sii popokonsii tuwu beine ka nana'ote nahina amano, mia hawe ka mia mongkokolaro, ka si hina tinoo mosa'o i laro aroamu a mpe'asa miamu!”

Sakaria 7:10 ပူးပေါင်းရင်းမြစ်များ

Po'unde-unde 140:2

Ipotola akumo, oo Ue, inso a mia mpoweweu mosa'o, Idagai akumo inso a mia anu mompokonsii,

Po'unde-unde 21:11

Inuledo Komiu mepate ira inso i wawontolino, ka ana'uedo inso i olodo anano mia.

Po'unde-unde 36:4

Pau inso a ngangano butu mosa'oa ka pompopo'oo, nahi pelelu mbo'u pande mosongka ka moweweu moiko.

Po'unde-unde 72:4

Po'ineeomo ipokomorosoo moleoa tiano mia anu tepokonsii i olodo palili, tumulungi ira anado mia mongkokolaro, sine pirego ira anu mpompokonsii!

Peluarakoa 23:9

Si pokonsii ira mia mehawe, i mento'oriomo aroano mia hawe, nde maupo omiu ndi'ipua mia koa mbo'u mehawe i wita Masiri.

Powadi 3:29

Si posongka anu mosa'o a mpe'asa miamu, sekono onae nahina pinorerengkono ipo'ia saru omue.

Powadi 6:18

aroa anu weweuo luwuno sinongka anu mosa'o, karu anu ronga melulu te'aro a mosa'oa,

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 21:12

”Kanandiomo pau-Do i Ue, hei inuleno i Daudi: Putusiomo songka anu moleo sompo mo'oru, potolaomo anu rinontu inso a ngkaeno anu bobarasaio, ka si tensilano tekuda-Ku montiu kana api ka tensila nahi pinokompepate, hangano luwuno wineweumiu anu mosa'o!

Yeremia 49:11

Binta iramo anamu nahina amado, Ongkuepo motuwu ira; po'inee iramo tuwu beinemu mpomperorohi ndi Ongkue!”

Yeremia 5:28

gagi mewalo ka tekosi. Susuaano atuu dompo'ineeo poweweu anu mosa'o, nahi domperioo songka, nahi dompokonangio kara-karano nana'ote nahina amano, ka tiano mia mongkokolaro nahi dokorahakono.

Yeremia 7:6

tewala nahi imempokonsii ira mia mehawe, nana'ote nahina amano ka tuwu beine, nahi mpo'uwu reano mia anu nahina salano a mpo'ianga andio, ka nahi mpetonda a mpinesombai susua, anu sumolangi komiu,

Yehesikieli 18:12

mompokonsii mia marasai ka mongkokolaro, morontu, nahi pokuleo ginadeno mia, mo'aroo matano a luwuno lahumoa ka moweweu anu mokoburu,

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Yehesikieli 22:29

Palili i wita atuu mpo'ala anu komba tiado ka mporontu, mpompokonsii mia anu marasai ka mongkokolaro, saru songka nahi domperioo mpo'ala anu komba tiado a mia mehawe.

Yehesikieli 22:7

Luwuno ama ka ine i olomu pinokongkodei, ka i tonga-tongamu mia mpo'ala komba tiado a mia mehawe; nana'ote mbo'u anu nahina amano ka tuwu beine i olomu pinokonsii.

Amosi 4:1

”Rongeomo pau-Do i Ue andio, hei luwuno sapi Basani, anu mekongko i torukuno Samaria, anu pinokonsii mia molema, anu bobarasai ira mia mongkokolaro, anu mpotaeako ira tamamiu: wawaomo ramai, kato po'inu-inu!

Sakaria 8:17

Si mposongka mosa'oa i laro aroamiu a mpe'asa miamiu kasi moruana mpesumpa nahi mentee. Hangano luwuno atuu Ku'o'aliaakono, kanandiomo pau-Do i Ue.”

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 23:13

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imentondoo luwuno pewowano Poparentaa Suruga i arodo mia. Hangano omiu isa'a nahi mpewinso ka ime'onsoi ira anu mpopete'umala ira mpewinso. [

1 KORINTI 6:10

anu mponako, mia memodoko, mara molangu, anu momposebe ka anu mompopo'oo nahi ira mpohawe tia a laro Poparentaa-Do Ue Ala.

Winali 27:19

’Tetotonaaomo mia anu morontu tiano mia hawe, nana'ote nahina amano, ka tuwu beine.’ Luwuno tongku atuu asalakono mpotae, ’Ami!’

YAKOBU 5:4

Menteeano terongeomo pebooli meroku, hangano nahi ime'owahio tambodo mia anu mensowio hasilino leremiu, ka haweomo a biri-Do Ueno luwuakoano pompemasusado anu mponsewo hasilino leremiu.

1 YOHANE 3:15

Sompo mia anu mo'o'aliako pepaekompono, onaemo asa mia puu pompepate mia. Ka imento'orio, nine nahina te'asa mia puu pompepate anu kongko me'umbuo tuwua anu nahina tampulaano a ngkoroino.