Sakaria 2:8 - Wunta Mempori

⁸ Hangano kanandiomo pau-Do Ueno luwuakoano, anu a laro maramba-Do tumena akumo, mongkona luwuno tongku anu mpomuru komiumo, hangano isema dumanggi komiu, pengkonaano dumanggio ihi mata-Do.

Sakaria 2:8 ပူးပေါင်းရင်းမြစ်များ

Tegagia 20:6

Mepau Iramo Ue Ala ndi onae a laro mo'ipi, ”Kuto'orio koa, nine moleo aroamu weweuo mongkona atuu, ka Kupe'aluhakomumo inso a mpoweweua hala ndi Ongkue. Onaemo pu'uno nahi Kupo'ineeko dumanggio.

2 Mokole 24:2

Ondae i Ue tumena ira gerombola Kasidimi, gerombolado to Arami, gerombolado to Moabi ka luwuno gerombola inuleno i Amoni umewaio i Yoyakimi. Dotena ira lumako umewaio Yehuda ka dosolangi ira menunu saru pau-Do i Ue anu pinohawe-Do tetenaa-Do luwuno nabi.

Po'unde-unde 17:8

Ipekaria akumo kana ihi mata-Miu, wuni akumo a laro pe'egoano pani-Miu

Powadi 7:2

Pe'inimo a parentaku, ka omue ko tuwu; naaomo pompaguruku kana ihi matamu.

Yesaya 49:19

Hangano luwuno po'iangamu anu londa ka boni-boni ka witamu anu rinongka, mentee ntu'u, kanandio-andio ma'iso lahi tiado palilimu ka mia anu ira menteleko ira me'olai.

Yeremia 12:14

Kanandiomo pau-Do i Ue, ”Mongkona luwuno pehori raha-Ku anu mosa'o wineweudo, luwuno tongku anu monsosanggoli wita anu Kuweeako iramo bawaa-Ku Isaraeli gagi tia pusakado, menteeano Aku buta ira inso i witado ka Aku buta ira suku Yehuda inso i tonga-tongado.

Yeremia 27:7

Luwuno tongku ira mpetuundu ndi onae, ka a ana'ueno, ranta ka ihawe tempono witano onaeno mbo'u dompongko'alao hadio tongku ka mokole langkai.

Yehesikieli 25:12

Kanandiomo pau-Do Ue Ala, ”Hangano Edomi mombalo a nsuku Yehuda ka sala mpoweweu anu langkai hangano moweweu pombaloa ndi ondae,

Yehesikieli 25:15

Kanandiomo pau-Do Ue Ala, ”Hangano to Pelisiti mpoweweu pombaloa ka saru po'o'alia i laro aroa dompombalo ponaa-naa aroa ira mpompepate saru aroa mpe'iwali hawe a inulemiu,

Yehesikieli 26:2

”Hei anano mia, hangano Tirusi mepau mongkona Yerusale: Losoko! Masolaomo pewowa langkaido luwuno tongku atuu; onae ta melimba ndi ongkue ranta ka kugagi buke, sine onae gagi tekale-kale,

Yehesikieli 26:20

ka Aku motiiko meronga luwuno mia anu mpetii a laro ngkaburu a tongku i ndi'ipua. Aku weweuko mo'ia i tolino anu lalu tetotoako kana tekale-kaleno i ndi'ipua, meronga luwuno mia anu mpetii a laro ngkaburu, ka siimo dompo'iangariko mbo'u mia, ka nahi pesabaako mbo'u i witado mia mentuwu.

Yehesikieli 35:5

Hangano i laro aroamu mo'ia aroa pe'iwalia mapa'api-api inule ka omue meweengako ira to Isaraeli a laro mpabawano ponai i tempono domemasusa, tempo pohukua pokotompa,

Yehesikieli 36:11

Aku mokohadioo porokono mia ka kondehora i wawomu, ka ira ntetiangi hadio ka mpe'ana ue. Aku weweu komiu wali pino'iangi kana amba-ambano ka moweweu moiko ndi omiu laluaopo sekono se'eluno. Ka komiu mento'orio nine Ongkuemo Ue.

Yehesikieli 38:11

Omue motae: Aku sumapoio wita anu luwuno kotano nahi merere watu ka sumapoi ira mia anu mentuwu roodo ka manangai, luwuno anu mpo'ia a mpo'ianga nahi merere watu, nahina lansono ke pewowa langkai.

