Sakaria 2:9 - Wunta Mempori

⁹ Menteeano Aku tumandeo kae-Ku umewai ira, ka ondae ira megagi pomuruado mia anu hieno mpetuundu ndi ondae.” Ka komiu mento'orio, nine Ondae Ueno luwuakoano anu tumena aku.

Sakaria 2:9 ပူးပေါင်းရင်းမြစ်များ

Yesaya 10:32

Oleo andio i Asuri da menaa-naa i Nobi, mopo'io-ioo kaeno te'aro a ntorukuno ana beine Sioni, pongku Yerusale.

Yesaya 11:15

Ondae i Ue Ira mokomo'areo kolono Masiri ka tumandeo kae-Do a ngkoro Eparata saru tekuda anu mompokomo'ai. Dotunduhio tepeha gagi opitu korono wela mo'are, ranta mia mpokontelalo mpesandala.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 13:2

Wuatako iramo bandera a wawo ntorukuno anu londa, peboolimo ndi ondae temeroku; pekaweakonomo kaemu ka dompewinsokio pewowa langkaido ulea mokole!

Yesaya 14:2

Luwuno tongku susua mewawa ira to Isaraeli mpekule a mpo'iangado, ka i'amba to Isaraeli ira mpe'ue tongku atuu i wita-Do i Ue gagi ata tama ka beine. Kanatuumo domentawa ira mia anu tumawa ira ka pabawaio luwuno anu mokonsii ira.

Yesaya 19:16

I tempo atuu to Masiri ira mengkana beine; ira mpondidi-ndidi ka ntededengke a ngkae-Do Ueno luwuakoano anu pino'io-Do ndi ondae.

Yesaya 26:1

I tempo atuu penani andio ta pinenaniako i wita Yehuda, ”Ndi ontae hinao kota anu moroso, tekaduduiato Dopasaomo i Ue rere watu ka bente.

Yesaya 33:1

Masolakomo ntu'u, hei anu monsolangi anu napi sinolangi, ka omue, hei puu mporuntu anu napi rinontu! Tewala umarikomo monsolangi, omue isa'a kosinolangi; tewala omue umari morontu, omue isa'a korinontu.

Yesaya 33:21

I ra'ai Ondae i Ue atuu maramba Ira ntu'u ndi ontae, kana po'ianga bukeako korono ka waaano anu malua; nahi telaloio bangka binose, ka nahi sakio kapala langkai.

Yesaya 33:23

Luwuno koloromu luntuomo, nahi pokotanggoo moroso karuno somba a mpo'iangano, nahi pokowileo somba. I tempo atuu mia ira mpetia-tiao hadio rinontu, ka maupo mia pungku ta mo'ala pinomuru.

Yesaya 4:5

ka i wawono luwuno wita torukuno Sioni ka i wawono sompo tepotowoa, i tu'ai Ondae i Ue Ira mokogagio asa howu seru i tempono meene ka ahu saru wantano api anu kolanga-langa i tempono wongi. Mentee ntu'u ta hina asa boru i wawono luwuno marambaa atuu,

Yesaya 48:16

Perangkuhakomo ndi Ongkue, rongeomo andio: Inso i ndi'ipua nahi Kuhori mepau rahasia ka tempono igagi luwuno atuu kongko Aku i tu'ai.” Kanandio-andio, Ondae Ue Ala tumena aku a Mpenaa-Do.

Yesaya 60:18

Nahi ta hina mbo'u lele mongkona pobobarasaia i witamu, mongkona matea ke tekale-kalea i witamu. Omue kopauo rere watumu ”Tekadudui” ka luwuno pewowa langkaimu ”Po'unde.”

Yesaya 60:19

Ndi omue mata'oleo nami gagi mbo'u pompokomewine tempono meene ka wantano wula nami pompowee mbo'u mewine tempono wongi, sine Ondae i Ue Ira gagi pompokomewinemu anu nahi bali ka Ondae Ue Alamu Ira gagi marambamu.

Yeremia 27:7

Luwuno tongku ira mpetuundu ndi onae, ka a ana'ueno, ranta ka ihawe tempono witano onaeno mbo'u dompongko'alao hadio tongku ka mokole langkai.

