Sakaria 2:13 - Wunta Mempori

¹³ Penoro-noromo, hei luwuno anu tuwu i aro-Do i Ue, hangano mentade Iramo inso a mpo'ianga-Do anu mempori.

Sakaria 2:13 ပူးပေါင်းရင်းမြစ်များ

2 Tawarika 30:27

Umarino atuu luwuno sando mpesomba to Lewi mpentade rumonso ira palili. Pepaudo Dorongeo i Ue ka pekakaido hawe a mpo'ianga-Do anu mempori i suruga.

Po'unde-unde 11:4

Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

Po'unde-unde 46:10

anu mokompenaa-naao peteaa hawe i tompano tolino, anu puduo wo'eno pana, mokobondao kansai, anu sumongko ira kareta mpetea!

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Po'unde-unde 78:65

Ka i'amba tewangu Iramo i Ue, kana mia anu tekoturi, kana pongkiari anu umari molanguako anggoro;

Yesaya 14:2

Luwuno tongku susua mewawa ira to Isaraeli mpekule a mpo'iangado, ka i'amba to Isaraeli ira mpe'ue tongku atuu i wita-Do i Ue gagi ata tama ka beine. Kanatuumo domentawa ira mia anu tumawa ira ka pabawaio luwuno anu mokonsii ira.

Yesaya 19:16

I tempo atuu to Masiri ira mengkana beine; ira mpondidi-ndidi ka ntededengke a ngkae-Do Ueno luwuakoano anu pino'io-Do ndi ondae.

Yesaya 41:1

Penoro-noromo, ronge Akumo, hei luwuno togo; po'ineeomo luwuno tongku mpohawe roso wo'ohu! Po'ineeomo dome'aiwa mperangkuhako, ka do'amba mpepau; moikoomo tomelako mperonga-ronga ka tompekara-kara!

Yesaya 51:9

Pekaangakomo, pekaangakomo! Pokonaomo roso, hei kae-Do i Ue! Pekaangakomo kana i tempo se'eluno ntu'u, ia tempo inule anu ndi'ipua ntu'u! Komba Omiuke anu purokio i Rahabi, anu montobo naga ranta mate?

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 57:5

Omiu mentondao lahi po'eheno aroamiu umpeda a luwuno ngkeu me'onitu, i totono sompo keu anu marombo, omiu sumumbele ira nana'ote a luwuno lembono, i olo-olono pongku watu.

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yeremia 25:30

Omuemu isa'a, pauomo luwuno pau anu ta gagi andio ndi ondae. Pauako iramo: Ondae i Ue Ira mengaoli kana singa inso a mantandeano ka moporongeo suara-Do inso a mpo'ianga-Do anu mempori; Ira mengaoli meroku a mpo'ianga pompakambia-Do, asa pohio, kana pohiodo anu mposesa wua anggoro, a luwuno palilino tolino.

Habaku 2:20

Sine Ondae i Ue kongko Ira i laro raha-Do anu mempori. Imerodomo mpo'ia i aro-Do, oo luwuno tolino!

Sepanya 1:7

Pomperodomo i aro-Do Ue Ala, hangano oleo-Do i Ue rangkuomo. Mentee ntu'u, Ondae i Ue mompatinda Iramo pesomba sinumbele ka mokomemporiomo luwuno inolu-Do.

Sepanya 2:9

Onaemo pu'uno, Ongkue anu tuwu, kanandiomo pau-Do Ueno luwuakoano, Ue Alado to Isaraeli, menteeano Moabi ta gagi kana Sodomo ka inuleno i Amoni kana Gumora, onaemo gagi tongampada melaro rui, po'ianga pongkekea ohia, ka po'ianga boni-boni ranta nahina tampulaano. Luwuno toreano bawaa-Ku ira mpopomuru ndi ondae ka anu toreano inso a tongku-Ku ondae mpe'ueo.”

Sepanya 3:8

Onaemo pu'uno, sikori Akumo a oleo Kugagi sakosii, kanandiomo pau-Do i Ue. Hangano, Kupo'asaomo aroa-Ku, Aku pumpu ira luwuno tongku ka poparentaa ka Aku umuwuo tekuda-Ku ndi ondae, luwuno tekuda-Ku anu tensila. Menteeano asa wawontolino ta pingko ikaano api mahakino aroa-Ku.”

Sakaria 4:9

”Kaeno i Serubabeli anu weweuomo pondasino Raha andio, ka kaeno mbo'u ta moko'umario.” Ka komiu mento'orio, nine Ondae Ueno luwuakoano anu tumena aku ndi omiu.

Sakaria 6:15

Mia inso i olaiano ira me'aiwa mpetonda mpowangu raha-Do i Ue. Ka komiu mento'orio nine Ondae Ueno luwuakoano anu tumena aku aiwa ndi omiu. Mongkona andio ta gagi, tewala mentee ntu'u imperorongeakono pau-Do i Ue, Ue Alamiu.”

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

ROMA 9:20

Isemake omiu, hei mia, ka ime'ewai Ira Ue Ala? Polioke anu pinokogagi motaeakono anu mokogagio, ”Tembioke ka upokogagi aku kanandio?”

Winali 18:21

Bara'ura komiu mpotae i laro aroamiu, ”Kana'umpe kami mento'orio pau anu nahi Dopauo i Ue?”

Winali 18:22

Tewala asa nabi mepau a nee-Do i Ue ka pinauno atuu nahi gagi ka nahi mengkaa, onaemo atuu pau anu nahi Dopauo i Ue. Nabi atuu kowee-weeomo mompohawe, si medoitoakono.

Winali 26:15

Ipensiroiomo inso a mpo'ianga-Miu anu mempori, i laro nsuruga, ka Ironso iramo bawaa-Miu Isaraeli, ka wita anu Iweekamimo, kana anu Idandiomo saru sumpa ndi ondae uempu'u mami, asa wita anu hadio ntu'u susu ka siu hoanino.”