Sakaria 3:1 - Wunta Mempori

¹ Ka i'amba pinopokitaomo ndi ongkue sando mpesomba langkai Yosua mentade i arono Mala'eka-Do i Ue ka i Mosa'o mentade i koanano ta tumuntuo.

Sakaria 3:1 ပူးပေါင်းရင်းမြစ်များ

Tegagia 3:15

Aku moweweu pe'iwalia i olomu ka beine andio, i olodo inulemu ka inuleno; inuleno ta puroo ulumu, ka omue kotumungkuo tundono.”

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

1 Tawarika 21:1

I Mosa'o mewangu umewai ira to Isaraeli ka ipopandeio i Daudi ka idoa ira to Isaraeli.

2 Tawarika 29:11

Luwuno anaku kanandio-andio si memangulele, hangano dobiniki komiumo i Ue mentade i aro-Do mekakaako Ira, ka impoweweu pesombaa ka montunu pesomba tia-Do.”

Esera 10:18

I olodo sando mpesomba anu mpokombia beinedo mia mehawe, onaemo inso a inuleno i Yesua anano i Yosada ka luwuno pepaekompono: i Ma'asea, i Eliese, i Yaribi ka i Gedalia.

Esera 2:2

Me'aiwa ira saru i Serubabeli, i Yesua, i Nehemia, i Seraya, i Re'elaya, i Modekai, i Bilisani, i Misipari, i Bigiwai, i Rehumi, ka i Ba'ana. Ndiomo burino needo luwuno mia inso a tongku Isaraeli:

Esera 5:2

I tempo atuu i Serubabeli anano i Sealitieli ka i Yesua anano i Yosada mompu'u iramo mbo'u wanguo Raha-Do Ue Ala i Yerusale. Luwuno nabi-Do Ue Ala pompokowali ka tumulungi ira.

Po'unde-unde 106:23

Onaemo ka Dopepau mingki rumopu ira, ande-andeno i Musa, mia bininiki-Do, nahi gagi wala i aro-Do, anu umonsoio mosa'ono aroa-Do rumopu ira.

Po'unde-unde 109:6

”Ipotoroakonomo asa mia mosa'o gauno, ka po'ineeomo asa mia anu motuntu mentade i koanano;

Yeremia 15:19

Onaemo pu'uno kanandiomo pau-Do i Ue, ”Tewala inehemu mepokule, Aku mokuleko gagi puu pompekakaako-Ku, ka tewala mompauko hapa anu mentudu ka komba anu mokoburu, asalakono omue kogagi ponsombu elo ndi Ongkue. Maupo ira mpepokule ndi omue, omue siimo pepokule ndi ondae.

Yehesikieli 44:11

A mpo'ianga mempori-Ku ondaemo anu mpodagai a luwuno pewowa langkaino Raha Mempori ka mpopekakaako a laro Raha Mempori. Ondaemo anu mponsumbele pesomba tinunu ka pesomba sinumbele tiado tongku ka mpo'angga mpekakaako ira.

Yehesikieli 44:15

Sine, luwuno sando mpesomba to Lewi inso a inuleno i Sadoki anu mpo'angga a mpo'ianga mempori-Ku tempono to Isaraeli mepansia inso ndi Ongkue, ondaemo anu ira me'umpeda ndi Ongkue mpoweweu pesomba ka mpo'angga i aro-Ku pompesombaako ndi Ongkue taba ka rea, kanandiomo pau-Do Ue Ala.

Hagai 1:1

A nta'u ko'orua poparentaano mokole Dariusu, a wula ko'onoo, a oleo amba-ambano wula atuu, haweomo pau-Do i Ue telalo ndi nabi Hagai hawe ndi Serubabeli anano i Sealitieli, petewawa i wita Yehuda, ka ndi Yosua anano i Yosadaki, sando mpesomba langkai, kanandio,

Hagai 1:12

Ka i'amba i Serubabeli anano i Sealitieli ka i Yosua anano i Yosadaki, sando mpesomba langkai, ka anu tebinta inso a tongku atuu mperorongeakono pepau-Do i Ue, Ue Alado, ka pauno nabi Hagai, kana peparenta-Do i Ue, Ue Alado ndi onae. Ka tongku atuu medoito ndi Ondae i Ue.

Hagai 2:4

Isemake i olomiu anu kumitao raha andio a laro marambano anu amba-ambano? Kana'umpeke imengkitao teweweuno kanandio-andio? Kombake anu andio kana nahina hapa-hapano a pongkitamiu?

Sakaria 1:13

Ka i'amba Ondae i Ue sumangkiako pau anu mauru ka anu montarero a mala'eka anu mepau ndi ongkue atuu.

Sakaria 1:19

Ka ku'amba mesikeno a mala'eka anu mepau ndi ongkue atuu, ”Hapa pengkonaano luwuno andio?” Sangkino ndi ongkue, ”Onaemo andio luwuno tandu anu sumiarawo ira Yehuda, Isaraeli ka Yerusale.”

Sakaria 1:9

Ka ku'amba mesikeno: Hapa pengkonaano luwuno andio, oo Ueku? Sumangki mala'eka anu mepau ndi ongkue: ’Aku koa mopokitao ndi omue hapa pengkonaano luwuno andio!’

Sakaria 2:3

Kontongaano mala'eka anu mepau ndi ongkue atuu lumako i arono, lumakoomo asa mala'eka susua umpedaakono,

Sakaria 3:8

Rongeomo, hei sando mpesomba langkai Yosua! Omue ka wali-walimu anu mpentoro i aromu, mentee ntu'u omiu megagi aasa petondoni nine menteeano Aku tumenao tetenaa-Ku, Meneeako i Mentumba.

Sakaria 4:14

Ka i'amba motae, ”Ndiomo orua mia anu inurapi anu mentade umpeda ndi Ondae Ueno asa wawontolino!”

Sakaria 6:11

Alaomo salaka ka wulaa, weweuomo ramba-ramba ulu ka pokonaakonomo atuu a uluno Sando Mpesomba Langkai Yosua anano i Yosadaki.

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

I LUKASI 21:36

Impedaga-dagai mpiha saru mpekakai, ka impohawe roso mentola inso a luwuno anu ta gagi atuu, ka imemoroso mpentade i aro-Do i Ana Manusia.”

I LUKASI 22:31

Simo, Simo, kitao, i Mosa'o mo'emaomo ta dumuku komiu kana gandu,

Winali 10:8

I tempo atuu Ondae i Ue mesusua ira suku Lewi anu mewawao burua pedandia-Do i Ue, ka dompo'angga mekakaako Ira i Ue ka domporonso a nee-Do, hawe kanandio-andio.

Winali 18:15

Asa nabi inso i tonga-tongamiu, inso i olodo pepaekompomiu, kana ongkue andio, Ira tumenao i Ue, Ue Alamiu. Onaemo anu asalakono komiu merongeo.

1 PETURU 5:8

Intelikemo ka impedaga-dagaimo! Anu umewai komiu, i Mosa'o, melempa metanggolili mengkena kana singa anu mengaoli ka mo'ungke mia anu pinokoteleno.

1 Samueli 6:20

Luwudo to Beti-semesi mpotae, ”Isema anu polio umaropi Ira i Ue, Ue Ala anu mempori? Ndi sema ba Dolako, ka Dobinta kita olai?”