Sakaria 3:8 - Wunta Mempori

⁸ Rongeomo, hei sando mpesomba langkai Yosua! Omue ka wali-walimu anu mpentoro i aromu, mentee ntu'u omiu megagi aasa petondoni nine menteeano Aku tumenao tetenaa-Ku, Meneeako i Mentumba.

Sakaria 3:8 ပူးပေါင်းရင်းမြစ်များ

Po'unde-unde 71:7

A hadio mia ongkue gagi kana petondoni, hangano Omiumo pepekaduduiaku anu moroso.

Yesaya 11:1

Asa tumba ta meluarako inso a ntu'ono i Isai, ka asa tumba ta tuwu inso a mpu'uno.

Yesaya 20:3

Mepau Iramo i Ue, ”Kana tetenaa-Ku i Yesaya melempa nahi pelemba ka nahi pe'empehi karu otolu nta'u tehineno gagi petondoni ka pepopoto'ori a nto Masiri ka Etiopia,

Yesaya 4:2

I tempo atuu tumba anu Dopotuwuo i Ue ta gagi tekosi ka maramba, ka hasilino wita gagi po'undea ka pompelangkai a nto Isaraeli anu tola.

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 49:3

Mepau Ira ndi ongkue, ”Omuemo tetenaa-Ku, hei Isaraeli, ka molalo omue Aku mokomengkaao maramba-Ku.”

Yesaya 49:5

Kanandio-andio, mepau Iramo i Ue anu weweu aku mompu'u inso a mpe'anakaa ka kugagi tetenaa-Do, ka mokuleo i Yako ndi Ondae, ka domepinumpu to Isaraeli ndi Ondae – mentee ntu'u, ongkue pinelangkai a pongkita-Do i Ue, ka ondae Ue Alaku gagi rosoku,

Yesaya 52:13

Menteeano tetenaa-Ku ta mehasili, onae ta pinelangkai, inunde-unde ka pinokomaramba.

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Yesaya 53:2

Kana tumba onae tuwu i aro-Do i Ue ka kana haka inso a wita motu'i. Onae nahi montama ke tengkita maramba ba ikinita, ka nahina a rupano anu weweu kita ineheakono.

Yesaya 8:18

Menteeano, ongkue ka nana'ote anu Doweeakunemo i Ue onaemo petondoni ka pepopoto'ori i olodo to Isaraeli inso ndi Ondae Ueno luwuakoano anu mo'ia a ntorukuno Sioni.

Yeremia 23:5

Menteeano, ta hawe tempono, kanandiomo pau-Do i Ue, nine Aku motuwuo Tumba Moleo tiano i Daudi. Onae ta moparenta gagi mokole pande mosongka ka ta weweuo moleoa ka menteea i wita atuu.

Yeremia 33:15

I tempo atuu Aku motuwuo Tumba moleono i Daudi. Onae ta weweuo moleoa ka menteea i wita andio.

Yehesikieli 12:11

Pauomo: Ongkue gagi tondonimiu. Kana anu wineweuku andio kanatuumo ta wineweu ndi ondae: gagi mia tinadi ira melako a pontadia.

Yehesikieli 12:6

I arono matado naaomo luwuno parewamu a wawo oweamu, ka wawaomo atuu meluarako a laro wongi-wongi. Omue asalakono tumutuwio rupamu, ranta nahi upongkita wita. Hangano, Ongkue weweuko gagi tondonido suku Isaraeli.”

Yehesikieli 24:24

Kanatuumo i Yehesikieli gagi petondonimiu; mengkena kana anu wineweuno komiu meweweuo. Tewala gagiomo atuu, komiu mento'orio, nine Ongkuemo Ue Ala.

Yehesikieli 34:29

Aku mompatindaako ira lere teto'ori, ranta i wita atuu nahina maupo te'asa mia ta mate mokoninggo ka nahi dompontembi mbo'u mokoburua poweweudo luwuno tongku.

Yehesikieli 37:24

Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.

Sakaria 6:12

Pauakonomo: Kanandiomo pau-Do Ueno luwuakoano: Kitaomo, asa mia anu meneeako i Tumba. Onae ta mentumba inso a mpo'iangano ka wanguo raha-Do i Ue.

I LUKASI 1:78

hangano pe'aroa ka pompehohawa inso ndi Ondae Ue Alato, onaemo ka Dohawe kumita kita, mata'oleo mo'oru inso i wawono,