Sakaria 2:10 - Wunta Mempori

¹⁰ ”Peboo-boolimo ka po'undemo, hei ana beine Sioni, hangano menteeano Aku hawe ka mo'ia i tonga-tongamiu. Kanandiomo pau-Do i Ue.

Sakaria 2:10 ပူးပေါင်းရင်းမြစ်များ

Po'unde-unde 40:7

Omiu nahi pemoikoo pesomba sinumbele ka pesomba kaanga, sine I'ungkahiomo biriku; pesomba tinunu ka pesomba po'onini hala nahi Ituntuo.

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Peluarakoa 29:45

Aku mo'ia i olodo to Isaraeli ka Aku gagi Ue Alado.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 35:10

mia anu mempinotola-Do i Ue ira mpekule ka mpewinso i Sioni saru mengkokora-kora, po'unde nahina tampulaano ta gagi peramba-ramba uludo; mawongkoa ka po'unde ta buke ndi ondae, masusa ka pompemasusa me'olaiako.

Yesaya 37:22

ndiomo pau anu Dopauomo i Ue mongkona onae: Ana beine Sioni, ana beine atuu, ipokongkodeikomo, ipasinggiriko. Ana Beine Yerusale bitu-bitu uluomo i bungkumu.

Yesaya 42:10

Penaniakonomo penani wo'ohu tia-Do i Ue ka unde-unde Iramo inso i tompano tolino, hei omiu anu mpetii a ntahi, hei luwuno ihino, luwuno togo saru luwuno palilino.

Yesaya 48:20

Peluarakomo inso i Babeli, polaimo inso i Kasidimi! Pauomo saru kokora-kora mawongko ka paleleomo mongkona andio! Paleleomo hawe i tompano tolino! Pauomo, ”Ondae i Ue Dotolosiomo i Yako, tetenaa-Do!”

Yesaya 51:11

Luwuno mia anu pinotola-Do i Ue ira mpekule ka mpewinso i Sioni mengkokora-kora mawongko, po'unde nahina tampulaano ta gagi peramba-ramba uludo; mawongkoa ka po'unde ta buketi ira, masusaa ka pompemasusa me'olaiako.

Yesaya 52:11

Pe'olaiakomo, pe'olaiakomo! Peluarakomo inso i ra'ai! Osi'i ntu'u omue tedanggiako anu mokoburu! Peluarakomo inso i tonga-tongano, pokomemporiomo koroimiu, hei mia anu mpontande parewano raha-Do i Ue!

Yesaya 54:1

Mengkokora-koramo mawongko, hei beine bita anu nahi hori me'ana! Po'undemo saru mengkokora-kora mawongko ka pebolikimo, hei omue anu nahi hori mompembasai mahaki me'ana! Hangano luwuno anano beine anu bininta asa-asano ta laluaopo hadio anano sekonopo nana'ote inso a beine anu hinao tamano, pau-Do i Ue.

Yesaya 61:10

Mawongko aku ndi Ondae i Ue, sumangaku kokora-kora mawongko ndi Ondae Ue Alaku, hangano Dopokonaakune sangka tekaduduia ka sumoumbuakune lemba meloe menteea, kana umbungkoroi tama anu mompokona ramba-ramba ulu ka kana umbungkoroi beine anu mompake ramba-rambano.

Yesaya 66:14

Tempono imengkitao, aroamiu ta mawongko, ka komiu kana ewo anu tuwu mewalo; ka kae-Do i Ue ta mengkaa a luwuno tetenaa-Do, ka tekuda-Do a luwuno iwali-Do.

Yeremia 30:19

Penani po'unde-unde ta mewuatako inso i olodo, saru mbo'u suarado mia anu memawongko. Aku weweu ira ntetiangi hadio ka nahi ira memakura mbo'u. Aku weweu ira mempinelangkai, ka nahi ira mentinetewehi mbo'u.

Yeremia 31:12

Ira me'aiwa mpeboo-booli a wawo pongku Sioni, rupado ta mewanta hangano moiko-Do i Ue, hangano gandu, anggoro ka lana, hangano bawaano ana bembe bimba ka sapi; tuwudo ta kana lere bunga anu inuwoi, nahi ira memarasai mbo'u.

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Yehesikieli 37:27

Po'ianga-Ku mbo'u ta kongko ndi ondae ka Aku gagi Ue Alado ka ondae gagi bawaa-Ku.

Yehesikieli 48:35

Gaagi, limbuno kota atuu hopulu ka oalu nsowu hiku. Mompu'u oleo atuu neeno kota atuu: Ondae i Ue kongko i tu'ai.”

Imama 26:12

Sine Aku kongko i tonga-tongamiu ka Aku gagi Ue Alamiu ka omiu megagi bawaa-Ku.

Sepanya 3:17

Ondae Ue Alamu kongko i tonga-tongamu; Ondaemo pongkiari anu mompowee ponangia. Domawongkoakomu saru buke po'unde. Dopokowo'ohuko a laro pompehohawa-Do, Ondae meboo-booliako pebooli mpo'unde hangano omue,

Sakaria 1:16

Onaemo pu'uno, kanandiomo pau-Do i Ue, Aku wali mehohawao Yerusale. Raha-Ku ta pinontade mbo'u i ra'ai, kanandiomo pau-Do Ueno luwuakoano, ka koloro posongka ta pinadindi mbo'u i Yerusale.’

Sakaria 14:5

Komiu mempolai a lembono luwuno torukuno-Ku, hangano lembono torukuno atuu ta hawe i Asali. Komiu mempolai kana hori komiu mempolaiako lelu tempono i Usia, mokole i Yehuda. Ka i'amba Ondae i Ue, Ue Alaku, Ira hawe, ka luwuno mia mempori merongaako Ira.

Sakaria 2:11

I tempo atuu hadio tongku ira tepo'asaako Ira i Ue ka gagi bawaa-Ku ka Aku mo'ia i tonga-tongamiu.” Ka kotumo'orio nine Ondae Ueno luwuakoano anu tumena aku ndi omue.

Sakaria 2:5

Ongkue isa'a, kanandiomo pau-Do i Ue, ta gagi rere watu me'api lumimbuo, ka Aku gagi marambaa i larono.

Sakaria 8:3

Kanandiomo pau-Do i Ue: Aku mekule i Sioni ka Aku mo'ia i tonga-tongano Yerusale. Yerusale ta pinau Kota Metenunu, ka torukuno-Do Ueno luwuakoano ta pinau Torukuno Mempori.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

Maleaki 3:1

Kitao, Kutenao tinena-Ku ka ipatindao sala i aro-Ku! Nahi mengkoo-kooo Ondae i Ue anu inungkemiu atuu Ira hawe a raha-Do. Mala'eka Pedandia anu rinorondomiu atuu, menteeano hawe Ira, pau-Do Ueno luwuakoano.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.

PILIPI 4:4

Impo'undemo mpiha ndi Ondae i Ue! Pohonapo mbo'u kupauo: Impo'undemo!

MENGKAAA 2:1

”Buriakonomo mala'ekado bawaa i Epesu: Ndiomo pau inso ndi Ondae, anu mo'ini opitu anano wula atuu a ngkae ngkoana-Do ka melempa i olodo opitu karuno hulu wulaa atuu.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.