Yehesikieli 38:14

Onaemo pu'uno, pauomo anu ta gagi, hei anano mia ka potaemo ndi Goge: Kanandiomo pau-Do Ue Ala: I tempo atuu, tempono bawaa-Ku Isaraeli tekonai memanangai, omue komoposoo ira.

Amosi 1:11

Kanandiomo pau-Do i Ue, ”Hangano otolu wineweuno Edomi anu mosa'o, ke opaa, nahi Aku balio mbo'u pomputusi-Ku. Hangano onae moluluako ponai pepaekompono ka mepateo aroa pompehohawano, bamburuno moberi mpiha, ka tekudado kongko mpiha,

Amosi 1:13

Kanandiomo pau-Do i Ue, ”Hangano otolu wineweuno inuleno i Amoni anu mosa'o, ke opaa, nahi Aku balio pomputusi-Ku. Hangano ondae mpobonsi kompodo beine mentia i Gileadi ira mpokomaluao witado,

Amosi 1:9

Kanandiomo pau-Do i Ue, ”Hangano otolu wineweuno Tirusi anu mosa'o, ke opaa, nahi Aku balio mbo'u pomputusi-Ku: hangano dompeweengako iramo luwu mia tinadi ndi Edomi ka nahi pinewowolo pedandi pepaekompoa,

Mika 4:11

Kanandio-andio hadio tongku mpepumpu umewaiko. Dompotae, ”Po'ineeomo onae isinosa'ai, po'ineeomo matato mo'ila kumitao Sioni!”

Mika 5:6

Toreano inule i Yako ta hina i olodo hadio tongku kana tontoru inso ndi Ondae i Ue kana usa ntiwu-ntiwu a wawo mpinopaho anu nahi ponsisikori mia ka nahi pomperorohi a ana manusia.

Mika 7:10

Iwaliku ta kumitao ka mokoko'iio ta lumimbuo anu mepau ndi ongkue, ”Isua Ira i Ue, Ue Alamu?” Mataku ta kumitao; kanandio-andio onae linolanda kana rege a nsala.

Habaku 2:17

Pobobarasaia i Libano ta umaluko ka mateno luwuno kondehora ta mokompondendeko, hangano reano mia anu te'uwu atuu ka hangano pobobarasaia a wita, kota ka luwuno palilino atuu.

Habaku 2:8

Hadioomo tongku pinomurumu, ranta luwuno tongku anu toreano ira mempomuruko hangano reano mia anu te'uwu atuu ka pobobarasaia a wita, kota saru luwuno palilino.

Sepanya 2:8

”Kurongeomo pontetewehi inso a nto Moabi ka po'ani-anido inuleno i Amoni, kana'umpe domentetewehi ira bawaa-Ku ka me'unde-undeo koroido a witado bawaa-Ku atuu.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Sakaria 2:9

Menteeano Aku tumandeo kae-Ku umewai ira, ka ondae ira megagi pomuruado mia anu hieno mpetuundu ndi ondae.” Ka komiu mento'orio, nine Ondae Ueno luwuakoano anu tumena aku.

Sakaria 8:5

Luwuno tanalapano kota atuu ta bukeako ana ntama ka ana beine anu memawongko mpepalindo i tu'ai.

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

I MATIU 25:45

Ka Ira sumangki: Kupauakomiu, menteeano luwuakoano anu nahi imeweweuo tiano asa mia inso ndi ondae anu tedoa mongkokolaro andio, nahi meweweuo mbo'u ndi Ongkue.

I YOHANE 14:26

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

I YOHANE 17:18

Mengkena kana Itena Aku i wawontolino kanandio koa mbo'u Kutena ira i wawontolino;

WINEWEUDO TINENA 9:4

Onae tebangku a wita ka irongeomo aasa suara anu mepau ndi onae, ”Saulu, Saulu, tembio ka ubobarasai Aku?”

Winali 32:10

Onae Dohaweo i pada one, i tonga-tongano wita londa ka muuno pada malua. Dolimbuo ka Dopensiroio, Dodagaio kana ihi mata-Do.

2 TESALONIKA 1:6

Hangano lano ndi Ondae Ue Ala ka Dopombaloakono pompokonsii ndi ondae anu mempokonsii komiu

1 YOHANE 4:14

Ka kimengkitaomo ka mpesakosii, nine Dotena Iramo i Ama Ana-Do gagi Puu Pongkaduduino wawontolino.