Yeremia 28:9

Ka mongkona asa mia nabi anu mompau anu ta gagi mongkona rodoa, tewala anu ta gagi pinauno nabi atuu inihii, ka i'amba pinokonto'ori, nine nabi atuu mentee ntu'u tinena-Do i Ue.”

Yeremia 8:19

Irongeomo peboolido mpepetulungi ana beinedo tongkuku inso a luwuno po'ianga anu olai i wita andio, ”Nahi Dokongkoke i Ue i Sioni? Nahina mokolenoke i ra'ai?” Tembio tekuda-Ku ka dompokotesingkaakono luwuno tinaha-Do, saru luwuno lahumoado mia mehawe anu nahina pengkonaano?

Yehesikieli 39:10

Ondae nahi ira mpo'ala keu inso a mpada ke mpobansi keu a ntobu, hangano api ira mpolangaakono pepatinda parewa mpetea atuu. Ira merontuo luwuno mia anu rumontu ira ka momuru ira mia anu momuru ira, kanandiomo pau-Do Ue Ala.

Yoeli 2:27

Komiu koa mento'orio nine Ongkue kongko i olodo to Isaraeli, ka nine Ongkuemo Ue, Ue Alamiu; nahina anu susua. Bawaa-Ku nahi ira memongkoko'ii mbo'u ranta nahina tampulaano.”

Habaku 2:17

Pobobarasaia i Libano ta umaluko ka mateno luwuno kondehora ta mokompondendeko, hangano reano mia anu te'uwu atuu ka hangano pobobarasaia a wita, kota ka luwuno palilino atuu.

Habaku 2:8

Hadioomo tongku pinomurumu, ranta luwuno tongku anu toreano ira mempomuruko hangano reano mia anu te'uwu atuu ka pobobarasaia a wita, kota saru luwuno palilino.

Sepanya 2:9

Onaemo pu'uno, Ongkue anu tuwu, kanandiomo pau-Do Ueno luwuakoano, Ue Alado to Isaraeli, menteeano Moabi ta gagi kana Sodomo ka inuleno i Amoni kana Gumora, onaemo gagi tongampada melaro rui, po'ianga pongkekea ohia, ka po'ianga boni-boni ranta nahina tampulaano. Luwuno toreano bawaa-Ku ira mpopomuru ndi ondae ka anu toreano inso a tongku-Ku ondae mpe'ueo.”

Sepanya 3:15

Dotadiomo i Ue hukumu, Dowowangunsule iramo iwalimu. Ondae i Ue, Mokole i Isaraeli kongko i tonga-tongamu. Omue nahi kodoito mbo'u a masolaa.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Sakaria 2:8

Hangano kanandiomo pau-Do Ueno luwuakoano, anu a laro maramba-Do tumena akumo, mongkona luwuno tongku anu mpomuru komiumo, hangano isema dumanggi komiu, pengkonaano dumanggio ihi mata-Do.

Sakaria 4:9

”Kaeno i Serubabeli anu weweuomo pondasino Raha andio, ka kaeno mbo'u ta moko'umario.” Ka komiu mento'orio, nine Ondae Ueno luwuakoano anu tumena aku ndi omiu.

Sakaria 6:15

Mia inso i olaiano ira me'aiwa mpetonda mpowangu raha-Do i Ue. Ka komiu mento'orio nine Ondae Ueno luwuakoano anu tumena aku aiwa ndi omiu. Mongkona andio ta gagi, tewala mentee ntu'u imperorongeakono pau-Do i Ue, Ue Alamiu.”

Sakaria 9:15

Ondae Ueno luwuakoano anu dumagai ira ka ira mepingkoo saru mperawo-rawo ira watu pongkembi. Ira mempo'inu ka ira mpohohoi kana molanguako anggoro, lulua kana loea kodei ponsiwui, merano kana luwuno siuno meda pontunua pesomba.

I YOHANE 13:19

Kupauakomiu kanandio-andio tempono napi gagi mongkona atuu, nde tewala gagiomo ka impe'ala-alao, nine Ongkuemo Miano.