Sakaria 2:12 - Wunta Mempori

¹² Ondae i Ue Ira umalao me'ueo Yehuda a wita anu mempori, ka Ira wali binikio Yerusale.

Sakaria 2:12 ပူးပေါင်းရင်းမြစ်များ

2 Tawarika 6:6

Sine lembuino Kubinikio Yerusale gagi po'iangano nee-Ku ka binikio i Daudi ka ipabawai ira bawaa-Ku Isaraeli.

Esetere 6:13

Ka itutuluo i Hamani ndi Seresi, kombiano, ka a luwuno sambe'eno hapa anu pinembasaino. Mpotae iramo mia mponto'ori ka pande mpompewowolo ka i Seresi, kombiano, ndi onae, ”I arono i Modekai mompu'ukomo tedonda. Tewala i Modekai atuu inuledo to Yahudi, manasa nahi kopolio umewaio, tendeano mentee ntu'u kotedonta i arono.”

Po'unde-unde 105:15

”Si sosanggelo ira mia anu inurapi-Ku, ka si mpoweweu mosa'o a luwuno nabi-Ku!”

Po'unde-unde 132:13

Hangano Dobinikiomo i Ue Sioni, inehe-Do gagi po'ianga-Do,

Po'unde-unde 132:14

”Ndiomo po'ianga-Ku ranta nahina tampulaano, i ndi'ai Kupo'ia, hangano inehe-Ku.

Po'unde-unde 135:4

Hangano, Ondae i Ue Dobinikiomo i Yako tia-Do, to Isaraeli gagi mia-Do anu pinehohawa-Do.

Po'unde-unde 33:12

Me'uraomo tongku, anu Ue Alano onaemo Ondae i Ue, suku tongku anu bininiki-Do gagi Ondae-Do me'ueo!

Po'unde-unde 82:8

Ipewangumo oo Ue Ala, bitaraomo tolino, hangano Omiumo anu me'ueo luwuno tongku.

Yesaya 14:1

Tempono Ondae i Ue mehohawao i Yako ka binikio Isaraeli pohona mbo'u saru mo'inee ira mpo'ia i witado, mia mehawe ira mpe'asaako ira ka mpesaloako inuleno i Yako.

Yesaya 17:14

Tamo ngkiniwia, gagiomo mongkokongiria! Napi mo'oru, nahi domekongko mbo'u! Onaemo atuu tiado mia anu pomuru kita, ka onaemo atuu anu tinantui tiado mia anu merontu kita.

Yesaya 41:9

omue anu Ku'alakomo inso i tompano tolino ka anu Kupoboikomo inso a luwuno siuno, Kupauakomu, ”Omue tetenaa-Ku, Kubinikikomo ka Kutarimako”;

Yeremia 10:16

Komba kanatuu Ondae anu gagi Tiano i Yako, hangano Ondaemo anu weweuo luwuakoano, ka Isaraeli onaemo suku pine'ue-Do; Ueno luwuakoano, onaemo nee-Do!

Yeremia 30:16

Sine luwuno mia anu tumeleko ta tinele, ka luwuno iwalimu ira mpewinso a laro pontawaa; mia anu merontuko ta gagi rinontu, ka luwuno mia anu mpomuruko Aku weweuo gagi pomurua.

Yeremia 51:19

Komba kanatuu Ondae anu gagi Tiano i Yako, hangano Ondaemo anu weweuo luwuakoano, ka Isaraeli onaemo sukuno mia-Do; Ondae Ueno luwuakoano onaemo nee-Do!

Sakaria 1:17

Umarino atuu pebooliakonomo kanandio: Kanandiomo pau-Do Ueno luwuakoano: Luwuno kota-Ku ta hadioako mbo'u anu moiko. Ondae i Ue Ira tumareroo Sioni ka wali binikio Yerusale.”

Sakaria 3:2

Ka i'amba mepau Iramo i Ue ndi Mosa'o atuu, ”Ondae i Ue tekudaakomu, hei i Mosa'o! Ondae i Ue, anu binikio Yerusale, tekudaakomu! Kombake onae andio mia nahi me'ura anu pinadiiomo inso a api?”

Winali 32:10

Onae Dohaweo i pada one, i tonga-tongano wita londa ka muuno pada malua. Dolimbuo ka Dopensiroio, Dodagaio kana ihi mata-Do.

Winali 32:9

Sine tia-Do i Ue onaemo bawaa-Do, i Yako onaemo tia-Do pusaka anu pinakosi-Do.