Sakaria 3:2 - Wunta Mempori

² Ka i'amba mepau Iramo i Ue ndi Mosa'o atuu, ”Ondae i Ue tekudaakomu, hei i Mosa'o! Ondae i Ue, anu binikio Yerusale, tekudaakomu! Kombake onae andio mia nahi me'ura anu pinadiiomo inso a api?”

Sakaria 3:2 ပူးပေါင်းရင်းမြစ်များ

2 Tawarika 6:5

’Tampu'uno Kuwawa ira bawaa-Ku Isaraeli mpeluarako inso i Masiri, nahi Kupobiniki kota hapamo koa inso i olono luwuno suku Isaraeli anu mowangu raha i ra'ai, sine Kubinikiomo i Daudi gagi pabawai ira bawaa-Ku Isaraeli.

2 Tawarika 6:6

Sine lembuino Kubinikio Yerusale gagi po'iangano nee-Ku ka binikio i Daudi ka ipabawai ira bawaa-Ku Isaraeli.

Po'unde-unde 109:31

Hangano Ondae mentade i koanano mia mongkokolaro Ira kumaduduio inso a mia anu humukuo.

Yesaya 7:4

ka pauakono, Dagaiomo koroimu ka ikongko momperodo. Siimo doito ka siimo itengkuru aroamu hangano orua tompa api anu me'ahu andio tekudano ntu'u i Resini saru to Arami ka anano i Remalia.

Danieli 12:1

”A tempo mbo'u atuu ta hawe i Mikaeli, petewawa langkai atuu, anu ta mokowali ira anado tongkumu. Ta hinao asa tempo masukaraa anu langkai kana anu napi hori gagi mompu'u ka ihina luwuno tongku hawe a tempo atuu. Sine a tempo atuu tongkumu, sompo mia anu hinawe neeno teburi a Wunta atuu, ta tola.

Amosi 4:11

”Kuwowangunsuleomo luwuno kota i olomiu, kana Dowowangunsuleo Ue Ala Sodomo ka Gumora, ranta ka imegagi kana tompa api anu inala inso a langano api. Sine nahi mpepokule ndi Ongkue,” kanandiomo pau-Do i Ue.

Sakaria 1:17

Umarino atuu pebooliakonomo kanandio: Kanandiomo pau-Do Ueno luwuakoano: Luwuno kota-Ku ta hadioako mbo'u anu moiko. Ondae i Ue Ira tumareroo Sioni ka wali binikio Yerusale.”

Sakaria 2:12

Ondae i Ue Ira umalao me'ueo Yehuda a wita anu mempori, ka Ira wali binikio Yerusale.

I MARAKUSU 1:25

Sine Dokuahakono i Yesu, Dopotae, ”Perodo-rodo, peluarakomo inso ndi onae!”

I MARAKUSU 9:25

Mansa-Do kumitao i Yesu mia kohadi-hadiono mehawe mpenggowo, Dotekudaakono onitu nsa'o atuu, Dopotae, ”Hei omue onitu nsa'o anu mokobebeo mia ka mokomobongoo, Kuparentako, peluarakomo inso a nana'ote andio ka si pewinso mbo'u!”

I LUKASI 22:32

sine Kupekakaiakomumo, ka si bali pompe'ala-alamu. Ka omue, tewala upokonto'oriomo, pokoroso iramo pepaekompomu.”

I LUKASI 4:35

Sine Dotekudaakono i Yesu, Dopotae, ”Si pepau, peluarakomo inso ndi onae!” Ka onitu nsa'o mbo'u atuu motolao mia atuu i tonga-tongano mia hadio, ka i'amba meluarako inso ndi onae ka komba ipokomahakio.

I LUKASI 9:42

Ka tempono nana'ote atuu umpedaako Ira i Yesu, onitu nsa'o atuu mobangkuo a wita ka inggenggetoo. Sine Ondae i Yesu kumuahakono onitu nsa'o atuu ka Dopokotompao nana'ote atuu, ka Do'amba mokuleo a amano.

I YOHANE 13:18

Komba mongkona omiu luwu Kupepau. Kuto'orio, isema anu Kubinikiomo. Sine asalakono inihii anu teburi a Wunta Mempori andio: Mia anu mongkaa roti-Ku, itandeomo tundono ndi Ongkue.

ROMA 16:20

Po'ineeomo Ondae Ue Ala, pu'uno rodoa, ka Doronga puro-puroo i Mosa'o a ntoto ngkarumiu. Pompehohawa-Do i Yesu, Ueto, kumongkomi komiu!

ROMA 8:33

Isemake anu ta mosebe ira mia bininiki-Do Ue ala? Ondae Ue Ala anu mokomentee ira? Isemake anu ta humuku ira?

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.

YUDASI 1:23

Imengkadudui iramo mesala rumontu ira inso a api. Sine impopokitaomo pe'aroa anu tinondaako doitoa a luwuno mia susua mbo'u, ka ime'o'aliaakonomo sangkado anu rinegeiako luwuno mosisirino hala.

YUDASI 1:9

Sine i Mikaeli tadulakodo mala'eka, tempono a laro aasa teposisalaa megaga saru i Mosa'o mongkona wata ngkoroino i Musa, nahi sapa humukuakono i Mosa'o pau pompepaukiako, sine ipotae, ”Po'ineeomo Ondae i Ue kumuahakomu!”

MENGKAAA 17:14

Ondae ira mpetea umewai Ira i Ana Bimba. Sine i Ana Bimba ta numangi ira, hangano Ondaemo Ue i wawono luwuno ue ka Mokole i wawono luwuno mokole. Ira koa mperonga mbo'u saru Ondae mponangi, onaemo ondae anu mempinoboi, anu mebininiki iramo ka anu mpetenunu.”