Sakaria 4:7 - Wunta Mempori

⁷ Isemake omue, torukuno anu langkai? I arono i Serubabeli omue gagi wita melembo. Onae ta wawao watu moiko ntu'u tinondaako pebooli: Moiko ntu'u! Tedoa moiko!”

Sakaria 4:7 ပူးပေါင်းရင်းမြစ်များ

Esera 3:10

I tempono pondasino Raha Mempori-Do i Ue domeweweuo mia mpo'angga, luwuno sando mpesomba mpesangkaako sangka sando mpesomba ka mpowawa napiri, saru luwudo to Lewi inso a inuleno i Asapi mpowawa tawa-tawa kodei, umunde-unde Ira i Ue, montonda pontiso inso ndi Daudi, mokoledo to Isaraeli.

Po'unde-unde 114:4

Luwuno torukuno mpelonso-lonso kana bimba lakino, ka luwuno pongku kana ana bimba.

Po'unde-unde 114:6

hei luwuno torukuno, ranta ka impelonso-lonso kana bimba lakino, hei luwuno pongku, ranta ka imengkana anano bimba?

Po'unde-unde 118:22

Watu anu tinadido puu mpowangu gagiomo watu empehino siuno.

Po'unde-unde 84:11

Hangano moikoopo asa oleo a kintala-Miu sekonopo asa nsowu oleo a mpo'ianga susua; moikoopo kongko i arono pewowano raha-Do Ue Alaku sekonopo mo'ia a ngkemado mia mosa'o gaudo.

Yesaya 28:16

Onaemo pu'uno, kanandiomo pau-Do i Ue Ala, ”Menteeano, Kupontoroo asa watu i Sioni gagi pundasino, asa watu anu moroso, watu siuno anu masuli olino, asa pundasi anu moroso: Isema anu mompe'ala-ala, nahi ta danggara!

Yesaya 41:15

Menteeano, Kuweweuko gagi dopi ponsesaa anu montaso ka wo'ohu, saru hadio ngisino. Omue kosumesa ira torukuno ka puro-puro ira, ka luwuno pongku mbo'u koweweu ira kana kulino pae.

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Yeremia 51:25

Menteeano, Aku gagi ewaimu, hei torukuno poropu, kanandiomo pau-Do i Ue, anu rumopuo asa wawontolino! Aku tumandeo kae-Ku ndi omue, lumundiko inso a pongku watu, ka weweuko gagi torukuno api anu mateomo.

Mika 1:4

Tepe'awuomo luwuno torukuno a ntoto karu-Do, ka luwuno lembono tebansi kana gomo i arono api, kana uwoi te'uwu a pontindulua.

Mika 4:1

Ta gagi a luwuno oleo pokotompa: Torukuno raha-Do i Ue ta mentade lumaloio punsuno luwuno torukuno ka kontasi-tasi mantande i wawono luwuno pongku; luwuno tongku ira mpetonda-tonda raane,

Habaku 3:6

Ondae mentade ka mebomba tolino; Ondae mengkita ka luwuno tongku Doweweuo mpondidi-ndidi, terawo-rawoomo luwuno torukuno anu kongko mompu'u tempo se'eluno, ka luwuno pongku wita anu etu-etuno ta'u gagi merete. Onaemo telaloa-Do etu-etuno ta'u.

Sakaria 4:8

Ka i'amba haweomo pau-Do i Ue ndi ongkue, kanandio,

Sakaria 4:9

”Kaeno i Serubabeli anu weweuomo pondasino Raha andio, ka kaeno mbo'u ta moko'umario.” Ka komiu mento'orio, nine Ondae Ueno luwuakoano anu tumena aku ndi omiu.

I MATIU 21:21

Dosangki ira i Yesu, ”Kupauakomiu, menteeano tewala mpompe'ala-ala komiu ka nahi menanta-nanta, komba butu komiu mpokoweweuo hapa anu wineweu-Ku a ngkeu ara atuu, sine mbo'u tewala impotaeakono torukuno andio: Pelimbamo ka utetadiako a laro ntahi! Anu kanatuu ta gagi.

I MATIU 21:42

Motae ira i Yesu ndi ondae, ”Napi horike mebasao a Wunta Mempori: Watu anu tinadido puu mpowangu raha gagiomo watu pondasi a nsiuno; mongkona atuu gagi inso ndi Ondae i Ue, aasa wineweu kinohali-haliako kinitano matato.

I MARAKUSU 12:10

Nahi horike mebasao pau andio: Watu anu tinadido mia puu mpowangu raha gagiomo watu po'empehi a nsiuno:

I LUKASI 20:17

Sine Ondae i Yesu mengkita ndi ondae ka Dopotae, ”Tewala kanandio hapake pengkonaano pau andio: Watu anu tinadido mia mperaha gagiomo watu empehino a nsiuno?

I LUKASI 3:5

Sompo bangano ta hinowui ka sompo torukuno ka pongku ta gagi merete, anu makulengku ta pinokomoleo, anu makuntoruku ta pinokomerete,

WINEWEUDO TINENA 4:11

Ondaemo i Yesu watu anu tinadido anu mpowangu raha – onaemo omiumo isa'a –, sine gagi Iramo watu empehino siuno.

ROMA 11:6

Sine tewala mongkona atuu gagi hangano pompehohawa, ka komba mbo'u hangano wineweu, hangano tewala komba kanatuu, asalakono pompehohawa atuu komba pompehohawa mbo'u.

EPESU 2:20

anu winangu me'empehiako luwuno tinena ka luwuno nabi, ka Ondae i Yesu Kerisituu gagi watu empehino a nsiuno.

1 PETURU 2:7

Onaemo pu'uno ndi omiu, anu mpompe'ala-ala, onae masuli olino, sine ndi ondae anu nahi dompompe'ala-ala, ”Watu anu domentadiomo mia mperaha, gagiomo watu siuno, gagiomo mbo'u watu tedanggia ka aasa watu tetidua.”

MENGKAAA 16:20

Ka luwuno togo moliu, ka torukuno nami domehinawe mbo'u.